Festlandkejtische Sprochn
Festlandkejtische Sprochn san de kejtischn Sprochn, wo afm eiropäischn Festland gredt woan san. In da Sprochwissnschoft vawendt ma aa an Begriff kontinentalkejtischen Sprochn. Olle festlandkejtischn Sprochn san scho ausgstorm.
De festlandkejtischtn Sprochn, wo zua Zeit bekannt san, san olle nua in mea oda wenga umfongreichn Fragmentn iwaliefat. De Nom fia de Sprochn san Kunstnom aus da Neizeit.
- Gallisch in Frankreich, Obaitalien, da Schweiz, und meglichaweise aa in Sidwestdeitschland
- Galatisch in da westlichn Tiakei
- Lepontisch in Obaitalien
- Kejtiberisch af da iberischn Hoibinsl
- Norisch in Österreich
Mit hoha Worscheinlichkeit hods um de Zeitnwende in Eiropa no mea kejtische Sprochn gem.
Bretonisch is koa festlandkejtische Sproch, weis so im 4. Joarhundat duach Emigrantn aus Sidbritannien noch Nordfrankreich brocht woan is.
Festlandkejtisch: Galatisch † | Gallisch † | Kejtiberisch † | Lepontisch † | Norisch †
Inselkejtisch: Britannisch: Bretonisch | Kornisch | Kumbrisch † | Kymrisch
Goidelisch: Irisch | Manx | Gälisch
