Bod Goschdei

Aus Wikipedia
(Weidagloadt vo Bad Gastein)
Zur Navigation springen Zur Suche springen
Der Artikl is im Dialekt Pongaurisch gschrim worn.
Bod Goschdei
Bad Gastein
Bild
Wappen von Bod Goschdei
Bod Goschdei
Estareichkorschten, Posizion vo Bod Goschdei hervurghoum
BaasisDatn
Bundeslond: Soizburg
Politischer Bezirk: Saiger Hons/Pg. (Pongau) (JO)
Flächen: 170,62 km²
Koordinatn: Erioll world.svg Koordinaten: 47° 6' N, 13° 1' O 47° 6' N, 13° 1' O
Hejch: 1002 m i. A.
Eihwohna: 4068 (1. Jen. 2017)
Bevejkerrungsdichten: 24 Eiwoner pro km²
Postloatzoi: 5640
Vurwoi: 06434
Gmoakennziffa: 50 403
Gmoavawoitung: Karl-Heinrich-Waggerl-Straße 29
5640 Bad Gastein
Netzseitn:
Politik
Buagamoasta: Stoabauer Gerhard
(Steinbauer Gerhard) (ÖVP)
Gmoarout: (2014)
12 ÖVP, 5 SPÖ, 4 FPÖ
Loug vah da Gmoa Bod Goschdei
Karte
Bild
Goschdei am Fuass vo d' Houchn Tauern

Bod Goschdei (amtli: Bad Gastein, unta Goschdeina a oafoch: Bod) is a Gmoa im Pongau im Soizburga Laund. Sie liegt im Goschdeinatoi, in da sognenntn Goschdei, am Fuass vom Graukoge, umgem vom Nazioneipark Houche Tauan.

Nem d' Kurowendungen biatt as Toi a Glengheit za da Erhoiung, Regenarazion, Sport und Unterhoitung iwas gonz Jou.

Eadkunde[VE | Weakln]

De Gmoa lig im Siidn vo da Goschdei, im Pongau, im Soizburga Laund. Da Ort lig auf da Seehächn vo 840 bis 1200 m. i. A.

A Bsunderhait is d' Loug vom Zentrum, des an d' Stailhäng umern Wossafoi entstondn is und se durch ser staile und enge Gossn kennzoachnt. An d' Klippm sand blotzsporat Hochhaiser darichtt woun, de an Haiser in ner Stoud darinnand. Da Hächnunterschiad vom Ort betroug im Mittl za. 80 m. Desweng iss mäglich, im Ortskern in da Parkgarage, 11 Stockwerk mi'm Lift auffezforn, um donn waidgehat aufstiagsfrai zan Bohhofsglände z'kemma. Aufgrund vom Dascheinungsbijdl weascht Goschdei efteramoi aa ois „Monaco vo d' Oipm“ bezaichnd.

Flächn[VE | Weakln]

D' Gräss vo da Gmoa betroug 70,59 km², doudavo entfoin auf:

  • 0,2% Bauflächn, (28,40 ha)
  • 0,1% Garschtln, (16,70 ha)
  • 3,5% Londwirtschouftlich gnitzte Flächn, (591,10 ha)
  • 40,7% Oipm, (6.974,3 ha)
  • 27,8% Woid, (4.747,0 ha)
  • 0,7% Gwässer, (122,20 ha)
  • 0,5% Vakersflächn, (87,20 ha)
  • 26,5% Ädlond und Gletscher, (4.520,80 ha)

Katastralgmoana[VE | Weakln]

Goschdei untertoaet se in foigate Katastralgmoana und Ortstoae:

  • Beck'stoa (Böckstein)
  • Boudbruck (Badbruck)
  • Ketschachdorf (Kötschachdorf)
  • Olaftoi (Anlauftal)
  • Remsach (Remsach)
  • Sportgoschdei (Sportgastein)

Nochbargmoana[VE | Weakln]

Woppm[VE | Weakln]

As Woppm vo da Gmoa is: „Im blaun Schijdl a sijwerns Wossakandei“.

Gschicht[VE | Weakln]

Boudoloung & Kurbetriab[VE | Weakln]

Am Ofong sand d' Boudoloung Gmoaschoftsbäder gwen, in dene se d' Boudgäst mid Fruastuck und Brettlspij d' Zeid vatrim houmd. Fir d' erfoigreichn Boudkurn vom Middloita sand längerne Boudzeidn und a d' oigmoa ibliche longe Kurdauer vo seggs Wochan erforderlich gwen. A da Goschdeina Heilstoin biatt im Rauhmen vo da Radonbalneologie a natirliche Hijf bei reimatische Erkronkungan.

Scho im Middloita houd se d' Kund vo da Heilkrouft vo de Goschdeina Thermen vabreitt. Trotz da domoiing primitivm Boudmäglichkeitn und Unterkinft homd Firschtn und hächerne Herrn vo geistlichm Stond weide und beschwerliche Roasn zua d' Thermalquejn auf si gnumman. S Thermalwosser is in offane Hoizrinna vo d' Quejn zua d' Gostheiser gloatt woun, spader in hoizane Brunnenrärdln. Ins benochborte Hofgoschdei iss Heilwosser mittls Fassen und Pferdlgsponna broucht woun, bevur 1830 a Thermalwosserloatung baut woun is.

