Natuakautschuk

Aus Wikipedia

Da Natuakautschuk (vaoided nua Kautschuk), oda aa Gummi is a Stoff, wo im Soft vo vaschiedna Kaatschukpflonzna voakomma duad. Ma mocht fei gonz vui unnerschiedlicha Sochan fia de Induastri draus.

Woadgschicht[Werkeln | Am Gwëntext werkeln]

As Woad Kautschuk hom de indigene Väika ondas gsogt. Mitm caa uchu oda aa caa ochu hom de Leit friaa Weada wia ‚Baam’ oda ‚Hoiz’ gmoant.

Oagnschaftn[Werkeln | Am Gwëntext werkeln]

Da Natuakaatschuk wead meist ausm Kautschukbaam gwonna. Den gibts in Siidostasien, Middlamerika un Siidamerika. Ma muaß oba wissn, doss net nua Natuakaatschuk a bedeitande Roin spuit, sonnan a sinthetscha Kautschuk.

Wos ma gnau ois Kautschuk bezejchna duad, is a schwaa zum Aklean. Im Soft vam Kaatschukbaam is a Ladex driang. Des Ladex is zu oam Driddl aus Kaatschuk. Dem sei Zammsetzung schaud so ous:

  • Beech
  • Feadsaire,
  • Proteine un
  • Wossa.

Da Ontei vam Beech schwonkt je nach Tip zwischn oan un 22 %. Saubana Kautschuk is brainlich und a bissl transparent. Bei wenga wia 3° C weada resch, ob 145° C klebta und bei iba 170° C zafliaßt a.

Gschicht[Werkeln | Am Gwëntext werkeln]

De äidastn Gegnstend ais Kautschuk stomma ais da Zeid va 1600 v. Chr. Recht beriamt is des sognannte Mesoamerikanske Boispui. Wei Kautschuk Wossa weghoid, hom eam de Indiana aa af eana Gwand gschmiat.

In Eiropa[Werkeln | Am Gwëntext werkeln]

Die Leit ais Eiropa hom Amerika eandeckt, oba in dahoam ned vui vom Kautschuck vazäit. Nur wera Buach zum Lesn griagt hod, konnt vonnem gonzm Schmarrn ohm wos wiassn.

A Franzos, Charles Marie de la Condamine, hod werand a Expiditio am Amazonas zwischn 1735-1745 gseng, wia Kautschuk heagstejt un gnutzt woarn is. Nacha is da Kautschuck in Eiropa bekonnta woarn.

  • 1770 homs den Radschi ghabt
  • 1824 an ersten Regnmantl,
  • 1826 die kemische Summafoaml vom Natuakaatschuk,
  • un in England de ’’Wellington boots’’ (Gummistiefe.

Gwinnung[Werkeln | Am Gwëntext werkeln]

Natuakautschuk griagt ma moast ausm Kautschukbaam. Dafia muaß ma an Baam ooritza, um an Soft aussazgriang. Ma setzt an Hefa drunta un lesstan Soft einefliaßan. Des gähd owa ned imma, wei ned olle Kautschucksoatn guad flissi san.

Plantagen[Werkeln | Am Gwëntext werkeln]

De moastn Kautschukbaame hod ma in Brasilien ghobt, bis de Leit den Soam a annaswo hiibroch hom. Oft hods a Problem mit dene Schwammaln gem, wei Fungiziide domois net bekonnt warn.

Erscht ums 20. Joarhundat is da Kautschuk af Asien kemma. A weidas, bedeitands Gebiet zua Gwinnung woar am Kongo, wobei de afrikansken Velka schliamm traktiat wuadn. A in Gabun und der Zentralafrikansken Republiak is man et guad auf de Zejt zu sprechen.

Speta im 20. Joarhundat hod ma a andre Stooten in Amerika mit Plantagen ghobt, und Brasilien hod sei Spitznposition valoan. Zum Beispui hods in Kolumbien oda Panama heit Plantagen, von dene de Timberfarm vui bwirtschoftet.

Nochm easchtn Wejdkriag hod a da Henry Ford Kautschuk in Brasilien selbst oobaun woin. Mid dena Britn hom de USA long an Preiskompf gfiaht, wo vui Kartelle hod entsteh lossn.

Wea an moastn Kautschuk mocht[Werkeln | Am Gwëntext werkeln]

De finf greßtn Produktionsstootn vom Natuakautschuk san heit

  1. Kinireich Thailand,
  2. Indonesien,
  3. Malaysia,
  4. Indien und
  5. Kina.

Wern moistn Kaatschuk kafft[Werkeln | Am Gwëntext werkeln]

Lenda mid am hochn BSP, wia Japan, Deitschland, die USA und Frankreich, vabrauchan an moastn Kautschuck.