Voitelsbrunn

Voitelsbrunn
Voitelsbrunn (Tschechien)
Basisdatn
Staat:	Tschechien
Region (Kraj):	Südmährn
Flächn:	2078 ha
Geographische Log:	48° 47′ N, 16° 42′ O48.78166666666716.699722222222187
Häh:	187 m n.m.
Eihwohna:	2.230 (1. Jänner 2021)
Kfz-Dafal:	B
Vakea
Stross:	Födsberg – Nikoisburg
Bohoschluss:	Lundnburg-Gruasbåch
Strukdua
Stadus:	Gmoah
Oatstei:	1
Vawoidung
Buagamoasta:	Marian Pánek (Stand: 2018)
Adress:	Sedlec 92 691 21 Sedlec u Mikulova
Hoamseitn:	www.sedlecumikulova.cz

Voitelsbrunn (tschechisch Sedlec) is a Gmoah in Südmährn, Beziak Lundnburg in da Tschechei. Da Uat is ois a Linsnangadorf auglegd.

Geographie

Voitelsbrunn is inksseitig vaum Båch Niklasgråbn östlich vau da Stådt Nikoisburg in da náhn vau da Grénz zu Östareich am Fuaß vaum Millowitza Hügl. Da nächstglengne Grénzübagaung auf östareichischa Seit is Dråsenhofn. Im Norden erhebd sé da Oitnberg (253 m n.m.) und da Woifswoid, 304 m n.m. midm Hóhn Eck (308 m n.m.), nordöstlich da Bründlberg (252 m n.m.) und im Nordwestn der Muschlberg (240 m n.m.). Nördlich bfindn sé am Muschlbåcha Strom dé Fischteich Muschlbåcha Teich und untana Muschlbåcha Teich.

Nachboaruate

Muschel Nikoisburg	Millowitz Neimühl	Puigram Neidek Eisgruab
Dråsnhofn		Bischofwoarth
Steinebrunn	Schråttnberg bei Poysdorf	Födsberg

Gschichte

1298, bei da Gründung vau da Herrschåft Foiknstein, is as Dorf erstmois urkundlich untam Nåm „Foydesprvn“ erwähnt woan, ois vau Seifried dem Waisen erwoabm woan is. 1305 håds an Nåm „Woisprunie“, 1332 „Foydasprunn“, seit 1408 „Voytesprunn“ und seitn 17. Joarhundat an Nåm Voitelsbrunn. Die Worténdung „prunie“ bzw. „prunn“ deit auf a Ortsgründung um 1000 bis 1100 hí. Emso weisn dé Aunlåg vaum Uat und dé „ui“- Mundart (boarisch-östareichisch) mid ernane speziön Boarischn Kennwörta, wöche bis 1945 gsprochn woan is, auf a Bsiedlung durch boarisch-östareichische Stämm hí, wia sé voa oim im 12./13. Joarhundat erfoigd is. Sé haum neiche laundwirtschåftliche Anbaumethoden und Åckageräte aus Eisen midbrochd und haum dé ertrågreiche Dreifödawirtschåft eigfiahd.

Da Uat woar zwischn 1332 und 1560 zua Herrschåft Nikoisburg zuaghörig. Zwischn 1545 und 1591, nåch aundare Quön bis 1623, san reformatorische Teifa im Uat, dé a Gmeindehaus und drei Bruadahëf baud haum. 1560 haum sé im Verzeichnis da Urbaren (Liengschåftn) grod deitsche Eiwohna gfundn. Dé Rekatholisierung vaum Uat zur Bekämpfung vau dé neichen Glaubensrichtungen is in da zwatn Höftn vaum 16. Joarhundat untam Adam vau Dietrichstein erfoigd.

Matriken wean seit 1608 gfiahd, dé Grundbiacha seid 1710.

Währendn Dreißgjährign Kriag is da Uat durch dé Heerscharen Bethlen Gábors schwar vawüstet woan. Á wean dé letztn Teifa im Joar 1622 asum Laund gschmissn, worauf dé nåch Siembürgn weidazong san. Åb 1671 hods Schuiuntaricht gehm. As Schuihaus woar zugleich Schenke, Råthaus, und Pfoarrerswohnung. Um 1680 werd dé viahaundene Schwefelquön vau dé Dietrichsteinern erworbm, 1770 erweitat und zum fiastlichn Bådhaus ausbaud.

