J-Rock
Aus Wikipedia
 |
Der Artikl is im Dialekt Såizkåmmaguadlarisch gschriem worn. | |
J-Rock (Japanese Rock Music oda Japan Rock) is a in Japan geleifige Bezeichnung fia d'einheimische Rockmusik.
Inhoitsvazeichnis |
[dro werkln] Da Begriff
Aussahoib vo Asien wiad unta J-Rock/J-Pop meistns ois zaumgfåsst, wås vo moderna japanischa Musik Eiropa und Amerika erreicht håd. A kloare Åbgrenzung vo de Begriff is deswegn schwer.
S'Klaungrepatoi vo vü japanische Bands is, im Vagleich zu de europeischn, oft gressa und wiad elektrisch zaumgfiaht.
[dro werkln] Gschicht
Nem an traditionelln Enka (Schlåger-Balladn, midn Ursprung in da spätn Meiji-Zeid (19. Jåhrhundat)) dea wås meistns bei de ödan Leid beliebt is, håd se untam Einfluss vo de westlichn Musikgruppn d'moderne japanische Musik Kayokyoku, in neie Richtungen entwückit. Impulse san dabei nochm zweitn Wödkriag beispüsweise vom Dylan Bob, vom Hendrix Jimi und von de Rolling Stoneskema, owa a von de Pioniere vo da elektrischn Musik . Inahoib vo dera modernen Musik gibts a de voaschiednstn Spoatn, de se wiederum unta J-Rock und J-Pop zaumfåssn låssn.
[dro werkln] Visual Kei
Visual Kei is a Stilrichtung vo da meistns japanischn Independent-Szene und is dort mid Bands wia X Japan, D'espairsRay und Dir en grey populär gmåcht worn.
Im V-Kei gibts koan festn Look, der wos de Künstla bei eanam Ausschaun Grenzn setzt – erlaubt is, wås oan gfoid. De voaschiednstn modischn Elemente wia Punk, New Romantic und Gothic, owa a Schuluniformen und Fantasiekostüme wern mideinaund kombinierd, so dass aus dem eignständige Stile ensteh kinan(z. B. „Elegant Gothic Lolita“ oda „Elegant Gothic Aristocrat“). Meistns trång de iwawiegnd männlichn Musika a androgynes Outfit, es gibt owa a Crossdressing.
Visual Kei is ned statisch, sondern duad se mid an jedn Auftritt vaändan. De Musiker dan a gern fiktive Datn und Biografien augem um eana undurchschaubårs Image aufrecht z'hoidn.
