Christoph Kolumbus

Aus Wikipedia
Christoph Kolumbus

Christoph Kolumbus (italienisch Cristoforo Colombo, spanisch Cristóbal Colón, portugiesisch Cristóvão Colombo, latinisiat Christophorus Columbus; gebuan ziaka 1451 in Genua (Italien); gstuam am 20. Mai 1506 in Valladolid) woar a italienischa Seefoahra, der wos in kastilischn Dienstn gstaundn is. Im Joa 1492 hoda Amerika entdeckt, wäul a auf aana Insl vo de Bahamas glaund is.

Beim Wettrennan mid Portugal uman Seeweg noch Indien woitaz da Kolumbus iwaran Weg noch Westn probian. Des Züü vo seina easchtn Raas woar aa Hofnstod in Kina, wäu des haums domois zu „Indien“ dazuazööt.

Af seine Entdeckungsfoahtn zwischn 1492 und 1504 is da Kolumbus haptsächli in de Großn Antüün umanaundgfoahn, jezmoi woar a af Hispaniola, des wos heit Haiti haaßt und wo a de easchte Kolonie grindt hod. Eascht auf da viatn Raas hoda seine Fiaß seaschte mois bei Honduras direkt aufs amerkanischn Festlaund gsezt. Sei Lebedog hoda ned iwarissn, doss des a eigana Kontinent is. Des hod eascht da Amerigo Vespucci gnißn, und nochm hodmaraa de „Neiche Wööd“ zu guata Letzt Amerika gnaunnt.

De easchtn wiaklichn „Entdecka“ vo Amerika woan de Vuafoahn vo de Indiana, de voa ewicha Zeid vo Asien aus eigwaundat san. Vuahea hod do no kaa Sau glebt. Und wenigstsn 500 Joa voam Kolumbus woa a scho da Leif Eriksson do und aa aundare Islända. Wiaso ma den Kolumbus trotzdem ois moßgewlichn Entdecka vo Amerika auschaut, is weng dem, wäus eascht noch seina Aukunft zu aana dauahoftn Kolonisation mid Leit vo aundare Kontinent in gschichtlicha Zeit kumman is.