Im Joar 1833 hod a Großbraund 32 Heisa zastört. Währendn Deitsch-Östareichischn Kriag, im Joar 1866, werd durch piefksche Soidåtn dé Cholera im Uat eigschleppt, wodurch 60 gstoam san. Durchn Ausbau va da Eisnbauhn werd da Uat im Joar 1872 ans Bauhnnétz augschlossn. Dé Gründung ana Freiwüllign Feiawehr woar im Joar 1892. Dé meistn Eiwohna vau Voitelsbrunn haum vau da Laundwirtschåft glebd (144 beierliche Betriabe). Dea in Südmährn seit Joarhundaten gepflegte Weinbau hod im Uat a bsundane Roin eignumma und is in große Meng vakaufd woan. Durch dé Reblausplåg, 1864, san dé Anbauflächn drastisch z´ruck gonga und bis 1945 verringerte sé dé Weinbauflächn um 80 %. Neman Klagwerbe hods im Uat nu a Moikerei und eine Mühn gehm. Da Steindåmmteich is olle zwa Joar åbgfischt woan und hod ungfähr 2.500 Doppezentna Koarpfn eibrochd.

Nachm Énd vaum Eastn Wödkriag, is da Vüvölkastoot Östareich-Ungarn zafoin. 36 Männa san in Kaumpfhandlungen umkumma. Tschechische Truppn san am 15. Dezember 1918 in Voitelsbrunn eimarschiert. Dé Uatsbvökarung woar zu dem Zeitpunkt zu 99 % vau östareichischa Herkunft. Trotz ana Untaschriftnaktion fian Anschluss an Deitschöstareich is da Uat durchs Diktat vau St. Germain, im September 1919 zua Tschechoslowakei kumma. 1920 is as Gemeindegebiet um Fluren rechts vaum Niklasgråbn midm Haidhof erweitat woan, dé davoa zua niedaöstareichischn Gmoah Steinebrunn ghead hod. In da Zwischnkriagszeit san imma mehr Tschechn zuazong. Sie san voa oim ois Grénzpostn, Eisnbauhna und Postbeamte eigsetzt woan. 1924 haums zwa Wohneinheitn, zwa Bauanhëf sowia an tschechischn Kindergoatn mid Schui baud. Dé Elektrifizierung vaum Uat woar 1927. Im gleichn Joar is Uat a Fernsprecher installiert woan. Innahoib vau da Gmoah hod åb 1936 da Bau vau drei Bunkalinien fian tschechoslowakischen Wall augfongd. Dé wåchsenden Autonomiebestrebungen vau dé Östareicha haum zu Spannungen innahoib vaum Laund gfiahd und in da Foign zum Münchna Åbkommen, des dé Åbtretung da sudetendeitschn Gebiete an Deitschlaund gregelt hod. Am 8. Oktober 1938 san deitsche Truppn nåch Voitelsbrunn kumma. Im Anschluss drau hod da Uat bis 1945 zum Reichsgau Niedadonau (Niedaöstareich).

Da Zwate Wödkriag hod 64 Opfer untan Ortsbewohnern. Bei da Einnahme vaum Uat am 21. April 1945 durch dé Rote Armee san fünf Zivilisten gstoam. Nåchm Énd vaum Zwatn Wödkriag san dé im Münchna Åbkommen 1938 an Deitschlaund übertrångne Territorien, oiso á Voitelsbrunn, wieda zuaTschechoslowakei kumma. Vü da deitschn Eiwohna san voa da eisetzende Drangsalierungen durch militante Tschechn gflóhn oda san üba dé Grenze nåch Östareich wüd vatriem woan. Durch Nåchkriegsexzess san weidane Zivilisten gstoam. Zwischn März und Oktober 1946 san dé letztn 154 Oitöstareicha nåch Westdeitschlaund zwangsausgsiedlt woan.

Mid da Renovierung vau dé nu vuahaundenen Gråbkreiz, as Friedhof-Hauptkreiz (1994) und ana Moarterls vua da Kirchn (2006) haum dé ehemålign Uatsbewohna va Voitelsbrunn ernane Ahnen und Gfållenen docht.

Gmeindegliedarung

Fia dé Gmoah Voitelsbrunn san kane Uatsteile ausgwiesn. Grundsiedlungseinheiten san Voitelsbrunn und Voitelsbrunn-Kolonie. Zu Voitelsbrunn ghead außadem dé Einschicht Haidhof.

Wåppn und Siegl

A Siegl is seit 1583 bekaunnt. Es zagd a Renaissanceschüd mid am Pflugeisn. Spädane Siegl zang zuasätzlich links und rechts vaum Pflugeisen a Weinrebm mid jöweis zwa Traum.

