Oidnmorkt im Pongau

Der Artikl is im Dialekt Pongaurisch gschrim worn.

Oidnmorkt im Pongau Altenmarkt im Pongau
BaasisDatn
Bundeslond:	Soizburg
Politischer Bezirk:	Saiger Hons (JO)
Flächen:	48,60 km²
Koordinatn:	47° 22' N, 13° 25' O
Hejch:	842 m i. A.
Eihwohna:	3956 (1. Jen. 2016)
Bevejkerrungsdichten:	81 Eiwoner pro km²
Postloatzoi:	5541
Vurwoi:	06452
Gmoavawoitung:	Michael-Walchhofer-Straße 6 5541 Altenmarkt/Pg.
Netzseitn:	www.altenmarkt.at
Politik
Buagamoasta:	Winter Ruapert (Winter Rupert) (ÖVP)
Gmoarout: (2014)	13 ÖVP, 4 SPÖ, 4 (FPÖ)
Loug vah da Morktgmoa Oidnmorkt im Pongau Altenmarkt im Pongau

Oidnmorkt im Pongau (amtli: Altenmarkt im Pongau) is a Morktgmoa im esterraichischn Soizburga Lond, im Bezirk Saiger Hons mid 3.956 Eihwohna (2016).

Geografie

Oigmoas

Oidnmorkt houd a Flächn vo 48,60 km² mid ner Bevejkarungsdichtn vo 72 Eihwohna/km².

De hächstn Dahewungen im Gmoagebit sand:

• de Stoafejdspitzn (Steinfeldspitze) 2.344 m
• da Schworschzkopf (Schwarzkopf) 2.268 m
• da Strimskoge (Strimskogel) 2.139 m
• und da Locknkoge (Lackenkogel) 2.051 m

Nochbagmoana

De Nochbagmoana vo Oidnmorkt sand:

• Flochau
• Rodstoud
• Em im Pongau
• Untertauern

Katastralgmoana

Oidnmorkt bestet aus foigatn Katastralgmoana und Ortstoae:

• Oidnmorkt (Altenmarkt)
• Poifm (Palfen)
• Sinnhuab (Sinnhub)
• D' Zauch (Zauchnsee) (Zauchensee)

Wopm

As Wopm vo da Gmoa is: "In Waiss auf an greanem Roosn a greane Dope- oder Zwiasltonn, vo dera da Stomm iweadeckt weascht vo am rodn Schijdl, doudrinn weascht a waisss ochtspoachigs Radl dorgstejt."

Kuitur

Museen

• Hoamatmuseum Oidnmorkt

s Hoamathaisl is 1408 baut worn und houd de Bergknopm, de Erschz obaut homd, ois Unterkunft deant. Spader iss in a Oidnhoam umgwondlscht woun und houd'n Nomen Bruadahaus griag. 1970 is a noichs Oidnhoam baut woun und im Bruadahaus is as Hoamatmuseum entstondn. Nem da Dorstellung vom Lem vur iwer 100 Jou in Oidnmorkt, is de 250 Jou oide "Gundnerkrippm" as Prunksticke vo dem Museum.

Wirtschoft & Infrastruktur

De Wirtschoft in Oidnmorkt is broat gfächert mi'm grässtn Toae Fremdnvaker, unterstitzt vo da Industri, Londwirtschoft und Hondl.

Bergbohnen & Schilliftolong

• Gsomte Pistnläng (Oidnmorkt und Zauchnsee): 99 km
• Ozoi vo d' Schiliftolong: 23
• Färderlaistung pro Stund: 33.300 Personen

Vaker

Durch d' Tauernautoboh (A 10), sowia da Bundesstrouss 320 und da Bundesstrouss 99 is Oidnmorkt ans Vakersnetz obundn.

Osässige Unternemen

De grässtn Firmen in Oidnmorkt sand:

• Schifabrik Atomic Amer Sports (1000 Orwaitnemer)
• Sportstrickmodnfabrik Steffner
• Bergbohnen Zauchnsee

Äffmtliche Airichtungen

• Kuiturhaus: Is ois Foierwerhaus 1950 baut und im Jou 1993 umbaut woun. s Kuiturhaus is a effmtlichs Gebaide in dem Vaostoitungen oghoidn wern kenna.
• Seniornhoam: houd 70 Bettn. Da Stondort neman Gsundhaitszentrum is ideal.
• Foierwearhaus: Gebaide baut 1989, in dem Haus sand de Bergrettung, s Rode Kraiz, und s Frauninformazionszentrum KOKON untabrocht.

Schau aa unter: Portoi Pongau