Büidungseîrichtungen in da Ståd Såizburg
| Der Artikl is im Dialekt Stod-Soizburgarisch gschriem worn. |
D'Stod Soizburg is ned nur a Fremdnvakeas- und Festspüistod, a d'Büidung spüid a wichtige Roin. Soizburg is da zentrale Punkt, wo d'wichtign Büidungseirichtungen firs gonze Bundeslond san, owa a a bor, de wos drüwa auße wichtig san.
Unis[Werkeln | Am Gwëntext werkeln]
In Soizburg gibts drei Unis, und des sand d'Uni Soizburg, s'Mozarteum und d'Medizinische Privatuni.
D'Uni Soizburg (Paris-Lodron-Universität Soizburg) is im Joar 1622 vom Erzbischof Paris Lodron gründt worn. 1810, nochdem Soizburg zu Östareich kumma is, homsas wieda zuagmocht, und eascht 1962 iss neich gründt worn. Heid hods vier Fakuitätn (d'katholisch-theologische, d'rechtswissnschoftliche, d'geistes- und kuiturwissnschoftliche, d'naturwissnschoftliche) mid uma 13.000 Studentn (davo 61 Prozent Frauen; zehn Prozent vo de Studentn san aus Deitschland) und 1.600 wissnschoftliche Mitorwata. Damid is d'Uni Soizburg d'gresste Büidungseirichtung im Bundeslond.
D'Uni Mozarteum homs im Joar 1841 ois Musikschui eigricht. 1939 bis 1951 wors scho amoi a Hochschui, seid 1971 iss endgüitig ane, und seid 1998 sogor a Uni. Moa ka dortn vor oim Konzertfächa studiern (Streicha, Bläsa, Zupfinschtrumente, Schlogzeig, Tastnischtrumente, Gsong), owa a pädagogische Fächa, Schauspüi, Bühnenbüid und Regie. Es is ane vo de berühmtestn Musikhochschuin vo Europa. Benonnt iss nochn Mozart Woifal, an den a jeds Joar a Haufn Vaonstoitungen erinnan.
D'Paracelsus Medizinische Privatuni gibts seidn Joar 2003. Scho vorher woitns an da Uni Soizburg oiwei a medizinische Fakuität eirichtn, des hod owa nia highaud. Jetzad iss hoid a Privatuni, a wonn a Drittl vom Göid vom Stood kummt. Studiern komma dortn Humanmedizin, Pflegewissnschoftn und Molekulare Medizin (postgraduate). Praktisch wern de Studentn an de Soizburga Londesklinikn und an Gronknhaisa in Bayan ausbüidt, zum Beispüi am Bezirksklinikum in Rosnheim.
Ondane Hochschuin, Colleges, Akademien und Institute[Werkeln | Am Gwëntext werkeln]
D'Fochhochschui Soizburg gibts seidn Joar 1995, 2005 homsas owa vom Stodeu Itzling ind Gemeinde Puch bei Hallein valegt. Dortn gibts Studienrichtungen aus de Bereiche Technik, Wirtschoft, Gstoitung, Gsundheid und Soziales.
D'Salzburg Management Business School gibts seid 2001. Fünf Gsöischofta sand do dra beteuligt, zum Beispüi a d'Uni Soizburg. Gem duads do nur Masterstudien fir Wirtschoftsstudentn.
Außadem gibts in Soizburg nu a longe Listn vo ondane Büidungseirichtungen im terziärn Sektor und vo Forschungsstättn:
- S'Soizburg College
- D'Pädagogische Akademie vom Bund
- D'Intanazionale Sommaakademie fir d'Büidende Kunst
- D'Religionspädagogische Akademie vo da Erzdiözesn
- D'Nährstoffakademie
- D'Werbedesign-Akademie
- D'Akademie fir d'Mozartforschung
- D'Hebommenakademie
- D'Akademie firn ergotherapeutischn Dienst
- D'Akademie firn medizinisch-technischn Labordienst
- D'Akademie firn orthopädischn Dienst
- D'Akademie firn radiologisch-technischn Dienst
- D'Akademie firn physiotherapeutischn Dienst
- D'Östareichische Medienakademie vom Kuratorium fir d'Journalistnausbüidung
- S'Pädagogische Institut vom Bund
- S'Religionspädagogische Institut vo da Erzdiözesn
- S'Institut fir d'intadisziplinäre Tourismusforschung
- S'Afroasiatische Institut
- D'Soizburg Research
- Des Soizburg Seminar
- S'European Heart Institute (EHI)
Hechane Schuin[Werkeln | Am Gwëntext werkeln]
Hechane Schuin (Sekundarstufn II) gibts in Soizburg insgesomt 20, davo san 13 oigemein büidend (Gymnasien und Realgymnasien) und siem san berufsbüidend (Hondlsakademien, Hechane Lehronstoitn und so weida). Vo de 20 hechan Schuin san 14 stootlich und sechsi san katholische Privatschuin (drei oigemein büidende und drei berufsbüidende).
Oigmoabüidnde[Werkeln | Am Gwëntext werkeln]
- S'Akademische Gymnasium
- S'Bundesrealgymnasium
- S'Musische Gymnasium
- S'Christian-Doppler-Gymnasium
- S'Bundesgymnasium Akademiestroßn
- S'Bundesgymnasium Zaunergossn
- S'Bundesgymnasium Nonntoi
- S'Bundesowastufnrealgymnasium Nonntoi
- S'Musi- und Sport-Bundesowastufnrealgymnasium Akademiestroßn
- S'Wirdschoftskundliche Bundesrealgymnasium
- S'Gymnasium vo de Herz-Jesu-Missionare in Liefaring (katholisch)
- S'Gymnasium Borromäum in Parsch (katholisch)
- S'Gymnasium und s'Owastufnrealgymnasium Sonkt Ursula vo de Ursulinen in Aing (katholisch)
Berufsbüidnde[Werkeln | Am Gwëntext werkeln]
- D'Bundeshondlsakademie und Bundeshondlsschui I
- D'Bundeshondlsakademie und Bundeshondlsschui II
- D'Hechane Bundeslehronstoit fir d'weadschoftlichn Berufe Annahof
- D'Hechane Technische Bundeslehronstoit
- D'Hechane Lehronstoit firs Sozialmanagement Eduard-Heinrich-Stroßn (katholisch)
- D'Büidungsonstoit fir d'Kindagortnpädagogik (katholisch)
- D'Fochschui fir d'weadschoftlichn Berufe Sonkt Josef (katholisch)
Bibliothekn[Werkeln | Am Gwëntext werkeln]
De wichtigstn Bibliothekn in Soizburg san d'Stodbiacharei und d'Unibibliothek.