Einwohnerentwicklung

Voikszählung	Heisa	Eiwohna insgsaumt	Voikszughörigkeit vau dé Eiwohna
Joar			Östareicha	Tschechn	aundare
1793	131	660
1836	153	857
1869	178	893
1880	188	969	955	6	8
1890	200	1.000	955	45
1900	217	1.035	989	42	4
1910	240	1.035	1.023	7	5
1921	246	1.146	933	159	54
1930	282	1.151	895	221	35
1939		1.078
Quön: 1793, 1836, 1850 aus: Südmährn vau A–Z, Frodl, Blaschka
Sonstige: Historický místopis Moravy a Slezska v letech 1848–1960, sv.9. 1984

Brauchtum

Reichs Brauchtum sowia zoihreiche Märchen und Sagn haum as Leben dea 1945/46 vatriemnen, östareichischnn Uatsbewohna breichat:

• Kírtåg am Sunntåg nåch St. Vitus (15.6.), åb dé 1880er Joar am erstn Sunntåg nåch Mariä Himmelfoahrt (15.8.).

Sehenswürdigkeiten

Kirchn in Voitelsbrunn

Historische Heisa:

• Schwefelbåd (17. Joarhundat), Umbau (1780)
• Pfoarrkirchn St. Vitus/Veit, ursprünglich a Wehrkirchn (um 1300), im Joar 1923 renoviert
• da Meierhof und vaschiedne Pressheisa
• Burg vaum mährischn Grundherrn mid Kölla und Getreidegruam
• Råthaus (1910)
• Kriagadenkmoi (1923)
• Statue vaum Hl. Johannes vau Nepomuk (1657)

Söhne und Töchter des Ortes

• Josef Frodl (* 16. März 1899, † 7. Oktober 1965 in München), Pädagoge, Heimåtforscha
• Otto Holzer (* 21. Juni 1903, † 18. Juni 1987 in Wiesloch-Baiertal), Heimåtforscha

Literatur und Quellen

• Wilhelm Szegeda: Heimatkundliches Lesebuch des Schulbezirks Nikolsburg. Approbierter Lehrbehelf, Lehrerverein Pohrlitz Verlag, Voitelsbrunn 1935, Seite 40.
• Gregor Wolny: Die Wiedertäufer in Mähren. Wien 1850.
• Anton Kreuzer: Geschichte Südmährens. Band I.
• Franz Josef Schwoy: Topographie vom Markgrafthum Mähren. Voitelsbrunn 1793, Seite 429.
• Georg Dehio, Karl Ginhart: Handbuch der deutschen Kunstdenkmäler in der Ostmark. Voitelsbrunn 1941, S. 472.
• Archiv Mikulov: Odsun Němců – transport odeslaný dne 20. kvĕtna. 1946.
• Otto Holzer: Ortsgeschichte Voitelsbrunn. 1951.
• Otto Holzer: Liebes Voitelsbrunn 1981.
• Ilse Tielsch-Felzmann: Südmährische Sagen. 1969, München, Verlag Heimatwerk
• Wenzel Max: Thayaland, Volkslieder und Tänze aus Südmähren, 1984, Geislingen/Steige
• Franz Schuster: Erinnerungen an unsere Heimatgemeinde Voitelsbrunn.
• Felix Bornemann: Kunst und Kunsthandwerk in Südmähren. Maurer, Geislingen/Steige 1990, ISBN 3-927498-13-0, Voitelsbrunn S. 18
• Emilia Hrabovec: Vertreibung und Abschub. Deutsche in Mähren 1945 – 1947, Frankfurt am Main/ Bern/ New York/ Wien (=Wiener Osteuropastudien. Schriftenreihe des österreichischen Ost- und Südosteuropa Instituts), 1995 und 1996
• Peter Glotz: Die Vertreibung, Ullstein, Hamburg 2003, ISBN 3-550-07574-X
• Archiv Mikulov: Odsun Němců – transport odeslaný dne 20. kvĕtna 1946
• Gerald Frodl, Walfried Blaschka: Kreis Nikolsburg von A–Z. 2006, Voitelsbrunn Seite 201f
• Otto Holzer: Liebes Voitelsbrunn, Verlag Hans Memminger, Freiberg/N., 1981.

Weblinks

 Commons: Sedlec – Sammlung vo Buidl, Videos und Audiodateien

• Voitelsbrunn in „Alte Postkartenmotive der Südmährischen Gemeinden“