Roman Polanski

Aus Wikipedia
Wexln zua: Navigation, Suach
Roman Polanski, 2011

Da Roman Polanski (* 18. August 1933 z Paris, ois Raymond Thierry Liebling[1]) is a jidischa-poinisch-franzesischa Fuimregisseur, Draabuachautor, Fuimproduzent und Schauspuia.[2] Seit 1976 is a franzesischa Stootsbiaga.[3] Ea guit ois oana vo de grässtn internationaln Fuimemoacha.[4]

Lem[VE | Weakln]

Kindheid und Wejdkriag[VE | Weakln]

Da Polanski is 1933 z Paris afd Wejd keman. Ea is da Suhn vom Mojżesz Liebling[1] und vo dem seina Frau Bula Katz-Przedborska. Sei Voda wor a poinischa Mola und Buidhaua, dea wo am End vo de 1920 Joar mid seina Famij af Paris ausgwandad is und spoda sein Nama af Ryszard Polanski endan hod lossn. Ea woa vo jidischa Obstammung owa Agnostika, so wia sei hoibjidische, russische Muada, de wo offiziej Katholikin wor.

1937 is de Famij zweng da Wiatschoftslog und zwengan woxendn Antisemitismus in Frankreich af Krakau in Poin zruckzogn. Midm Eimarsch vo da Weamocht 1938 in Poin worn de Polanskis owa glei vo da nationalsozialistischn Judnvafoigung betroffa. Se san zwunga worn ins spodare Krakaua Ghetto umzziang. Da finf jaarige Polanski is aus da Grundschui aussegschmissn worn und hod fia de naxtn 6 Joar koa Schui bsuacha deafa. Ea hod midealebt wiad Judn im Krakaua Ghetto zammpfeachd und sukzessive in KZs deportiad worn san.

Da kloane Polanski hod in de foigendn Joar de Hej af Eadn ealebt. Ea hod mitoschaugn miassn wia sei schwangare Muada vo de Nazis vahofdt worn is. Se is ins KZ Ausschwitz vaschleppt und 1942 umbrochd worn. Ea hod aa gseng wia sei Voda mid ana Gruppn vo vahofdtn Judn obmarschian hod miassn. Dea is ins KZ Mauthausn deportiad worn, wo ra iwalebt hod.

1943 is im 10 jaarign Polanski de Flucht ausm Krakaua Ghetto glickt. So is a im lezdn Moment seina Deportation entganga. Sei Hoibschwesta und sei Groußmuada san kuaz draf aa no deportiad worn. Owa aa da Horror vom kloan Polanski is weida ganga. Ea hod in Nama Roman Wilk ognumma und is znaxt bei ana katholischn Famij z Krakau untakema, de wo scho im voraus vo seine Ejtan fia so an Foi bezoit worn san. Trotzdem homs eam noch kuaza Zeid ois "kloan Judn" aussegschmissn und eam sei gsamts Hob und Guad gstoin. Nacha is a bei vaschiednan poinischn, katholischn Famijn untakema und is imma wieda "katholisch" drangsaliad worn. A Psychoterror-Ealebnis mid an katholischn Priesta, vo dem wo ea inquisitorisch ausgfrogt worn is, hod da Polanski spoda so beschriebn:

„ "Who exactly are you?" he asked. "Where were you baptized?" ... "What was the name of your parish priest?" ... He pursued his inquisition to the bitter end. "You're a little liar," he said finally. "You've never been baptized at all." He took me by the ear and led me over to the mirror. "Look at yourself. Look at those eyes, that mouth, those ears. You aren't one of us."[5]

Ibasetzung: "Wea bistn du ibahapts? hod a gfrogt. "Wo bistn tafft worn?" ... "Wea wor nacha dei Gmoapforra?" ... Ea hod de Inquisition bis zan bittan End weidagfiahd. "Du bist a kloana Liagna," hod a zan Schluss gsogt. "Du bist ibahapts ned tafft." Ea hod mi bei de Ohrn zogn und mi zan Spiagl gfiahd. "Schau di sejm o. Schau de Augn, de Pappn und de Ohrwaschln o. Du bist koana vo uns."

So is a zan Vagabund worn und hod si am Land duachgschlogn, vo oan Horror zan naxtn. Beispuisweis hom deitsche Soidotn mid eam sadistische Spuiarein vaonstoit und hom zua Gaudi af eam gschossn. Wen ma de Gschichtn kent, nacha vastähd ma a weng de Atmosphär vo de Polanski Fuim."[4]

Jugad[VE | Weakln]

Nochm Kriag hod a an Tei vo seina Vawandtschoft wieda troffa, de wo in Holocaust iwalebt ghobt hod. Zeascht hod a bei zwoa Onkln (Stefan und David) glebd. Wia sei Voda ausm KZ zruggkema is, is a wieda zu eam af Krakau zong.

