Behofn

Aus Wikipedia
(Weidagloadt vo Behófen)
Wexln zua: Navigation, Suach
Der Artikl is im Dialekt Pongaurisch gschrim worn.
Bischofshofen
Bild
Wappen von Bischofshofen
Bischofshofen
Ésterreichkorschten, Pósizión vah Bischofshofen hervurghoum
Baasisdaaten
Bundeslond: Soizburg
Pólitischer Bezirk: Seiger Hons (JO)
Flächen: 49,62 km²
Kóordinaaten: Erioll world.svg Koordinaten: 47° 25' N, 13° 13' O 47° 25' N, 13° 13' O
Hejch: 544 m i. A.
Eihwóner: 10.290 (1. Jen. 2011)
Bevejkerrungsdichten: 207 Eihwóner pró km²
Póstloatzoi: 5500
Vurwoi: 06462
Gmoahkennziffer: 50 404
Gmoahvawoitung: Rathausplatz 1
5500 Bischofshofen
Webseiten:
Politik
Burgermoaster: Rourmoser Jaakob
(Rohrmoser Jakob) (ÖVP)
Gmoahrout: (2004)
13 SPÖ, 10 ÖVP, 1 Greane, 1 FPÖ
Dia Loug vo da Gmoah Behofen an Pongau
Dia Loug vo da Gmoah Behofen an Pongau
Bild
Dia Fraunkirch und d' Pfourkirch vo Behofen
Bild
Dia Paul-Ausserloatner-Schonzen

Behofen (aa: Bihofen oder Bischofshofen, amtlich : Bischofshofen, Oukyrschzung: B'hofen) is a Stoud an Soizburga Laund, an Pongau, mid 10.290 Eiwohna (Stond 1. Jenna 2011). Bekonnt is da Ort durch d' letzde Staazion vo da Vier-Schonzen-Turnee wourn, dia a jeeds Jour am Droikinigstoug durten oughoiden werscht.

Geografie[VE | Weakln]

Geografische Loug[VE | Weakln]

Dia Gmoa liagg an middlan Soizochtoi am Fuass vam Hochkinig, umgem vam Hochgrindeck und am Tennengebirg, an Pongau an Soizburger Lond, za. 50 km sidlich vo da Londeshauptstoud Soizburg. Za da Tauernautoboh sands za droi km.

Stoudgliadarung[VE | Weakln]

Katastroigmoaner und Ortstoae vo Bischofshofen sand:

  • Oipforscht (Alpfahrt)
  • Bischofshofen (Bischofshofen)
Morkt (Markt)
Noiche Hoamad (Neue Heimat)
Stoah (Stein)
Trige (Trigl)
  • Goafäid (Gainfeld)
  • Hoadberg (Haidberg)
  • Kreizberg (Kreuzberg)
  • Loadaregg (Laideregg)
  • Mitterberghytten (Mitterberghütten)
  • Winke (Winkl)
Peham (Pöham)

D' Ortschouft Peham (Pöham) an Fritztoi gherscht za da Katastroigmoah Winke. Mitten durchs Derfai geet d' Gmoahgrenz und gherscht dessweng netter za da Hejften za da Stoudgmoah Bischofshofen, dia onnerne Hejften gherscht za da Gmoah Pfourwerfen.

Nochbargmoaner[VE | Weakln]

Werfen Werfen
Pfourwerfen
Pfourwerfen
Miebouch a. Hkg. Compass card (de).svg Hittau
Miebouch a. Hkg.
Seiger Hons a. Pg.
Seiger Hons a. Pg. Seiger Hons a. Pg.
Hyttau

Gschicht[VE | Weakln]

Ausgrouwungen am Getschenberg (Götschenberg) bleng, daas durten breits vur 5000 Jour Leit gsiadelt homd und Kupfer oubaud wourn is. Ob'm 5. Jourhunderscht v. Chr. homd doudan Käiten gsiadelt. Aus'm erschten Jourhunderscht n. Chr. sand Siadlungsspurn vo d' Remer gfunden wourn.

