Rasen-Antholz

Aus Wikipedia
Rasen-Antholz
(ital: Rasun Anterselva)
Wappen von Rasen-Antholz
Rasen-Antholz (Südtirol)
Rasen-Antholz (Südtirol)
Rasen-Antholz (46° 51′ 0″ N, 12° 6′ 0″O)
Rasen-Antholz
De Log va Rasen-Antholz in Sidtirol
Bezirksgmoaschaft Pustertal
Provinz: Bozen (Sidtirol)
Region: Trentino-Südtirol
Stoot: Italien
Einwohner (VZ 2011/31.12.2013): 2.870/2.854
Sprochgruppn
laut Volkszählung 2011:
98,40 % deitsch
1,16 % italienisch
0,44 % ladinisch
Koordinaten 46° 51′ N, 12° 6′ OKoordinaten: 46° 51′ N, 12° 6′ O
Mearesheachn: 926 - 3436 m s.l.m. (Zentrum: 1030 m s.l.m.)
Fläch/Dauer-
siedlungsraum:
120,92/13,6 km²
Fraktionen: Antholz-Mittertal, Antholz-Niedertal, Antholz-Obertal, Neunhäusern, Niederrasen, Oberrasen
Nochbargmoandn: Bruneck, Gsies, Olang, Percha, Sand in Taufers, St. Jakob in Defereggen, Welsberg-Taisten
Poschtleitzohl: 39030
Vorwohl: 0474
ISTAT-Nummr: 021071
Stuirnummr: 00409320215
Politik
Burgermoaschtr (2015): Thomas Schuster (SVP)

Rasen-Antholz (wallisch: Rasun Anterselva) isch a Sidtirola Gimeinde. Sie umfåsst is Antholzatoul (a Seitntoul fan Puschtåtoul), durch des då Antholzabåch rinnt. In Unfång fan Toule gibbs, in då gleichnumign Flur, is Greibåfeld Windschnur, wos nöi aus då Hallstattzeit ståmmt und an Haufn intressanta Fundsticklan fürragibroucht håt.

Im Nordwesschtn fan Antholzatol gibbs die Rieserfernagruppe, woi då Huachgåll mit 3.436 m då hiachste Berg isch. Is Toul isch öppa 21 km lång und endit mitn Antholza Sia und in Stolla Sottl, an Påssibbågång, der wås is Antholzatoul mitn Defreggntoul (Oschttirol) våbindit.

Blick fan Krånplåtz zin Ingong fan Antholzatoul: Hintå dein kluan Industriegibiet im Vördågrund siecht man Niddå- und Öbbårasn.

Die Gimeinde Rasen-Antholz kiarscht zi då Bezirksgimeinschåft (Bezirk) Puschtåtoul, va der do Hauptort Bruneck zürka zeihn Kilomettå wegg isch. Rasen-Antholz håt insgsåmpt sechs Ortschaftn af a Fläche va 120,92 km² mit 2.854 Inwohna (2013).

Nöi awin aföire van Toul ligg Neunhäusern, a kluando Weila der, entgegen sein Nume, miahra as wiu nein Haislan håt. In Ingång van Antholzatoule isch då Hauptort va då Gemeinde: Niederrasen (Niddorasn) af 1.030 m. Ins Toul inne kem nua folgnda Ortschoftn: Öbbårasen, Antholz-Niddåtål, wås 1.135 m huach ligg und Antholz-Mittåtål af 1.230 m. Zilescht gibbs nöi Antholz-Öbbåtål (1.532 m huach).

Sport[Werkeln | Am Gwëntext werkeln]

Af 1.642 Mettå Hiache ligg zilescht fan Toul då Antholza Sia (Lago di Anterselva), wos 44 Hektar gruaß isch. Neibn Sia befindit sich is Biathlon-Stadion „Südtirol Arena“, für des Antholz europaweit und bsundås ba die Deitschn bikånnt isch. Dou håts schun fünf Biathlon-Weltmeischtåschåftn gebbn, die leschte wår 2007. Zin sebm dozui werdn nöi an iudis Jouhr Biathlon-Weltcuprenn ausgitrougn. Die Streckn liggn auf 1.600 m und san sömit die hiachschtgilegn in gonzn Biathlon-Weltcup.

Im Summå eignet sich is Antholzatoul bsundås guit zin Wåndån und zin Radlfouhrn.

Im Wintå kånn man in Antholz guit Långlafn, Biathlon måchn öddo Schifouhren. In Antholz-Mittåtål gibbs an nettn Schlepplift (Riupenlift) und is gruaße Skigibiet Krånplåtz doreckt man va Mittåtål aus mitn Auto in 15 Minutn. Va Rasen isch då Krånplåtz ibbåhaup la 3 km wegg.

Dialekt[Werkeln | Am Gwëntext werkeln]

Då Dialekt fan indran Antholzatoul untoscheidit sich ziemlich fan reschtlichn Puschtåtoul. Bsundås kennzeichnend isch die Våwendung fa die Buichschtoubnkombinationen -oi-, -öi- und -ou-, de wås hourginau untåschiedn wern. Öft gibraucht wern a die Buichschtoubn å und ö. Weita arauße in Rasn reidit man schun widdå in normaln Dialekt van Puschtåtoul.

A pour Beispielsatzlan:

  • I hån a Löch in då Höise (Ich habe ein Loch in der Hose).
  • Er köirscht fan Örschta afnåcht bis in Pfintsta in alldå Herrgöttsfriuh die Laabe (Er kehrt von Dienstagabend bis Donnerstag in der Früh den Hausflur).
  • Vågelts Gött in Himbl augn (Gott vergelte es dir im Himmel = Danke).

Im Netz[Werkeln | Am Gwëntext werkeln]

 Commons: Rasen-Antholz – Sammlung vo Buidl, Videos und Audiodateien