Portugal

Aus Wikipedia
Wexln zua: Navigation, Suach
Der Artikl is im Dialekt Obaboarisch gschrim worn.
Portugal
Flaggn vo Portugal Woppm vo Portugal
(Flaggn) (Woppm)
Amtssproch Portugiesisch
Haptstod Lissabon
Stootsform Parlamentarische Republik
Stootsoberhaupt Stootspresident Marcelo Rebelo de Sousa
Ministerpresident Premierminister António Costa
Flechn 92.212 km² (50. Plotz)
Oawohnerzoi 10.602.000 (2012) (30. Plotz)
Bevejkarungsdichtn 115 Eiwohner pro km²
BIP $20,673 pro Kopf
Hymne A Portuguesa
Wearung Euro
Zeitzona UTC
Kfz-Kennzeichen P
Internet-TLD .pt
Vorwoi +351
De Log vo Portugal in Eiropa
Portugal mit seine Nochbalenda
Marcelo Rebelo de Sousa (2016)
António Costa (2014)

Portugal (amtli: República Portuguesa) is a eiropejischa Stoot im Westn vo da iberischn Hoibinsl. Im Westn und Siadn weads vom Atlantischn Ozean, im Ostn und Noadn vo Spanien begrenzt. Zan portugiesischn Stootsgebiet ghean aa de Insln vo de Azoren und Madeira (mit Porto Santo). Westli vo da Haptstod Lissabon liegtCabo da Roca, da westlichste Punkt vom europejischen Festland.

Da Nama Portugal kimmt vo da Siedlung Cale im Noadn, wo friara a wichtiga Hofn wor. Drum ham de Rema, wo Portugal a Tei vom remischn Reich gwen is, Portus Cale dazua gsogt. Da draus is spada Portugal worn, und aus da Siedlung de Stod Porto.

Eadkunde[VE | Weakln]

As portugiesische Festland hod vaschiedne Landschoftsforma: im Noadn is eha beagig und grea, do woxn aa de moastn landwiatschoftlichn Gita vom Land. Im Winta kos in de Beag recht koid wern. Noch Sidn hin werds oiwei flocha, hoaßa und drickana. Do hods nacha eha Baam wia Eukalyptus oda Poimen, und s'kimmt im Summa regelmassi zu Woidbrand. Ganz im Sidn liagt de Algarve, a beliabts Urlaubsgebiet.

Zum Stoot ghean aa no mehrane Insln im Atlantik: d'Azoren und Madeira. Auf de Azoren hods aa an greßtn Beag vo gonz Portugal, an Monte Pico (2351 m).

Bevejkarung[VE | Weakln]

D'Eihwohna vo Portugal han insgsamt recht oaheitli, bsundas wann mas mid sein Nochboan Spanien vagleicht. D'ollagreßte Mehrheit is katholisch und spricht im Oidog portugiesisch, bloß im Noadn hods a poor Deafa wos an asturischn Dialekt ren. Auslända hods a ned so vui im Land (Portugal is ned reich gnua), und de wo do han kumman zum Groußtei eh aus ehemolign Kolonien (Brasilien, Kap Verde, Mosambik oda Angola), han aa katholisch und redn portugiesisch ois Muattasprach.

Heitzdog lem d moastn Portugiesn in da Stod, vor oim an da Gstod. As Hintaland is dageng ned so dicht bsiedelt. De greßtn Städt (2006) han:

Politik[VE | Weakln]

Seit da Revolution vo 1974 is Portugal a parlamentarische Republik. Da offiziejen Schef is da President, wo oi fimf Joar vom Voik direkt gwejd wead. Da President hod a weng mea zan song wia in Deitschland oda in Östareich, zum Beispui isa da obaste Kommandant vo da Armee. Da Schef vo da Regierung is owa da Ministerpresident, de wor wiedeum vom President ernennd werd. Dea muass owa mid de Mehrheitsvahejtnisse im Parlament zammapassn, des wo da President owa jedazeit auflesn ko.

S Parlament werd oi via Joar im Vahejtniswoirecht vom Voik gwejd. D'wichtigstn Partein han d'Sozialisten (PS) und d'Sozialdemokratn (PSD) (wobei noch unsare Vahejtnis de Sozialistn eha Sozaldemokratn und d'Sozialdemokratn eha konservativ/biagali han). Greane und Kommunistn hots a im Parlament.

Gliedarung[VE | Weakln]

Portugal is in fimf Regiona am Festland und zwoa autonome Regiona (Azoren, Madeira) im Atlantik eiteilt. D'Regiona han sejbst wieda in 28 Subregiona zalegt. Danem gibts owa aa a Eihteilung in 18 Distrikt, wo mid de Regiona ned gscheid zammapassn. Und neilich homs no a neie Gliedarung mid siem Metropolregiona, zwejf Stodgreis und via Landgreis eigfiat.

Kuitua[VE | Weakln]

Portugiesische Kuhe[VE | Weakln]

Drangln[VE | Weakln]

Glos mid Portwein

Da portugiesische Portwein is wejdweit bekonnt. S is a Likeawein, wo voa oim zua Nochspeis drunga wead. Duachn Zuasotz vo Branntwein wiad da Gearungsprozess untabrocha und wearnd da Logarung entsteht nacha da charaktaristische Gschmock. De Rebm dafia woxn nua in am kloan Gebiet vom Dourotoi.

Aa ondane Weinsortn ham an guadn Ruaf. De siasse Version vom Vinho da Madeira aus Madeira is a weng wia da spanische Sherry, da Madeirawein is owa in oin Variantn vo trockn bis siass zan kriagn. Im Land sejm wead unta ondam da Vinho Verde („greana Wein“) gean drunga, wo in da Region Minho im Noadn vo Portugal obaut wead.

S Nationaldrangl vo Madeira is da Poncha (Punsch), a Cocktail aus Aguardente und Orangnsoft (mangmoi aa duach ondane Fruchtsaoftln, wia Maracujasoft, easetzt). Dazua gibts aa oft Eadniss und/oda eiglegte Bohnln.

Literatua[VE | Weakln]

  • Dietrich Briesemeister, Axel Schönberger (Hrsg.): Portugal heute. Politik, Wirtschaft, Kultur. Vervuert, Frankfurt am Main 1997, ISBN 3-89354-564-6
  • Gilberto Freyre: Herrenhaus und Sklavenhütte. Klett-Cotta, Minga 1990, ISBN 3-423-04554-X
  • Eckhart Nickel: Gebrauchsanweisung für Portugal. Piper, Minga 2001, ISBN 3-492-27520-6
  • Antonio Henrique R. de Oliveira Marques: Geschichte Portugals und des portugiesischen Weltreichs. Kröner, Stuttgart 2001, ISBN 3-520-38501-5
  • Henry Thorau (Hrsg.): Portugiesische Literatur. Suhrkamp Verlag, Frankfurt am Main 1997, ISBN 3-518-39270-0

Im Netz[VE | Weakln]

Wikiatlas Wikimedia-Atlas: Portugal – geografische und historische Koartn
 Commons: Portugal – Oibum mit Buidl, Videos und Audiodateien