As erscht Moi is Behofen um'ra 711 urkundlich dawent wourn - Im Romen vo da Klostergryndung vo da Maximilianszejn (cella maximiliana) druch'n heiling Ruapert vo Soizburg mid da ausdrycklichen Befyrworschtung durch d' Agilofinger und da Unterstytzung vo da romaanischen Oudelsfamilie De Albina vo Óweroim.

Zwischen 720 und 730 is as Kloster vo Slaawen zastert wourn. Um 750 houds an Streid um d' Bsietzrechtt zwischen am Herschzog Ódilo vo Boarn und'm Virgij vo Soizburg gem. 798 houd da Erschzbischof Arn vo Soizburg d' Ryckgoub vam Kloster ahs Erschzbistum Soizburg bwirck. 820 is d' Cella Maximiliana ouwermois zastert wourn.

1151 werscht „Hofen“ as erschtmoi urkundlich daweht. 1215 is da „Pongo“ gnonnte Ort inn Bsietz vo d' Bischef vam Bisdum Cheamsee kemmer. Da heitige Nom is druch sejg entstonden, daas s a ohsiadlung am „Hof vam Bischof“ gwein is.

1525 sand aa in Behofen d' Bauernkriag (Deitsche Bauernkriag) gwein und da Ort is zan Zentrum vam Bauernaufstond wourn. In ner vanichterschten Niaderloug ba Rodstoud sand d' Bauern ower gschloung wourn.

1728 bis 1732 homd Tausende Soizburger Protestanten eaner Hoamad valoussen miassen.

Durch 'n Bau vo da Giaselaboh (Soizburg-Tiaroier-Boh) nouch Werge und da Kronprinz-Ruadoif-Boh an Richtung Rodstoud 1875 is Bischofshofen za am wirschtschouftlichm Middlbunkt herohgwouxen und is an Feewer 1900 za ner Morktgmoah dahom wourn.

Aufgrund vo da kontinuierlichen Entwicklung za am wichting Wirschtschoufts- und Eihkaaffszentrum a' da Region houd Behofen an Jour 2000 as Stoudrecht kriagg.

Wouppm[VE | Weakln]

As Wouppm vo da Gmoah werscht aso bschriem: A toaets und in da owern Hejften gspoiterschts Schijdel. Óm an tenken goidern Fäidel a schworschzer, mid ner roden Zung ausgstotterschter Oudler und an rechten roden Fäidel a aus da Toalung schräglinks hervurrougerschts sijwerns gotischs Pastoraale mid weissm oufloutterschtm Bond. In da untern blaun Schijdelhejften a aus'm tenken Seitenrond hervurrougerschter Ourm an schworschzen Ärme mid weisser Manschetten, in da blossen Hond a goiderner Teidingstoub vo se gneigg hoiterscht.

Zuasetzlich zan Wouppm fyrscht d' Gmoah a Faane mid d' Fourm Gejb-Rod-Blau.

Beväikarung[VE | Weakln]

Beväikarungs-
entwicklung
Daadum Eiwohna
1869 (1.816)
1880 (2.226)
1890 (2.931)
1900 (3.756)
1910 (4.893)
1923 (6.124)
1934 (6.184)
1939 (6.068)
1951 (7.921)
1961 (8.287)
1971 (9.567)
1981 (9.501)
1991 (10.138)
2001 (10.084)
2007 (10.152)

Bis a' dia 90er Jour is Behofen dia grässt Gmoah vam Pongau gwein. Seid dia 90er Jour houd Seiger Hons dia Gmoah ouglest. Behofen is seid da erschten Voikszejung 1869 (1.816 Eiwohna) bis 1991 auf 10.138 Eiwohna oiwei gwouxen. Oierdings houd dia Entwicklung bis 2001 staagnirscht und d' Eiwohnazoi is auf 10.084 Leit gsunken. Seid 2001 steigg d' Beväikarungszoi wiader leicht oh. Am 1. Jenna 2007 homd a' da Stoud 10.152 Leit gwont. Hiazernt aktuej sands mim 1. Jenna 2011 10.290 Leit.