Nochm Kriag hod a koa Glegnheid ausglossn, um ins Kino z geh, des is bei eam reglrecht zua Bsessnheid worn und ea schreibd spoda driwa:

„ Movies were becoming an absolute obsession with me. I was enthralled by everything connected with the cinema — not just the movies themselves but the aura that surrounded them. I loved the luminous rectangle of the screen, the sight of the beam slicing through the darkness from the projection booth, the miraculous synchronization of sound and vision, even the dusty smell of the tip-up seats. More than anything else, though I was fascinated by the actual mechanics of the process.[6]

Da Polanski hod z Krakau sei Abitur gmochd und nacha a Kunststudium ogfangd. Do hoda in Andrzej Wajda kenna gleant, dea wo domois aa z Krakau studiad ghobd hod. Da Wajda hod eam iwazeigt, dass a afd Fuimhochschui z Lodz wexln soi. Des hod a nacha aa gmochd.

Lafboh[VE | Weakln]

In de 1950a Joar hod a de easchtn Erfoarunga ois Schauspuia gmochd, und zwor 1954 im Fuim Pokolenie vom Andrzej Wajda. Sein easchtn Fuim ois Regisseur hod a 1955 gmochd, Rower (Bicycle, boar. Radl). Des is a semi-autobiographische Gschicht, wo da Polanski aa sejm midspuid.

Fuimografie[VE | Weakln]

Ois Regisseur[VE | Weakln]

Joar Fuim Oscar
Nominiarung
Oscar Gwinna
1955 Zaczarowany rower (aa ois Bicycle)
1957 Morderstwo (aa ois A Murderer)
Uśmiech zębiczny (aa ois A Toothful Smile)
Rozbijemy zabawę (aa ois Break Up the Dance)
1958 Dwaj ludzie z szafą (aa ois Two Men and a Wardrobe)
1959 Lampa (aa ois The Lamp)
Gdy spadają anioły (aa ois When Angels Fall)
1961 Le Gros et le maigre (aa ois The Fat and the Lean)
Ssaki (aa ois Mammals)
1962 Nóż w wodzie (aa ois Knife in the Water) 1
1964 Les plus belles escroqueries du monde (aa ois The Beautiful Swindlers)—segment: "La rivière de diamants"
1965 Repulsion*
1966 Cul-de-sac
1967 The Fearless Vampire Killers or: Pardon Me, Madam, but Your Teeth Are in My Neck (aa ois Dance of the Vampires)
1968 Rosemary's Baby* 2 1
1971 Macbeth
1972 Week-end of a champion
1972 What? (aa ois Diary of Forbidden Dreams)
1974 Chinatown 11 1
1976 Le Locataire (aa ois The Tenant)*
1979 Tess 6 3
1986 Pirates 1
1988 Frantic
1992 Bitter Moon
1994 Death and the Maiden
1999 The Ninth Gate
2002 The Pianist 7 3
2005 Oliver Twist
2007 To Each His Own Cinema (Segment Cinéma erotique)
2010 The Ghost Writer
2011 Carnage
2012 A Therapy (a Kuazfuim fia Prada)
2013 Venus in Fur

Im Netz[VE | Weakln]

 Commons: Roman Polanski – Sammlung vo Buidl, Videos und Audiodateien
Spruch: Roman Polanski – Zitat af Boarisch

Beleg[VE | Weakln]

  1. 1,0 1,1 Polanski, Paul Werner, Langen Müller Verlag, Minga, 2013, S. 11.
  2. Roman Polanski. In: IMDb
  3. "Roman Polanski – Biography". The New York Times. http://www.nytimes.com/movies/person/106743/Roman-Polanski/biography. Retrieved on 20 November 2013. 
  4. 4,0 4,1 Freer, Ian. Movie Makers, Quercus (2009) pp. 129–131
  5. Polanski, Roman (1984, 1985) Roman by Polanski, New York: Morrow. ISBN 0-688-02621-4, London: Heinemann. London: Pan. 456p. ISBN 0-434-59180-7 (hbk) ISBN 0-330-28597-1
  6. Roman by Polanski, S. 37-38
Normdatn: GND: 118595431 | LCCN: n79006350 | VIAF: 112552900