Bachdoag

Aus Wikipedia
Der Artikl is im Dialekt Mingarisch gschriem worn.

Ois an Bachdoag oda Rausbachdoag hoasst ma an speziellen Doag, in den ma ebbs einedaucht, ums nacha in dem Doagmantl meist schwimmad im Schmoiz oda Ej' rausz'bacha. Bachdoag ähnlt in da Konsistenz und vo de Zuatatn her am Pfannakuachadoag. Wann ma a Bia nei duat, hoasst ma'n aa Biadoag. Je nochdem, ob de Grundlag siass is (wia Hoiabliah oda Zucchinibliah) wead dea Doag neitrai glassn oda (wia bei Schwammal) herzhaft gwiazt und gsoizn.

Grundrezept[Werkeln | Am Gwëntext werkeln]

Zu am hoim Pfund Mejh kimmt a weng a Ej oda flissiga Budan, zwoa Oadotta, 1/4 Lita Flissigkeit (z. B. a hejs Bia) und a Prisn Soiz. Dea Doag wead ogrüaht und nacha a Stund steh glassn. Noch dera Stund wead des Weisse vom Oa zu am Schnä gschlong und untazong. Dea Doag deaf ned z'flisse sei, sunst hoit'da ned am Guat, des drin daucht wead.

Mit de Flissigkeitn ko ma de Gschmock und de Farb vo dem Doag weidas variiern. So gibt a Weisswein an leicht saialichn Gschmock und an hellan Doag dea guad zum Fisch bassd.

Ma daucht zeascht des Gmias, Fleisch und so weida in den Doag ei und nacha in a hoass' Schmoiz, Ej oda Fett. Do drin lasst mas sprudlnd bacha, bis schee resch is. Kenna duat ma des, wann de Doagkrustn goidgejb bis leicht braun wead.

Vawendung[Werkeln | Am Gwëntext werkeln]

Da Bachdoag wead füa siasse und soizige Gebäck wejdweid vawendt:

  • Bachans Gmias und Obst
  • Bachane Krustnviecha oda Fiisch, zum Beispui da Fiisch vo de englischn Fish and Chips, in am Bachdoag, der mit am dunkln Ale ogrüaht werd
  • Bachans Fleisch, zum Beispui in da asiatischn Küch, zum Beispui japanische Tempura, oda Chickn Wings

Nochtei[Werkeln | Am Gwëntext werkeln]

Duach de Vawendung vo weissm Mej guit dea Doag de Erneahrungswissnschaftn ois ned weatvoi, wei weiss' Mej kaum Mineraistoff und Vitamin enthoit. Des Aussabacha im hoassn Schmoiz is nua dann vom Fettghoit hea bedenkle, wann de Hitzn im Schmoiz zgring is, weil se de Owafläch vom Bachguat ned schnej gnua schliasst und des Fett tiaffa in den Doag eidringa ko. Günstig war doo a Eadnussejj herznemma, wei des mid de beste Hitznfestigkeit hod.

Generej soit ma des ausbachane Guat in da reschn Krustn sparsam vazeahn, wann ma auf sei Linie acht, weis, aa wanns recht hoaß bacha wead, trotzdem fetta is ois andas Gebäck.