Sejchenwirdigkeitner[VE | Weakln]

Bischofshofen houd ois Kloahstoud zoireiche Sejchenswirdikeiten zan biaten. Unter onnerm doudazua:

  • D' Pfourkirch zan hl. Maximilian is a sejchenswerschter Sakroibau, der wous seid 1450 a' da seining hiazing Form bsteet.
  • D' Fraunkirch is umra 1359 as erschtmoi urkundlich daweht wourn. s Bauwerk bsteet aus ner spaadgotischen Bausubstanz mid am markanten, 62 m hochen Spietzturm.
  • D' Georngkrich is a Kapejn mid ner romaanischen Aapsis aus'm 13. Jourhunderscht. Wia vamuatt werscht, hondelt sa se doudabei um d' Hauskapejn vo dia „Herrn vo Pongowe“. D' romaanischn Fresken an Innern sand umra 1230 entstonden.
  • D' Burgruien Bouchsfoi „Pongowe“ bfindt se owerhoib vam Naturdenkmoi Gainfäid-Wousserfoi. Sie is mid ner hochen Wourscheinlichkeit umra 1200 da Herrschouftssietz vo dia Herrn vo Pongowe gwein. Noh heint sand dia Grundmauern vo da ehemoling machting Turmburg siagbour.
  • D Buachbergkirch is 1370 as erschtmoi urkundlich daweht wourn. A gotischer Chor, a friabarocker Hochoitour und werschtvoie Fresken a' da Aussenfassaaden aus spaadromaanischer Zeid ziarnds Bauwerk.
  • In Bischofshofen is außadem a no da große Goafödwossafoi hinta da Goaßbeagsiedling.

Museen[VE | Weakln]

Da sognonnte Kostenturm (eihschliasslich 'm Kostenhof) stommb aus'm 12. Jourhunderscht und houd d' Bischef vo Cheamsee ois Droatspeicher deaht, sowia aa ois Pflejgschouftsgriecht. Doudroh is direkt da Kostenhof ohgschlossen a' dem u. o. aaras Stoudomt unterbroucht is. Sei'm November 1998 iss Museum am Kostenturm durten unterbroucht und zoagg dia 5000-jaarige Siadlungsgschicht an Raum Behofen, sowia dia sakroie Kunst vam ehemoling kirchlichen Subzentrum. Ausserrougerschte Schaustickai sands berymte Ruapertkreiz und dia Georngtoufe, a gotischs Hoibreelief sowia zoireiche archeologische Fund. Dia archeologische Ausstejung is an Jour 2000 durch Midorweiter vam Museum Carolino Augusteum in Soizburg noich gstoitt wourn und werscht durch dia aa betreit. Dia Bsuacher vam Museum homd aa dia Meglichkeit stoahzeidliche Borer und Reibschysseln aus zan prowiern.

Kunst & Kuitur[VE | Weakln]

Musi[VE | Weakln]

Behofen is bekonnt fyrs oijaarlich, am zwoaten Somstoug an oktower stouttfinderschte „Ómselsinger“. Ba da renomirschten Voiksmusivaohstoitung wernd a jeeds Jour dia besten Voiksmusigruppner vam Soizburger Lond kyrscht.

Kynstler[VE | Weakln]

Behofen vafiagg iawer a seer leewendig und vieschichtige Kuiturszene. Da Spooten Bijdhauerrei, Metoikunst, Litaratur, Musi, Theaater oder Fotograafie sand ower netter a pour dia aktiav gleebb wernd. Vuroim a' da bijderschten Kunst homd se zoireiche Kynstler/rinnen etablierscht.

