Boarisch im Tschechischn

Der Artikl is im Dialekt Ostestareichisch gschrim worn.

Boarisch im Tschechischn (dt. Bairisch im Tschechischen) maant de Weata, de wos ausm Boarischn ins Tschechische iwanumma wuan san. Historisch gseng woar es Tschechische scho seidn Middloita untam Eifluss vom deitschn Sprochraum. Grod midn estarreichischn Boarisch hods dabei an stoakn Austausch gebm. Bsundast güt des fian Hantec (sprich: Hantets), dea wos de oide Stodtmundoat vo Brünn woa, und aa heid no in Dialekt vo dera Gegend nochwiakt. Aunzmeakn is, das da iwawiegande Teu vo de uaspringlich Boarischn Weata net in da tschechischn Hochsproch, sundan in da Umgaungssproch und in Dialekt zfindn is.

Listn

In oifabetischa Reihnfoige; Weata, de wos ausn Brünna Hantec kumman, san mit (H) markiat.

Tschechisch	Boarisch	Bairischdeitsch	Deitsch
ajznboňák	Eisnbauhna, Eisbohna	Eisenbahner	Eisenbahner
augle (H)	Augal	Augerl	Äuglein
bergl (H)	Bergl, Bergal	Bergl, Bergerl	Berglein, Hügel
bimz (H)	Bims	Bims	Brot
buřt (fia "Knackwuascht")	Wuascht	Wurscht	Wurst
fešák	Feschak	Feschak	Schönling
fotr	Voda	Vadda	Vater (obweatend?)
haksna	Haxn	Haxen	Bein
hajzl	Haisl, Heisl	Häusel (Klo)	Toilette
hokna (H)	Hockn	Hacken	Arbeit
hoknit (H)	Hackln	hackeln	arbeiten
hrob	Grob	Grab	Grab, Grabstätte
kýbl	Kibl, Kiwe	Kübel	Eimer
kraksna (H)	Kraxn	Krachsen (kaputtes Auto)	Rostlaube
krýgl	Kriagl	Krügel, Krügerl	Bierkrug (mit Henkel)
ksicht	Gsicht	Gesicht	Gesicht
kšeft	Gschäft	Geschäft	Geschäft
mošt	Most	Most	Apfelwein, Obstwein
pajzl	Beisl; Boaz	Beisel	Kneipe
šlófčit (H)	schlofa, schlofn	schlafen	schlafen
šnuptychl	Schnupftiachl	Schnupftüchel	Taschentuch
špajz	Speis	Speis	Speisekammer
štikl (H)	Stickl	Stückel, Stückerl	Stückchen
štrúdl	Strudl	Strudel	Strudel
zkrachovat	krochn geh	krachen gehen	Pleite gehen

Schau aaa

• Tschechisch im Boarischn
• Latein im Boarischn
• Jiddisch im Boarischn
• Franzesisch im Boarischn

Im Netz

Netzseitn iwa n Brünna Hantec [tschechisch]