Goidegg im Pongau

Der Artikl is im Dialekt Soizachtoipongaurisch gschriem worn.

Góidégg an Pongau Goldegg im Pongau
Baasisdaatìn
Bundeslond:	Soizburg
Bolitischer Bezirk:	Seiger Hons an Pongau (Pongau) (JO)
Fläch:	33,1 km²
Koordinaatìn:	47° 19' N, 13° 5' O
Hejch:	825 m i. A.
Eihwoner:	2574 (1. Jén. 2021)
Bevejkarungsdichtìn:	78 Eihwoner pro km²
Bostloatzåi:	5622
Vurwåi:	06415
Gmoahkénnziffer:	50 410
Gmoahvawåiting:	Hofmark 18 5622 Goldegg/Pg.
Webseitìn:	Gemeindehomepage oder Tourismushomepage
Bólitik
Birgermoaster/rin:	Mayr Hons (Mayr Johann) (ÖVP)
Gmoahråut: (2004)	3 SPÖ, 9 ÖVP, 1 FPÖ, 4 BIG
D' Loug vah da Gmoand Góidégg im Pongau

Góidégg an Pongau (Deitsch: Goldegg im Pongau, Kurschzform: Goldegg/Pg.), aa dia "Perle vam Pongau" gnennt, is a Gmoah an Soizburger Lond an Pongau in Ésterreich mid 2.446 Eihwóner (Stond: 1. Jénner 2011). 's Derfai liagg direkt am Góidéger See, am kloan Moarsee.

Geograafie

Góidégg liagg auf am Sunnplató auf 825 m. ywern Meer und is dia Grenzgmoah zan Pinzgau. Vah Góidégg aus fliassend zwee greesserne Bachai in d' Soizach. Zan Oan da Sejbouch (Arzenbouch) und zan Onnern da Wengerbouch der aa durch 'n Puzengroum und durch Schwoschzach fliasst. Bekonnt is Góidégg bsunderscht durch seine zwó Seen, 'n moarhoiting Góidégger See (Goldegger See) und am Béndlsee (Böndlsee), aa Scheiwlingsee (Scheiblingsee) gnennt.

Katastroigmoanden

Góidégg bsteet aus fóigerschte Ortschoften und Ortstoaé:

• Oidenhof (Altenhof) wai dou friara da oide Hof, de oide Buag gwein is
• Bón (Boden)
• Buachberg (Buchberg) sejg is da Hausberg
• Enkerbiché (Enkerbichl)
• Hasling (Hasling) bnonnt nouch 'm Hasling Guat
• Hofmork (Hofmark) is da Bereich umers Schlóss
• Moarhof (Maierhof) bnonnt nouch 'm Moarhof Guat
• Moarch (March) bnonnt nouchm Moarch Guat
• Mitterstoah (Mitterstein)
• Ówerhóf (Oberhof) bnonnt nouch 'm Ówerhóf Guat
• Schottau (Schattau) bnonnt nouch 'm Schottau Guat
• Góidéggwéng (Goldeggweng)

Nochbargmoanden

Góidégg grenzt an fóigerschte Gmoaner óné:

Deanten a. Hkg.	Miebouch a. Hkg.	Seiger Veit a. Pg.
Touxenbouch a. Pzg.		Schwoschzoch a. Pg.
Lénd a. Pzg.	Seiger Veit a. Pg.	Seiger Veit a. Pg.

Woppm

's Woppm vah da Gmoah is: „In an róden Fejdel a góiderne Écken (Spitzen), blégg mid am róden Lindwurmkópf und boaderseits begleitt vah je oaner góidernen Króne.“

Ursprynglich is as Woppm netter aus d' róden Segmentt und 'm góidforwernen Stickai bstonden. Da Lindwurm und d' Króne stommernd vam Woppm vah da ausgstorwernen Familie Schernberg, dia Toaé sand erscht durch d' Groufm ins Woppm integrirscht wourn.

Torismus

In Góidégg gibbs vier Liftt, dia bsunderscht gern vah Familien mid Kinder bsuacht wernd, weih dia Pistner nid gour z' sticki sand. Unterondrem houd Góidégg aa an 18-Lóch Góifbloutz.

Sejchenswerschts

• Schlóss Góidégg
• Góidégger See
• Béndlsee
• Góifbloutz
• Drói Buachen (Naturdenkmoi)

Nétzseiten

• http://www.goldeggamsee.at/
• http://www.goldegg.gv.at/
• http://www.museum-goldegg.at/
• http://www.schlossgoldegg.at/
• http://www.malakademie-goldegg.org/
• http://www.golfclub-goldegg.com/
• http://www.rot-weiss-rot.at/
• http://www.trachtenmusikkapelle-goldegg.at/
• http://www2.salzburg-online.at/perchtenverein-goldegg/@1@2Vorlage:Toter Link/www2.salzburg-online.at (Seite nicht mehr abrufbar; Suche in Webarchiven)
• https://web.archive.org/web/20110202225433/http://www.singkreis-goldegg.com/
• http://www.peitschenverein-goldegg.at/

Weiderne Informaziona findst aa noh unter: Portal Pongau