Bijdung[VE | Weakln]

A' da Stoudgmoah gibbs foigerschte Bijdungseihrichtunger za da Auswoi: 2 Kindergorschten, a Tougbetreiungsstätten, 3 Voiksschuin, 2 Hauptschuin, a Polytechnische Schui, as Privaatgymnasium St. Ruapert, dia Turismusschui Bischofshofen, dia Bundesbijdungsohstoit fyr Kindergorschtenpädagogik und as Musikum Pongau (Zwoagstej Bischofshofen.

Wirschtschouft[VE | Weakln]

Dia Stoud is unter onnerm durchs Eihkaaffszentrum KARO mid seine 13.000 k² Eihkaaffsflächen, des am 29. August 2002 daeffnerscht houd, za am bedoitenden Wirschtschouftsstondort an Pongau wourn. Daneem sand da Turismus und vaschianne Sporschtaktiavitätner vo ner grossen Bedeitung.

Da greesst Orweitgeewer a' da Stoud is as Liabherr-Werk mid iwa 830 Midorweiter und am Umsootz vo iwa 290 Millionen Eiro.

Weiders existierd as Fit-Log Logistikzentrum Bischofshofen GmbH des dia Unternemen a' da Region a Bindelung vo d' Wornstrem ohbiatt, eemso wia d' Lougerrung vo vaschianne Giater.

Da internazionoi tätige Kesseherstejer Loos International houd an Behofen eemfois jeeweis a Produkzionswerk.

A weiders internazionois reenomierschts Unternemen, des d' Esterreich-Zentroin a' Behofen houd, is da Glooserzeiger Pikingotn.

Infrastruktur[VE | Weakln]

Da Bohhof in Bischofshofen

Strouss[VE | Weakln]

Bischofshofen is vo Soizburg aus iwa d'Tauernautoboh, an Richtung Villach, in zirka ner hoim Stund zan daglonger. Ban Knoten Pongau kimmb ma auf d' vierspurig ausbaude Pinzgauer Bundesstrouss (an Voiksmund aa ois Bischofshofner Schnäistrouss bekonnt), wo se a Ouforscht fyr Behofen bfindt.

Eisenboh[VE | Weakln]

D' Eisenboh, dia am Ort zan grossen Aufschwung vooiffm houd, houd nouch wia vur a grosse Bedeitung. Behofen is a wichtiger Knotenbunkt vo da Eisenboh, dia se in dia Richtunger Graz und Innschbruck, bzw. a' Schworschzach-Seiger Veit a' dia Richtung Villach toaet. 2003 is d' Modernisiarung vam Bohhof ougschlossen wourn. Da Bohknotenbunkt bijdt hiazant an modernen Umsteigbunkt, valiarscht ower weng Spourmoussnomen ba dia ÖBB trotzdem oiwei mer an seiner Bedeitung. Da onnerne Grund is, daas Giatervatoalungszentrum gschlossen wourn is und aa dia Regionoivabindung nouch Roudstoud und as Ennstoi boanou za da Genzen auf d' Strouss valougerscht wourn is. Im Zug vam Bohhofsumbau is aas Zentrum vo da Stoud vellig noich gstoitt wourn. D' Hauptstrouss is valougerscht wourn und an Stoudkern a vakersberuigge Zone gschouffm wourn.

Effmtliche Eihrichtunger[VE | Weakln]

In Bischofshofen befindt se a Wirschtschouftshof, a Stoudbibliothek sowia a Seniornhoam, weiderschts a Fitness-Parkur und a Kneippohloug.

