Weana Secession

Aus Wikipedia
Adele Bloch-Bauer I., Gustav Klimt, 1907
Da Eingaung zum Weana Secessionsgebaide

De Weana Secession (dt.: Wiener Secession) is a Vaeinigung vau büdendn Kinstlan in Wean aus da Zeit vom Fin de siècle. Grindt wuan is s 1898 unta da Fiarung vaum Gustav Klimt und vau 19 ehemolign Mitgliedan vaum Kinstlahaus in Wean. Do draus is aa a Variantn vaum Jugendstil entstaundn, da Secessionsstil oda Weana Jugendstil. De Secession is nämlich aa geng de historisiarende Ausrichtung vo da domolign Kunst auftredn, fia kinstlarische Innovation und fia de Freiheit vaum kinstlarischn Schoffn.

1898 is aa s Ausschtölungshaus noch Entwiafn vom Otto Wagner-Schüla Joseph Maria Olbrich baut wuan. Des Gebaide wiad in Wean aa kuaz de Secession gnennd.

Anno 1905 is da Gustav Klimt zauman mit aundan Kinstlan (etwoa Koloman Moser oda Carl Moll) wieda aus da Weana Secession austredn, weus zu Maanungsvaschiednheidn in da Kunstauffossung kumma is. 1939 is de Weana Secession mitm Künstlerhaus fusioniat wuan. 1945 is de Weana Secession nei grindt wuan. Seitdem wean wieda internationale Ausstölungen vaaunstoitet und modeane Kunst untaschiedlichsta Ausprägung wiad gfeadat.

Literatua[Werkeln | Am Gwëntext werkeln]

  • Kirk Varnedoe: Wien 1900. Kunst, Architektur & Design, Taschen: Köln 1993, ISBN 3-8228-0059-7
  • Erika Patka (Hg.): Ornament and Flächenkunst from Vienna, 2 Bände, 1988.
  • Vereinigung bildender Künstler Wiener Secession (Hg.), Die Wiener Secession. Vom Ausstellungshaus zum Kunsttempel, 1997.

Im Netz[Werkeln | Am Gwëntext werkeln]

 Commons: Wiener Secession (Wiener Jugendstil) – Sammlung vo Buidl, Videos und Audiodateien