Schliersee (Gmoa)

Aus Wikipedia
Wexln zua: Navigation, Suach
Der Artikl is im Dialekt Obaboarisch gschrim worn.
Woppn Koartn
Wappen vo da Gmoa Schliersee
Schliersee (Gmoa)
Deutschlandkarte, Position vo da Gmoa Schliersee hervorgehoben
47.73333333333311.866666666667784Koordinaten: 47° 44′ N, 11° 52′ O
Basisdatn
Bundesland: Bayern
Regiarungsbeziak: Obabayern
Landgreis: MiaschbochVorlage:Infobox Gemeinde in Deutschland/Wartung/Landkreis existiert nicht
Häh: 784 m ü. NHN
Fläch: 79,16 km²
Eihwohna: 6799 (31. Dez. 2015)[1]
Dichtn: 86 Eihwohna je km²
Postloatzoi: 83727
Voawoi: 08026
Kfz-Kennzoachn: MB
Gmoaschlissl: 09 1 82 131
Adress vo da
Gmoavawoitung:
Rathausstraße 1
83727 Schliersee
Hoamseitn: www.schliersee.de
Buagamoasta: Franz Schnitzenbaumer (CSU)
Log vo da Gmoa Schliersee im Miaschboch
Karte


Schliersee is a Moaktgmeind im obaboarischn Landkroas Miaschboch mit de Ortstei Schliersee, Neihaus, Fischhausen und Spitzingsee.

De Gmoa Schliersee liagt am Nordostufer vom Schliersee (See) und is a bekannta Urlaubsort in de Bayrischn Oipn, mit rund 520.000 Ibanachtunga im Joar. Da Ortstei Spitzingsee liegt 1.090 Meta hoch und is a bekannts Wintasport und Bergwandazentrum.

Schliersee liegt rund 7 km sidli vo Miaschboch, 32 km vo Rousnam und 53 km vo Minga entfernt.

St. Sixtus
Schlierseer Bauerntheata

Gschicht[VE | Weakln]

In de Urkundn vom Hochstift Freising wead de Grindung vom Klosta "Schliersee" am 21. Jenna 779 erwähnt. 1808 is Schliersee a politische Gmoa worn. Nacha hod se da Ruaf vo Schliersee ois idyllischa Urlaubsort vabroadd.

Kuitua und Sehnswiadigkeitn[VE | Weakln]

Theata[VE | Weakln]

Des Schlierseer Bauerntheater (Grindung 1892) is des ejteste Theata vo dea Oart.

Museen[VE | Weakln]

S Schlierseer Hoamatmuseum is in am ejtastn Haisln (um 1500 baut) vom Ort untabrocht. Es werd des baialiche Lebm und Arbatn in de letztn 500 Joar dorgstejt. Nebm oana Rauchkuchl und oana Gfängniszejn san u.a. Glosworn vo da Gloshittn Schliersee ausgstejt.

As Markus Wasmeier Bauernhof- und Wintersportmuseum am Sidufa vom See is a Freilichtmuseum, des wo oide Bauanhef aus da Zeit um 1800 zoagt. De Bauanhef san im bayrischn Obaland obbaut, restauriert und im Freilichtmuseum wieda aufbaut worn.

Literatua[VE | Weakln]

Da bayerische Schriftstella Manfred Böckl hod an Roman iba an berihmtestn Schlierseer gschriebm: an Wuidschitzn Georg Jennerwein. Des Buach trogt an Titl Jennerwein.

Fuim[VE | Weakln]

Im Septemba 2007 is z Schliersee da Fuim vom Joseph Vilsmaier Die Geschichte vom Brandner Kasper mit Franz Xaver Kroetz ois Brandna Koschba und Michael Bully Herbig ois Boandlkramer draat worn.[2]

Berihmtheitn[VE | Weakln]

  • Theodor Hummel - (* 15. Novemba 1864 z Schliersee; † Juli 1939 z Minga) - Bayrischa Mola
  • Gerhard Polt - (* 7. Mai 1942 z Minga) - Bayerischa Kabarettist, lebt z Schliersee
  • Rolf Singer (* 23. Juni 1906 z Schliersee; † 18. Jenna 1994 z Chicago) - Hochschuiprofessor und bedeitenda Forscher vo da Mykologie
  • Xaver Terofal - (* 20. Jenna 1862 z Dorfen; † 4. Aprui 1940 z Schliersee) - Voikssänga, Schauspuia, Grinda vom Schlierseer Bauerntheater
  • Markus Wasmeier - (* 9. Septemba 1963 z Schliersee) - zwoafocha Olympiasiega z Lillehammer (Norwegen) im Super-G und Riesenslalom

Joaresvaonstoitunga[VE | Weakln]

  • Schifasching auf da Firstoim (Faschingssunndog)
  • Oipn-Triathlon (Juni/Juli)
  • Schlierseer Seefest (Juli/August)
  • Oid-Schlierseer Kirtog (August)
  • Bergseefest am Spitzingsee (August)
  • Leonhardi-Foart (Novemba)
  • Schlierseer-Advent mit bayerischa Adventsmusik und Hiatenspui (1. und 2. Advent-Samstog)

Beleg[VE | Weakln]

  1. Bayerisches Landesamt für Statistik – Tabelle 12411-001: Fortschreibung des Bevölkerungsstandes: Bevölkerung: Gemeinden, Stichtage (letzten 6) vom Juli 2016 (Einwohnerzahlen auf Grundlage des Zensus 2011) (Hilfe dazu).
  2. http://www.brandnerkaspar-derfilm.de

Im Netz[VE | Weakln]

 Commons: Schliersee – Sammlung vo Buidl, Videos und Audiodateien