St. Pötn

St. Pötn

Baasisdaaten

Bundeslaund: Niedaöstareich

Politischer Bezirk: Statutarstod (P)

Flächen: 108,48 km²

Koordinaten: Koordinaten: 48° 12' N, 15° 37' O 48° 12' N, 15° 37' O

Heechen: 267 m y. A.

Eihwoner: 51.073 (31. Dez. 2005)

Bevökerrungsdichten: 471 Eihwoner pro km²

Postlaatzoi: 3100

Vurwoi: 02742

Gmoandkennziffer: 3 02 01

NUTS-Region: AT123

Gmoandvawoitung: Rathausplatz 1
3100 St. Pölten

Netzseiten:

www.st-poelten.gv.at

Politik

Burgermaaster: Matthias Stadler (SPÖ)

Gmoandroot: (2006)

26 SPÖ, 10 ÖVP, 3 Greane, 2 FPÖ, 1 (Liste Hermann Nonner)

St. Pötn in Niadaestareich

St. Pötn

St. Pötn (amtlich:St. Pölten) is de Hauptstod vo Niadaestareich und hot zirka 50.000 Eiwohna. Damit is dees a de gresste Stod in Niadaestareich.

St. Pötn is Statutarstod und somit sowoi Gmoa ois a Beziak.

Da Naum geht auf Hl. Hippolyt zruck, noch dem s easchte Klosta gnennt wuan is: St. Hippolyt – St. Polyt – St. Pölten

[drå werkln] Eadkunde

De Stod liegt an da Traisen im neadlichen Oipnvualaund, sidlich vo da Wachau. Damit gheats zan Mostviadl.

[drå werkln] Stodgliedarung

De Stodtei

St. Pötn gliedat si in öf Stodtei, de wos wiedarum in 42 Katastralgmeindn untateut wean.

Harland: Altmannsdorf, Windpassing
Ochsenburg: Dörfl bei Ochsenburg
Pottenbrunn: Pengersdorf, Wasserburg, Zwerndorf
Radlberg: Oberradlberg, Unterradlberg
Ratzersdorf
Spratzern: Matzersdorf, Pummersdorf, Schwadorf, Völtendorf
St. Georgen am Staaföd: Eggendorf, Ganzendorf, Hart, Kreisberg, Mühlgang, Reitzersdorf, Steinfeld, Wetzersdorf, Wolfenberg, Wörth
St. Pölten: Hafing, Nadelbach, Teufelhof, Waitzendorf, Witzendorf
Stattersdorf
Viehofen: Ragelsdorf, Weitern
Wagram: Oberwagram, Oberzwischenbrunn, Unterwagram, Unterzwischenbrunn

[drå werkln] Gschicht

Weu St. Pötn im östareichischn Kernland Niadaestareich liegt, hod da Ort de söwe wechslvolle Gschicht wia Estareich.

[drå werkln] Friahgschicht und Remazeit

S Gebiet vom heitign St. Pötn woa scho in da Jungstaazeit bsiedln, dees is duach Funde belegt.

De Oidstod liegt duatn, wo vom easchtn bis zan viatn Joahundat de Remastod Aelium Cetium glegn woa. Untan Kaisa Hadrian hod Cetium dees Stodrecht dahoidn und hod nem Carnuntum und Ovilava (Wels) zu de wichtigstn Zentren vo da remischn Provinz Noricum gheat. In da Spädantikn hod Cetium zugunstn vo Favianis (Mautern) aun Bedeitung valuan und is in da Foige a nimma gnennt wuan.

[drå werkln] Middloida

Scho seit 771 gibts a Benediktinerklosta am Ort, des wos in Hl. Hippolyt gwidmet is und vom Klosta Tegernsee aus grindd wuan is. Gstiftet hods da boarische Graf Ottocher, dea wod de Awarn aufm Ybbsföd besiegt ghobt hod.

Des Moaktrecht hod St. Pötn ummara 1050 kriagt. Zua Stod erhom is da Ort 1159 duachn Bischof Konrad vo Passau wuan. Weu St. Pötn im östareichischn Kernland Niadaestareich liegt, hod da Ort de söwe wechslvolle Gschicht wia Estareich.

1338 hod de Stod vom Bischof Albrecht II. vo Passau a neies Stodrecht dahoidn. Bis zan End vom Mittloida is St. Pötn passauisch bliem.

[drå werkln] Neizeit

Zua Landeshauptstod vo Niadaestareich is St. Pötn mit Landtagsbeschluss vom 10. Juli 1986 wuan. Seit 1997 is St. Pötn nochm Auszug vo de Landesbeheadn aus Wean und in Bau vom Landhausviiadl aa Sitz vo da niadaestareichischen Landesregiarung.

[drå werkln] Politik

[drå werkln] Gmeinderot

Da Gmeinderot hod 42 Mitglieda und setzt si seit da Gmeinderotswoi 2006 aus Mandaten vo de foigendn Parteien zaumm:

26 Mandate: SPÖ
10 Mandate: ÖVP
3 Mandate: Greane
2 Mandate: FPÖ
1 Mandat: Listn Nonner

[drå werkln] Stodsenat

Da Stodsenat setzt si ausn 1. und 2. Vizebuagamasta sowia 11 weidan Mitgliedan zaumm:

SPÖ: 9 Sitz
ÖVP: 3 Sitz
Greane: 1 Sitz

[drå werkln] Buagamasta

Buagamasta Mathias Stadler ban Hochwossa 2009

Da aktuölle Buagamasta is seit 2004 da Mathias Stadler, vua eam woars fia neinzehn Jo ada Willi Gruber. In Summe hot de Stod seit 1785 onadreisg Buagamasta ghobt.