Goschdeina Konvenzion[VE | Weakln]

1865 is d' Goschdeina Konvenzion zwischn Breissn und Estareich gschlossn woun, de d' Vawoitung vo Schleswig-Hoistoa regln hätt soin.

Bergbau[VE | Weakln]

Im Ortstoae Beck'stoa ling d' Zentren vom Goidbergbau in d' Houchn Tauern. Wichtigster Goidlifarant is z'oie Zeidn da Roudhausberg gwen. Im Jou 1557 is aus Goschdei und Rauris 830 kg Goid und s droifouche an Sijwer in soizburgarischn Sijwerhondl (Okaffsmonopol vom Londesherrn) eiglifeascht woun. Da Bergbau auf Edlmetoi is 1616 vastoutlicht woun. De ob donn ois „ärarisch“ bezoachnate Betriabsperiodn houd bis 1865/1868 odaueascht.

Nouch da Stijlegung duachn Stout homd Privatinvestorn an Bergbau iwanumma und homd d' „Erscht Gwerkschoft Roudhausberg“ grindt. Si houd bis 1904/1905 daueascht. Donn houd se da Tunnejbauer Ing. Dr. Karl Imhof firn Bergbau intressirt und houd im schweizer Tabakproduzentn Mayer Fritz an Finanzirer gfundn ghob und houd d' Zwoate Gsejschoft Roudhausberg ins Lem gruaffm. D' wirtschouftlichn Erfoige sand gring gwen. Vo 1926 bis in Herest 1937 eichi houd da Produkzionsbetriab gruat. Nouch am kurschzn Angagement vom englischn Edron Trust, houd d' deitsche Bergbaufirma Preußag an Bergbau weidergfirt, houd owa koane Erfoige dazijt, des houd owa zur Entstehung vom heiting Heilstoin gfirt. Heid darinnaschts Beck'stoaner Montanmuseum und da Varei „Via aurea“ an d' Vagonganheit.

Nouchkriagsgschicht[VE | Weakln]

Nouch'm End vom Zwoatn Wejdkriag 1945 is in Goschdei aus requirirte Hotejs a DP-Loger fir jidische und sognonnte „Displaced Persons“ eigrichtt woun, vo dem d' moastn aus'm DP-Loger Emsee nouch Goschdei valeg woun sand. As Loger, in dem zeidweis bis za. 1300 Leid gleb homd, is im Märschz 1946 aufgläst woun.

Orts- & Gmoanoman[VE | Weakln]

Da Ort houd in d' letztn Jouhundeascht Wijdboud, Wildboud bzw. Wijdboud Goschdei ghoassn. Bei da Eifirung vo da politischn Gmoa in da Mittn vom 19. Jouhundeascht is d' Bezeichnung Wijdboud-Beck'stoa offiziell gwen.

Litaratua[VE | Weakln]

  • Fritz Gruber: Moseiksteine zur Geschichte Gasteins und seiner Salzburger Umgebung. Bergbau – Badewesen – Bauwerke – Ortsnamen – Biografien – Chronologie (30. Ergänzungsband der Mitteilungen der Gesellschaft für Salzburger Landeskunde). Bad Gastein 2012, Eigenverlag des Rotary Clubs Bad Gastein, 528 Seiten, ISBN 978-3-200-02728-2.
  • Fritz Gruber: Das alte Gastein (Bildband mit ausführlichen Texten), 1993
  • Fritz Gruber: Altböckstein und die Jüngere Geschichte der Tauerngoldproduktion. (= Böcksteiner Montana; 1). 2., erweiterte Auflage 2005
  • Rosalie Koch: Wildbad Gastein. In: Sagen. Leipzig 1847
  • Laurenz Krisch: Der Bad Gasteiner Karl Heinrich Waggerl. Gasteiner Museum, Bad Gastein 1996, 32 Seiten
  • Laurenz Krisch: Angelo Comini, der bedeutendste Baumeister in der Geschichte Bad Gasteins. Gasteiner Museum, Bad Gastein 1997, 48 Seiten
  • Laurenz Krisch: Der Salzburger Architekt Josef Wessicken und sein Wirken in Bad Gastein. Gasteiner Museum, Bad Gastein 2004, 48 Seiten
  • Laurenz Krisch: Der Bad Gasteiner Baumeister Franz Xaver Franzmair und seine Architekten. Gasteiner Museum, Bad Gastein 2005, 64 Seiten
  • Laurenz Krisch: Bad Gastein während der NS-Herrschaft, in: Mitteilungen der Gesellschaft für Salzburger Landeskunde (MGSL), Nr. 147 (2007), S. 255-322
  • Laurenz Krisch: Die jüdischen "Displaced Persons" in Bad Gastein während der unmittelbaren Nachkriegszeit, in: Mitteilungen der Gesellschaft für Salzburger Landeskunde (MGSL). Nr. 148 (2008), S. 357-382
  • Laurenz Krisch: Die Geschichte des Grand Hotel de l´Europe in Bad Gastein. Gasteiner Museum, Bad Gastein 2009, 80 Seiten
  • Heinrich Zimburg: Die Geschichte Gasteins und des Gasteiner Tales. Braumüller, Wean 1948, 384 Seiten mit 66 Abbildungen.

Im Netz[VE | Weakln]

Wikipedia-logo-v2.svg Schau aa unter:
Portoi Pongau