Droad

Aus Wikipedia
Wexln zua: Navigation, Suach
Der Artikl is im Dialekt Obaboarisch gschrim worn.
Lebmsmittl aus Droad
Woaznacka
Reisobau in Kambodscha
Gugaruzkoim

Unta Droad vastehd ma vaschiadne Oartn vo Siassgrasa (Poaceae). De Menschn zichtn und baun de im Nahn Ostn scho seit iba 10.000 Joar o, z Mittleiropa seid 7.000 Joar. Droad is des Grundnoarungsmittl vo am Grosstei vo de Menschn, und es werd aa ois Fuada fiad Viecha heagnumma.

Sortn[VE | Weakln]

Wejdweid gebts a grosse Zoi vo vaschiadne Sortn.

Haptsortn, sortiat noch Produktionsvolumen (wäidweit)[VE | Weakln]

  • Gugaruz (dt. Mais)
  • Woazn (dt. Weizen, dazua ghearn aa Dinke, Greakean etc.)
  • Reis (und Wuidreis)
  • Geaschtn (dt. Gerste)
  • Hiasn (Millet, Teff, Sorghum)
  • Howan (dt. Hafer)
  • Korn (dt. Roggen)

Pseudocerealien[VE | Weakln]

De foigndn Sortn ghearn ned zua de Grasa, wern aba ähnlich vawendt. Do sans zua Obgrenzung aufgfiat.

  • Amarant
  • Buachwoazn
  • Quinoa

Wos ma wo aus Droad z Essn macht[VE | Weakln]

Weis des Grundnoarungsmittl schlechthi is, gebts entsprechnd aa de untaschiadlichstn Vaarbatungsweisn. In Eiropa werd Droad vor oim ois Mäi hergnumma, aus dem Brod und Nudln gmacht wern. Aa Miasli oda "Fruahstuckscerealien" (Cornflakes und aso Zeig) wern oft gessn. Freara war in Mittleiropa hoassa Bapp aus Droad (Brei) recht vabreit. Des merkt ma heid no an de Englända eanam "Porridge". Da Vorteil is, dass' an warma Mogn macht. Im deitschsprochign und slawischn Raum werd vui dunkls, schwaars Brod oda Voikornbrod gessn, in andane Lända meara Weissbrod. Italien is bekannt fia de Nudln aus Woaz, de dortn "Pasta" ghoassn wern. Auf andane Kontinente dominiern ganz andane Droadsortn. In Asien bekanntamassn da Reis, den ma oiwei kocha muas. Heifig gebts dortn zu a jeda Moizeit (aa zum Friastick) an Reis mit am pikantn Gmias- oda Fleischgricht dazua. In Afrika werd vui Bapp aus Hirsn oda Mais gessn, im Nordn eha Bulgur und des "Couscous", wo aus am spezielln Woazngriass gmacht werd. In Amerika schliessle gebts recht vui Zeig aus Mais, wei da Mais jo aa vo dortn herkimmt. Aa de Pseudocerealien san bei de Grundnahrungsmittl guad dabei, da Buachwoaz vor oim im slawischn Raum, Russland zum Beispui, da Amarant und as Quinoa mera in Südamerika.

Inhoitsstoffe[VE | Weakln]

Inhoitsstoffe vo vaschiedanen Droadoartn (je 100 g)
max min Energie (kJ) Oaweiß (g) Fett (g) Kohlenhydrate (g) Calcium (mg) Eisn (mg) Kalium (mg) Magnesium (mg) Vitamine
B1 (mg) B2 (mg) B6 (mg) E (mg) Folsaire (mg) Niacin (mg)
Dinkl 1340 11,5 2,7 69,0 22 4,2 447 130 0,40 0,15 0,27 1,6 0,03 6,9
Geaschtn 1430 11,0 2,1 72,0 38 2,8 444 119 0,43 0,18 0,56 0,67 0,065 4,8
Howan 1530 12,5 7,1 63,0 79,6 5,8 355 129 0,52 0,17 0,75 0,84 0,033 1,8
Hiasn 1510 10,5 3,9 71,0 25 9,0 215 170 0,46 0,14 0,75 0,1 0,01 4,8
Gugaruz 1498 9,0 3,8 71,0 15 1,5 330 120 0,36 0,20 0,40 2,0 0,026 1,5
Reis 1492 7,5 2,2 75,5 23 2,6 150 157 0,41 0,09 0,67 0,74 0,016 5,2
Korn 1323 8,8 1,7 69,0 64 5,1 530 140 0,35 0,17 0,29 2,0 0,14 1,8
Woazn 1342 11,5 2,0 70,0 43,7 3,3 502 173 0,48 0,24 0,44 1,35 0,09 5,1

Wirtschafdliche Bedeitung[VE | Weakln]

Wejddroadernte[VE | Weakln]

Wejdweite Erntemengen vo de drei wichtigstn Droadoartn

Im Joar 2007 san wäidweit foigende Anbauergebnisse erzuit woan:

Flächn in ha ha-Ertrag in dt/ha Droadmenge in t
Droadoart Wejd D Wejd D Wejd D
1 Gugaruz 157.874.343 383.100 49,7 90,9 784.786.580 3.480.600
3 Reis 156.952.666 41,5 651.742.616
2 Woazn 217.432.668 3.005.300 29,0 71,1 607.045.683 21.366.800
4 Geaschtn 56.608.527 1.933.500 24,1 57,1 136.209.179 11.034.200
5 Hirse* 79.630.605 11,8 96.465.056
6 Howan 11.951.617 181.800 21,7 44,0 25.991.961 800.000
7 Korn 6.892.091 674.000 22,8 49,2 15.749.613 3.319.000
SUMME 687.342.517 6.177.700 2.317.990.688 40.000.600
* = Sorghum+Millet
Quelle: FAO: Faostat 2009[1]

Schau aa[VE | Weakln]

Beleg[VE | Weakln]

  1. [1], Faostat Statistik der FAO, abgerufen am 2. November 2009

Im Netz[VE | Weakln]

 Commons: Droad – Sammlung vo Buidl, Videos und Audiodateien