Hofgoschdei

Der Artikl is im Dialekt Pongaurisch gschriem worn.

Hofgoschdei
Bad Hofgastein

Baasisdaatìn

Bundeslond: Soizburg

Bolitischer Bezirk: Seiger Hons/Pg. (JO)

Fläch: 103,75 km²

Koordinaatìn: Koordinaten: 47° 10' N, 13° 6' O 47° 10' N, 13° 6' O

Hejch: 859 m i. A.

Eihwoner: 6884 (1. Jén. 2016)

Bevejkarungsdichtìn: 66 Eihwoner pro km²

Bostloatzåi: 5630

Vurwåi: 06432

Gmoahkénnziffer: 50 402

Gmoahvawåiting: Kurpromenade 2
5630 Bad Hofgastein

Webseitìn:

www.badhofgastein.at

Bólitik

Birgermoaster/rin: Fritz Zettinig (ÖVP)

Gmoahråut: (2014)

13 ÖVP, 10 SPÖ, 2 FPÖ, 3 LBH

Láug vah da Gmoa Hofgoschdei
Bad Hofgastein

Hofgoschdei im Winta

Hofgoschdei, aa Hofgoschdoa oda oafoch Hof (amtli: Bad Hofgastein) is a Morktgmoa im Pongau, im Soizburga Laund, in Estareich, mid 6.684 Eihwohna (2016) und is a berihmte Kur- und Wintersportgmoa.

Eadkunde

De Gmoa lig in da Goschdei im Pongau im Soizburga Lond.

Katastralgmoana

Katastralgmoana bzw. Ortstoae vo Hofgoschdei sand:

Broatnberg (Breitenberg)
Godaunern (Gadaunern)
Hoassingfejding (Heißingfelding)
Hofgoschdei (Hofgastein)
Horbouch (Harbach)
Louderding (Laderding)
Onger (Anger)
Vurderschneeberg (Vorderschneeberg)
Wiadn (Wieden)
Woanatsberg (Weinetsberg)

Nouchbargmoana

Nouchbargmoana vo Hofgoschdei sand:

Gschicht

De Gschicht vo Hofgoschdei reicht bis in d' Remazeid zrucke. Da Ort is douzmois as Zentrum vom Sijwer- und Goidbergbau gwen. Hofgaschtoa lig an da broatastn Stej vom Toi, desweng iss a zan Hauptort vo da Goschdei woun. Dou houd se a de eascht Pforn vom Toi und da Grichtssitz befundn. So houd da Ort de Bezoichnung „Hof in da Gaschtoa“ kriag, spader is doudraus „Hofgastoa“ woun.

Im Hochmiddloita is Hofgoschdei as Zentrum vom Wornaustausch zwischn Italien und Estareich bzw. Deitschland gwen. Auf dem scho vo d' Rema ausbauschtn Weg iwer d' Korntauern sand Sidfricht, Wei und onnerne Erzeigniss in sejg Gebirgstoi kemma und geng Goid und Sijwer eitauscht woun. De Pfoukirch is 874 ois kloas Kirchei darichtt woun und houds heidige Ausschaun im 15. Jouhundeascht kriag. As Morktrecht is im 13. Jouhundeascht valichn woun.

Da Vafoi vo d' Goidpreis, Naturkataschtrofm, da Asubruch vo da Pest 1574 sowia d' sozioin und religiäsn Ausaranondersetzunga wärnd und nouch'm Droissgjaring Kriag houmd za am välling Niadergong vom Ort gfirt.

A zwoate Bliatn houd Hofgoschdei ois Heilboud, nouch da Aufhewung vom Erzbiaschtum Soizburg und em Oschluss an Esterreich daglong. 1820 is de Valeichung vom Thermalwosserbezuagsrecht aus de Quejn vo Boud Goschdei duachn Koasa Franz I. dafoig. Seid'm Jou 1830 weaschts Wossa in ner in etwoa ocht Kolometer longen Thermalwosserloatung aus Goschdei nouch Hofgoschdei transportirscht. Seid 1936 firt da Ort d' Bezeichung „Boud (Bad)“ im Ortsnoum.

Woppm

As Woppm vo da Gmoa is: „Im toaetn Schijdl om in Goid Hommer und Schläge in natirliche Foubm schräg iweranonder kroizt und unt in an sijwern Fejd a naturforwane hejzerne Boudwonn.“

Politik

Biagamoasta is da Fritz Zettinig (ÖVP). De Gmoavatretung houd 25 Midglieda (2014), doudavo sand 13 ÖVP, 10 SPÖ, 2 FPÖ.

Religion

Katholische Pfoukirch za Insare Liawn Fraun auf'm Grias.

De sognonnte Liawfraunkirch, a droischiffige Stoffekirch, is in d' Jou 1498 bis 1507 darichtt woun. Da spitz behejmte Turm stommt aus'm Jou 1602. s prunkvoie Herzsticke vo da Kirch stejd da prächtige Barockoitou dou, der wous oiss herausrougandste Hauptwerk vom Moier Sepp-Andrä Eise (Josef Andrä Eisl) und vom Bijdhauer Medlhommer Paul (Paul Mödlhammer) gijt. s Zentrum vom Hochoitou bijdt d' gotische Doustellung vo ner thronatn Madonna, as sogenonnte „Gnoudnbijd vo da Hofermuatter“ aus da Zeid um'ra 1500. De Konzl und d' Seitnoitär stomman aus da easchtn Hejftn vom 18. Jouhundeascht.

Evangelische Heilskirch (dabaut 1960)

Wirtschouft & Infrastruktur

Hofgoschdei is a internazional bekonnta Kur- und Wintersportort mid etwoa 145.000 Gäst pro Jou und Kur-, Kongress- und Vaostoitungseirichtungen sowia ner Fuassgängerzone mid Gschäftei, Hotejs, Kaffees und Restaurants. Danem gibs d' Oipm-Therme-Gastoa mi'm Oipm-Kurbark und da seid Jouhundeaschtn bekonntn Gaschtoaner Radon-Thermalkur.

D' Schigebiat im Gaschtoanertoi biatn 44 Soaebohna und Lift, sowia iwer 200 km Pistn bis auf 2.700 m Hächn.

Doudriwer ausse gibs 120 baialiche Betriawe mid 7.200 Hektar Oimflächn und 28. Oima.

Persenlichkeitn

Gruawer Bernhard (*12. August 1982 Schwoschzach/Pg.), Schifourer (nordische Kombinazion).
Hofer Fronz (*27. Novemba 1902 Hofgoschdei - 1975 Mülheim an der Ruhr) Gauloata vo Tiaroi.
Grugger Hauns (*13. Dezemba 1981 Hofgoschdei), Schirennleifa.