Prackaboch

Braabo is a Gmoa im niedabayrischn Landkreis Reng. Da gleichnomige Hauptoat is Sitz vo da Gmoavawoitung.

Eadkund

Geografische Log

Braabo is in da Region Doana-Woid im Natuapark Bayrischa Woid direkt an da Bundesstroß 85 ungefea 22 km südestle vo Cham, 28 km nordwestle vo da Kreisstod Reng, fünf Kilometa vo Vejda und 27 km vo da Bundesautobahn 3, Ausfoht Bong, entfernt. Quea duach des Gmoagebiet valaaft da teilwäs mit markante Fejsn heavoatretnde Höhnzug vom Pfoi (Natuachutzgebiet); da hejxste Punkt e da Gmoa Braabo is de 850 m houe Zeja Hej.

Gmoagliedarunga

Es gibt 66 Gmoateile:

• Ohroi
• Oidwies
• Anga
• Arejdan
• Bartlbea
• Bea
• Boxbea
• Dumpf
• Egern
• Egernhäsl
• Ehrnhof
• Englaschdoaf
• Fichtntal
• Fraunwies
• Gämej
• Grou
• Honggrou
• Heilignwies
• Heilmbea
• Heazogso
• Hetzlaschdoaf
• Hintahonggrou
• Hintamaulndoaf
• Iglasbea
• Koga
• Grajen
• Kreilstoa
• Leja
• Läthn
• Lexanga
• Maierhof
• Mengrou
• Mittadoaf
• Moschba
• Moschbeckaa
• Moosbea
• Neihaisl
• Neimej
• Obamej
• Obaräsa
• Obarouadoaf
• Stoa
• Obavejdafej
• Edland
• Braabo
• Rodaschbea
• Roumaschdoaf
• Schepfahof
• Schwom
• Schwobwies
• Schwatzndoaf
• Stoahof
• Stoamej
• Tafertshof
• Thannhof
• Trejschdoaf
• Untaräsa
• Untarouadoaf
• Untavejdafej
• Voggazej
• Vormej
• Wiednhof
• Wiemej
• Zeitlau
• Zeitlhof
• Zej

Es gibt de Gmarkunga Grajen, Moschba, Praabo und Roumaschdoaf.

Gschicht

Bis zua Gmoagriandung

Praabo is 1280 ois Edlsitz urkundle awähnt worn. De Familie Schälchl z Grajen war im 15. und 16. Joahrhundat Inhoba vo da Hofmark mit Sitz im Oatsteil Grajen. Da Oat hod zum Rentamt Straubing und zum Landgricht Vejda vom Kuafiaschtndum Bayern khead. Im Zug vo de Vawoitungsrefoaman im Kinireich Baiern is mit dem Gmoaedikt vo 1818 de heitige Gmoa entstandn.

21. Joahrhundat

Des ca. 600 Joahr oide, mittlaweile zu am Wohn- und Gschäftshas umbaute Gebäude vom ehemolign Brei is am Omd vom 27. Dezemba 2011 duach an Brand komplett zasteat worn, 13 Läd hand obdochlos worn.

Eigmeindunga

Im Zug vo da Gebietsrefoam in Baiern san am 1. Mai 1978 de Gmoa Moschba und Roumaschdoaf eigliedat worn.

Eiwohnaentwicklung

Zwischn 1988 und 2018 is de Gmoa vo 2573 aaf 2781 um 208 Eiwohna bzw. um 8,1% gwochsn.

• 1961: 2263 Eiwohna
• 1970: 2353 Eiwohna
• 1987: 2476 Eiwohna
• 2000: 2729 Eiwohna
• 2005: 2708 Eiwohna
• 2010: 2707 Eiwohna
• 2015: 2676 Eiwohna

Politik

Gmoarot

Da Gmoarot setzt se seit da Kommunoiwoi vom 15. März 2020 wia foigt zamm:

• CSU: 3 Sitz (24,71 vo de Stimman)
• Freie Wähla: 4 Sitz (27,71 % vo de Stimman)
• Freie Buagainitiative: 3 Sitz (18,2 % vo de Stimman)
• FWG Roumaschdoaf: 2 Sitz (13,92 % vo de Stimman)
• FWG Moschba-Praabo-Roumaschdoaf: 2 Sitz (14,93 % vo de Stimman)

Buagamoasta

Ersta Buagamoasta is seit 2014 da Andreas Eckl, dea 2020 ois oanziga Kandidat mit 94,51 % vo de Stimman wiedagwejt worn is.

Wappn

Blasonierung: "Unta am blaum Wejnschejdhaupt und iwa am roudm Dräbea, blegt mit oam vo Blau und Suiba in zwou Reihn grautetn Boik, in Sejba zwoa voanana obkeahte roude Stoabockheandl." Wappnbegründung: De Stoabockheandl hand de Wappnsymboi vo da Familie Schälchl z' Grajen, de wos im 15. und 16. Johhunat ais Inhoba vo Hofmoak und Sitz Grajen gnennt wern. Des Wappn steht stejvatretnd fia de Adlsfamilien, de wos im Gmoagebiet ais Hofmarksherrn z' Grajen oda Moschba nochweisboa hand. Ais Inhoba vo da Hofmoak an Heazog Oibrecht III. vo Baiern. Da grautate Baikn ainnat desweng sowoi an des Wappn vo de Nußbecka ais aa an de vo de Grafn vo Bong ibanommanan Rautn vo de Wittlsbacha. Da Dräbea symbolisiert de Log vom Gmoagebiet am Pfoi im Bayrischn Woid, des Wejnschejdhaupt symbolisiert den Hejnstoastausee.

Baudenkmäla

• katholische Pfoakiacha St. Georg
• Hofkapejn Bartlbea
• Kapejnbejdstog Ehrnhof
• Kraftwerk Hejnstoasee
• Fejdkapejn Hetzlaschdoaf
• katholische Filialkiacha St. Peter und Paul
• Hofkapejn Leja
• katholische Kiacha St. Johannes Baptist Moschba
• Granitgräz, Moschba
• Gräzwe, Moschba
• Wegkapejn Roumaschdoaf
• Kapejn Schwom
• Bejdstog Thannhof
• Ortskapejn Trejschdoaf
• Kesslbonkapejn in da Nad vo Iglaschbea

Wirtschoft und Infratruktua

Wirtschoft eischließle Land- und Foastwirtschoft

Es hot 1998 noch da amtlichn Statistik im produzierandn Gewerbe 199 und im Bereich Handl und Vakeah koane sozoivasicharungspflichte Bschäftigte am Oabatsoat gem. In sonstige Wirtschoftsbereich warn am Oabatsoat 113 Personan sozoivasicharungspflichte bschäftigt. Soziovasicharungspflichte Bschäftigte am Wohnoat hot's insgsamt 894 gem. Im vaoabantn Gewerbe hots oan Betrieb gem, im Bauhauptgewerbe siem Betriebe. Zuadem hand im Joahr 1999 165 landwirtschoftliche Betrieb mit ana landwirtschoftle gnutztn Flächn vo 1713 ha bstana, dovo warn 1358 ha Dauagreaflächn.

Buidung

Es gibt foigande Eirichtunga (Stand: 1999):

• zwe Kinagoatn mit 75 Kinagoatnplatz und 71 Kina
• Grundschui mit ejf Lehran und 183 Schüla

Perseanlekeitn

• Ferdinand Schedlbauer (1869-1952), Buagamoasta und Reichsdogsobgoadnata
• Peer Raben (1940-2007), Fuimkomponist, geborn z' Vejdafej