Sporscht[VE | Weakln]

Schiespringer[VE | Weakln]

Internazionoi bekonnt is Behofen ois Austrougungsort vo da Vier-Schonzen-Turnee. Auf da Paul-Ausserloatner-Schonzen findt a jeeds Jour am Droikinigstoug s Ouschlusspringer vo derer Vaohstoitung stoutt. D' Gross-Schonzen is nouch ougschlosserne Umbauorweiten aa noucht- und summertauglich und stejd dia za da Zeid gresst Mottenschonzen vo da Wejd. 1999 san dou im Romen vo da Nordischen Schiewejdmoasterschouft dia Bewerwe vo da Gross-Schonzen oughoiden wourn.

Fuassboi[VE | Weakln]

Bekonnt is ower aa da Sporschtklub Behofen, vo dem d' Fuassboiouteilung neem da Austria Soizburg und 'm SAK 1914 iwa droi Jourzentt zua d' droi spijstärchsten und erfoigreichsten Vareih vam Bundeslond Soizburg gherscht houd. Zua dia gressten Erfoigg vam neihfouchen Soizburger Londesmoaster zejn d' Teinom a' da Nazionoiliager a' da Saison 1970/71 unds Dareichen vam ÖFB-Cup-Viadlfinaale 1965. In Behofen findt aara Raadel-Kriterium stoutt.

Politik[VE | Weakln]

D' Fraunkirch an Winter

Burgermoaster[VE | Weakln]

Dia ÖVP stejd mim Rourmoser Jaakob (Rohrmoser Jakob) an Burgermoaster. Da Viezeburgermoaster is da owinger Honsjerg (Obinger Hansjörg) und da Weraan-Riager Lorenz (Weran-Rieger Lorenz) gherscht dageng da SPÖ oh.

Stoudsenaat[VE | Weakln]

Da Stoudsenaat bsteet aus neih Midgliader und setzd se aus foigerschte Stoudrout zomm:

  • Bgm. Rourmoser Jaakob (Jakob Rohrmoser) (ÖVP) - Ressort: Baun, Raumordnung, Finanzen
  • Vbgm. owinger Honsjerg (Hansjörg Obinger) (SPÖ) - Ressort: Bijdung und Jungd
  • Vbgm. Weran-Riager Lorenz (Lorenz Weran-Rieger) (SPÖ) - Ressort: Sozials, Familie, Seniorn und Gsunde Gmoa
  • StR Saller Barwara (Barbara Saller) (ÖVP) - Ressort Kuitur, Partnerschouft und Londwirschtschouft
  • StR Oidmoh Karolina (Karolina Altmann) (SPÖ) - Ressort: Umwejd Kliemabyndnis und Kindergorschten
  • StR Howe Kurt (Kurt Habe) (ÖVP) - Ressort: Energie und Vaker
  • StR Enegl Korl (Karl Enengl) (SPÖ) - Ressort: Sport
  • StR Bergmijer Woifgong (Wolfgang Bergmüller) (SPÖ) - Ressort: Woner
  • StR Schrempf Hons (Johann Schrempf) (ÖVP) - Ressort: Wirschtschouft, Ortsmarketing und Fremdenvaker

Gmoahrout[VE | Weakln]

Da Gmoahrout bsteet aus 25 Midgliader und setzd se seid da Gmoahroutswoi vo 2004 aus dia Mandaaten vo d' foigerschten Partein zomm:

  • 13 SPÖ – stejd d' Viezeburgermoaster
  • 10 ÖVP – stejd an Burgermoaster
  • 1 Greane
  • 1 FPÖ

Stoudpartnerschouftner[VE | Weakln]

Behofen unterhoitt mid Unterhaching in Boarn, sowia Adeje auf Teneriffa a Stoudpartnerschouft.

Litaratur[VE | Weakln]

  • Kronik Bischofshofn, Hrsgb. Stoudgmoah Behofen

Im Netz[VE | Weakln]

Beleg[VE | Weakln]

Wikipedia-logo-v2.svg Schau aa unter:
Portoi Pongau
 Commons: Bischofshofen – Sammlung vo Buidl, Videos und Audiodateien