Droad

Der Artikl is im Dialekt Obaboarisch gschriem worn.

Lebmsmittl aus Droad

Woaznacka

Reisobau in Kambodscha

Gugaruzkoim

Unta Droad vastehd ma vaschiadne Oartn vo Siassgrasa (Poaceae). De Menschn zichtn und bauns im Nohn Ostn scho seit iba 10.000 Joar o, z Middleiropa seid 7.000 Joar. Droad is des Grundnoarungsmiddl vo am Grosstei vo de Menschn und es wead aa ois Fuada fiad Viecha heagnumma.

Soatn

Wejdweid gebts a grosse Zoi vo vaschiadne Soatn.

Haptsoatn, Rangreih noch Produktionsumfang (wejdweit)

• Gugaruz (dt. Mais)
• Woaz (dt. Weizen, dazua ghearn aa Dinke, Greakean etc.)
• Reis (und Wuidreis)
• Geaschtn (dt. Gerste)
• Brein oda Hiasch (dt. Hirse'), mid da wichtigstn Soatn Sorghumhiasch
• Howan (dt. Hafer)
• Koan (dt. Roggen)

• 
  Koan
• 
  Geaschtn

Scheindroad (Pseudocerealien)

De foigndn Soatn ghean ned zua de Grasa, wean oba aa so vawendt. Do sans zua Obgrenzung aufgfiat.

• Amarant
• Hoadn (dt. Buchweizen)
• Quinoa

Wos ma wo aus Droad z Essn macht

Weis des Grundnoarungsmittl schlechthi is, gebts entsprechnd aa de untaschiadlichstn Vaarbatungsweisn. In Eiropa werd Droad vor oim ois Mej hergnumma, aus dem Brod und Nudln gmacht wern. Aa Miasli oda "Fruahstuckscerealien" (Cornflakes und aso Zeig) wern oft gessn. Freara war in Middleiropa hoassa Bapp aus Droad (Brei) recht vabreit. Des merkt ma heid no an de Englända eanam "Porridge". Da Vorteil is, dass' an warma Mogn macht. Im deitschsprochign und slawischn Raum werd vui dunkls, schwaars Brod oda Voikornbrod gessn, in andane Lända meara Weissbrod. Italien is bekannt fia de Nudln aus Woaz, de dortn "Pasta" ghoassn wern. Auf andane Kontinente dominiern ganz andane Droadsortn. In Asien bekanntamassn da Reis, den ma oiwei kocha muas. Heifig gebts dortn zu a jeda Moizeit (aa zum Friastick) an Reis mit am pikantn Gmias- oda Fleischgricht dazua. In Afrika werd vui Bapp aus Hirsn oda Mais gessn, im Nordn eha Bulgur und des "Couscous", wo aus am spezielln Woazngriass gmacht werd. In Amerika schliessle gebts recht vui Zeig aus Mais, wei da Mais jo aa vo dortn herkimmt. Aa de Pseudocerealien san bei de Grundnahrungsmittl guad dabei, da Buachwoaz vor oim im slawischn Raum, Russland zum Beispui, da Amarant und as Quinoa mera in Südamerika.

Inhoitsstoffe

Inhoitsstoffe vo vaschiedanen Droadoartn (je 100 g)
max min	Energie (kJ)	Oaweiß (g)	Fett (g)	Kohlenhydrate (g)	Calcium (mg)	Eisn (mg)	Kalium (mg)	Magnesium (mg)	Vitamine
									B1 (mg)	B2 (mg)	B6 (mg)	E (mg)	Folseire (mg)	Niacin (mg)
Dinkl	1340	11,5	2,7	69,0	22	4,2	447	130	0,40	0,15	0,27	1,6	0,03	6,9
Geaschtn	1430	11,0	2,1	72,0	38	2,8	444	119	0,43	0,18	0,56	0,67	0,065	4,8
Howan	1530	12,5	7,1	63,0	79,6	5,8	355	129	0,52	0,17	0,75	0,84	0,033	1,8
Hiasn	1510	10,5	3,9	71,0	25	9,0	215	170	0,46	0,14	0,75	0,1	0,01	4,8
Gugaruz	1498	9,0	3,8	71,0	15	1,5	330	120	0,36	0,20	0,40	2,0	0,026	1,5
Reis	1492	7,5	2,2	75,5	23	2,6	150	157	0,41	0,09	0,67	0,74	0,016	5,2
Korn	1323	8,8	1,7	69,0	64	5,1	530	140	0,35	0,17	0,29	2,0	0,14	1,8
Woazn	1342	11,5	2,0	70,0	43,7	3,3	502	173	0,48	0,24	0,44	1,35	0,09	5,1

Wirtschafdliche Bedeitung

Wejddroadernte

Wejdweite Erntemengen vo de drei wichtigstn Droadoartn

Im Joar 2007 san wejdweit foigende Anbauergebnisse erzuit woan:

		Flächn in ha		ha-Ertrag in dt/ha		Droadmenge in t
	Droadoart	Wejd	D	Wejd	D	Wejd	D
1	Gugaruz	157.874.343	383.100	49,7	90,9	784.786.580	3.480.600
3	Reis	156.952.666		41,5		651.742.616
2	Woazn	217.432.668	3.005.300	29,0	71,1	607.045.683	21.366.800
4	Geaschtn	56.608.527	1.933.500	24,1	57,1	136.209.179	11.034.200
5	Hirse*	79.630.605		11,8		96.465.056
6	Howan	11.951.617	181.800	21,7	44,0	25.991.961	800.000
7	Korn	6.892.091	674.000	22,8	49,2	15.749.613	3.319.000
	SUMME	687.342.517	6.177.700			2.317.990.688	40.000.600
* = Sorghum+Millet
Quelle: FAO: Faostat 2009

Schau aa

• Gleim
• Doag
• Mej

Im Netz

 Commons: Droad – Sammlung vo Buidl, Videos und Audiodateien

• Statistik vo da FAO
• GMF Mehlreport vo 2008 (PDF) (205 kB)