Mindaheitn in Östareich

Aus Wikipedia
Zur Navigation springen Zur Suche springen
Der Artikl is im Dialekt Östareichisch gschrim worn.


Östareich: Voiksgrubbm
es Vabreitungsgebiet vo de Östareicha
Sprochn
Deitsch 7,115.780
Aunakaute Mindaheitnsprochn Sprechazoi
Ungarisch 40.583
Slowenisch 24.855
Windisch (Slowenischa Dialekt) 568
Wossakrowodisch 19.412
Tschechisch 17.742
Slowakisch 10.234
Romani 6.273
Östareichische Gebeadnsproch 9.000
Ausgwöide weidare Sprochn Sprechazoi
Serbisch 177.320
Krowodisch 131.307
Bosnisch 34.857
Tiakisch 183.445
Englisch 58.582
Poinisch 30.598
Oibanisch 28.212
Italienisch 10.742
Franzesisch 10.190
Mazedonisch 5.145
Griachisch 3.098
Kurdisch 2.133

1. Augebane Umgangssproch vo da östareichischn Wohnbevökarung.
→ Noch da Ausicht vo d Mindaheitnvatreta fiat da Umstaund zua ana Untaschätzung vo da wiaklichn Zoi vo d Sprecha.
→ insgsamt redn 343.484 Leid an Serbo-Krowodischn Dialekt.
2. Beleg: Voikszöhlung 2001

In Östareich gibts nebm da deitschsproching Voiksgrubbm, de wos de Meaheit vo da Bevökarung stöit aa no autochtone Voiksgrubbm (uma 4% vo de östar. Stootsbiaga), de wos seid Joahundatn im Laund und in gschlossane Siedlungsgebiet bzw. in Sprochinsln in Östareich lebm. De Voiksgrubbm redn eana jeweilige Sproch, beheaschn owa zu ana Meaheit aa de Deitsche Sproch und de Boarische Sproch; san oiso zur Meaheit zwaasprochig. Da Status vo de Voiksgrubbm is vafossungs- und vökarechtlich obgsichat. De Voiksgrubbm entsendn Vatreta in an Östareichischn Voiksgrubbmbeirot.

Zua de autochtonan Voiksgrubbm kemman seid de 60a Joa dejening Stootsbiaga vo Östareich, de wos an Migrazionshintagrund hom und desweng ned ois autochton z klassifizian san.

Mindaheitn[VE | Weakln]

Aunakaunte Mindaheitn[VE | Weakln]

In Östareich san foignde Mindaheitn ois autochtone Voiksgrubbm aunakaunt:

Weidare autochtone Mindaheitn[VE | Weakln]

Weitare autochtone östareichische Mindaheitn, owa bis heid no ned ois autochtone Voiksgrubbm aunakaunnt san:

  • Östareichische Poin
  • Östareichische Jenische

Gschicht[VE | Weakln]

De Ausiedlung vo de Buangländischn Krowodn in de domoling Gebiete vo da östareichisch-ungarischn Monarchie (Westungarn, in Niedaöstareich, in da Südslowakei und in Sidmeahn) hod in mearare Wöin bis zum Joa 1584 stodgfundn. Zum Aufaung vom 17. Joahundat hom in dem Gebiet etwoa 120.000 Krowodn glebt, des hod an Bevökarungsauteu vo 25 - 28 % entsprochn. Weahrand da Gengreformazion hom de Krowodn a eingständige regionale Schriftsproch entwicket. Duachn Stootsvatrog vo Trianon (1921) hod se Ungarn zuA Obtretung vo Westungarn aun dE Republik Östareich vapflichDt. Nochm Auschluss vo Östareich auns Dritte Reich san dE krowodischn Vareine sowia da krowodische Untaricht in de Schuin vabotn wuan. s Buanglaund is sowoi in da Easchtn Repubblik sowia in da Zwoatn Repubblik a wirtschoftlichs Krisngebiet gwesn. In da Easchtn Repubblik san vüi Burnglända noch Amerika ausgwaundat, weahrand in da Zwoatn vüi Oawat in de Bollungszentren gsuacht hom.

Seidm Beginn vom 17. Joahundat hom se etliche poinische Famülien in da Reichshauptstod Wean augsiedlt. De easchtn ponischn Vatretungsorganisazionen san midm End vom 19. Joahundat in Wean grindt wuan. De greßte Vatretaorganisazion „Strzecha“ hod ia Tätigkeit kontinuialich bis heid dahoidn und ausbaut.

De neialiche slowakische Bsiedlung vo a boa niedaöstareichische Deafa aun da March is im 16. Joahundat dafoigt. In de Deafa hod se de urspringliche slowakische Sproch zum Teu bis heid dahoidn. Da Zuazug vo de Slowakn in de Reichshauptstod Wean hod se bis zua Tiaknbelogarung vo Wean auf Anzlpersonen bschränkt. Danoch hod se da Zuazug vasteakt und es san obm Joa 1835 de easchtn slowakischn Vareine grindt worn. Vua oim seid da saumtnan Revoluzion in da domoling ČSSR is s zua am Wiedaauflem vo da slowakischn Voiksgrubbm in Wean kemma.

De easchtn Hiweis auf tschechische Ausiedla in Wean beziang se auf de Regentschoft vom Kenig Přemysl Ottokar II. im 13. Joahundat. Ob da Mittn vom 19. Joahundat san de easchtn tschechischn Vareine in Wean grindt wuan. Midm End vom 19. Joahundat hom iwa 200.000 Tschechn in Wean glebt. Da greßte Teu vo eana is noch da Grindung vo da Tschechoslowakei im Joa 1918 zrugg reimigriat. Wearnd da NS-Zeid san de tschechischn Vareine aufglest wuan und de Aughearign vo da Voiksgrubbm san ana massivm politischn Vafoigung ausgsetzt gwesn. Es hom drei tschechische Wiedastaundsgrubbm in Wean existiart.