De Fuaßboi-Eiropamastaschoft 2004 (UEFA EURO 2004) woa a Fuaßboituania, des vo 12.Juni bis 4.Juli in Poatugal von da UEFA austrogn woan is. Bei dera Eiropamastaschofts-Endrunde woan insgesomt 16 Maunschoftn dabei, de wos zeascht in via Viaragruppn eiteud woan, und daun in an K.O.-Süstem genganonda gspüd hom. Des Finale hod Griechnlaund gegn Poatugal 1:0 gwunna.
50 Lända woitn bei da EM-Endrunde in Poatugal dabei sein. Es woan 15 Plätz zu vagebn - Poatugal woa ois Gostgeba scho fix dabei. De 50 Nazionen san in zehn Fümfagruppn eiteud woan. De zehn Gruppnsiega woan aa fix dabei. De zehn Gruppnzweitn ham se daun untaranaund de letztn 5 Plätz in Relegazionsspüle ausgspüt. De anzige große Iwaroschung woa, doss de Tüakei ned dabei woa, obwoi se bei da Wödmastaschoft 2002 no Dritta gwoan san. De Tüakn san in di Relegazionsspüle gegn Lettlaund ausgschiedn. De Schweiz und Deitschlaund ham si ois Gruppnsiega qualifiziat. Östareich woa in ana Gruppn mid da Tschechei, Hollaund, Moidawien und Weißrussland und is in dera Gruppn Dritta woan.
De Viadlfinalspüle san zwischn 24. und 27. Juni 2004 austrogn woan. Zua Übaroschung vo vüle san soiche Kaliba wia Schbanien, Italien und Deitschlaund scho in da Voarunde ausseflogn. De große Sensazion im Viadlfinale woa sicha, dass Fraunkreich gegn Griechnlaund valuan hod. Da Vaaunstoita Poatugal hod si gegn Englaund im Öfaschiaßn duachgsetzt. Zwa Joa schbeda, bei da WM 2006, hods wida a Öfaschiaßn zwischn de beidn Maunschoftn gebn, und wida hod Poatugal gwunna.
De Hoibfinalpartien woan am 30. Juni und am 1. Juli. Poatugal hod gegn Hollaund 2:1 gwunna. De Poatugiesn hom scho 2:0 gfiad, da Jorge Andrade hod oba no a Eigngoi gschossn. Im aundan Spü hod si Griechnlaund eascht in da Valängarung gegn de Tschechei duachgsetzt. Da Traianos Dellas hod in da 105. Minute des Silver Goal gschossn.
da Charisteas (links) schiaßt is anzige Goi im Finale
Des Endspü am 4. Juli woa aa fia Poatugal a Meglichkeid si fia de Niedaloge im easchtn Spü zu revanchiern. Oba Griechnlaund hod Poatugal scho wida besiegt. Da Angelos Charisteas hod midn Kopf des anzige Goi gmocht. Ea hod aa gegn Fraunkreich im Viadlfinale mid am Kopfboitoa de Partie entschiedn. Da Trena von de Griechn, Otto Rehagel, is von da griechischn Press scho ois "Rehakles" vaead woan. Es woa da easchte Eiropamastatitl fia de Griechn. Aa fia Poatugal warads da easchte gwesn.
Da beste Toaschütze vom gonzn Tuania woa da Milan Baroš aus da Tschechei mid fümf Goi. Besta Spüla woa da Grieche Theodoros Zagorakis. Da Schweiza Johan Vonlanthen is mid am Goi gegn Fraunkreich jüngsta EM-Toaschütze woan. Außadem hod da Russe Dmitri Kiritschenko gegn Griechnlaund noch 68 Sekundn des schnöste EM-Goi gschossn. Insgesomt woan 1.156.473 Zuschaua in de Stadien, des san mea ois 37.300 pro Spü.
Portugal
Frankreich
Schwedn
Tschechei
Griachaland
England
Buigarien
Lettland
Spanien
Schweiz
Dänemark
Deitschland
Russland
Krowozien
Italien
Holland
Poatugal
Schbanien
Russlaund
Fraunkreich
Krowozien
d'Schweiz
Krowozien
Schwedn
Dänemoak
Italien
Buigarien
Tschechei
Deitschlaund
