Föikirchn an da Doana

Aus Wikipedia
(Weidagloadt vo Feldkirchen)
Zur Navigation springen Zur Suche springen
Der Artikl is im Dialekt Owaöstareichisch gschrim worn.
Woppn Londkoartn
S'Woppn vo Föikirchn an da Doana Föikirchn an da Doana in Östareich
Des Wichtigste
Bundeslond: Owaöstareich
Politischa Beziak: Beziak Urfahr-Umgewung
Grichtsbeziak: Beziak Urfahr-Umgewung
Autokennzeichn: UU
Flächn: 39.4 km²
Leit: 5.337 (Stond: 1. Jenna 2017)
Hächn: 268 Meta üwa da Ádria
Postleitzoi: 4101
Vorwoi: 07233
Geografische Log: Koordinaten: 48° 20' 44" N, 14° 03' 01" O 48° 20' 44" N, 14° 03' 01" O
Adress vo da Gemeinde: Hauptstraße 1
4101 Feldkirchen an der Donau
Intanetsaitn: http://www.feldkirchen-donau.at
I-Mäil-Adress: office@feldkirchen-donau.at
Politik
Buagamasta: Allerstorfer Fronz (SPÖ)

Föikirchn an da Doana (aumtlich: Feldkirchen an der Donau) is a Moaktgmoa in Owaöstareich, genaua gsogd im Mühviadl, und do wieda im Beziak Urfahr-Umgewung. Da Grichtsbeziak is aa Urfahr-Umgewung. Wohnan duan in Föikirchn 5337 Leit (Stond: 2017). Bsondas bekonnt sand de Föikirchna Bodeseen, des is a Erholungsgebiet fia an Haufn Leit aus da gonzn Umgewung, sogor aus Linz kemmans her zan Plantschn.

Geografie[VE | Weakln]

Föikirchn liegd auf 268 Meta üwan Meer. Wia a da Nom scho sogt, iss direkt an da Doana, auf da neadlichn, oiso linkn Saitn, uma 25 Kilometa im Westn vo Linz. Die Nordhöiftn vo da Gemeinde ghert geologisch zur Behmischn Massn, des sand oiso lauta steule Hügün, dafir iss in da Südhöiftn total floch, der Teu ghert nämli zum Efadinga Beckn, oiso zan Oipnvorlond. Vo Nordn noch Südn sands 8,5 Kilometa und vo Westn noch Ostn 7,4. Insgesomt hod Föikirchn a Flächn vo 39,4 Quadratkilometa.

Vo dera Gesomtflächn sand 59 Prozent Landwiatschoft, oiso Wiesn und Föida (desweng a da Nam "Föikirchn"). 22 Prozent san Woid (vor oim im Nordteu), siem Prozent Gartln, sechs Prozent mocht s'Wossa aus, oiso d'Doana, da Pesnboch und de Bodeseen vor oim, und netta auf oan Prozent vo da gonzn Flächn sand Haisa oda Stroßn oda so wos.

Gmoana[VE | Weakln]

Föikirchn is extrem zasiedüd, des haßt, es gibt an Haufn klane Ortschoftn, und da Ortskern söwa is ned wirkli machti. Insgesomt gibts in Föikirchn an da Doana 24 Ortschoftn, und zwor:

  • Ach
  • Au
  • Audorf
  • Berghom
  • Föikircha
  • Freinstoa
  • Gerling
  • Hofhom
  • D'Locka
  • D'Lauterbochsiedlung
  • Mühllocka
  • Mühdorf
  • Mühhoiz
  • Owahort
  • Owalondshog
  • Owandorf
  • Owastraß
  • Owawoisee
  • Pesnboch
  • D'Rosnlein
  • Untahort
  • Untalondshog
  • Vogging
  • Weidet

Nochbagmoana hod Föikirchn neine, des sand: im Nordn Sonkt Martin im Mühkreis (im Beziak Rohrboch), Herzogsdorf und Sonkt Gotthard im Mühkroas (olle zwa im Beziak Urfahr-Umgewung), im Ostn sans Woiding und Goidwörth (a olle zwa in Urfahr-Umgewung), im Südn Oikovn und Pupping (olle zwa im Beziak Efading, der wos zan Hausruckviadl ghert), und im Westn grenzt Föikirchn an Hortkircha und an Oschoch an da Doana (de gehrnd a zu Efading).