Zej am See

Da Ditl vo dem Artike is merdeitig. Waiderne Bedeitungen und Begriffsklearungen findt ma unter »»» Zej «««.

Der Artikl is im Dialekt Pinzgarisch gschriem worn.

Zej am See Zöi am See Zell am See
Baasisdaatìn
Bundeslond:	Soizburg
Bolitischer Bezirk:	Zej am See (Pinzgau) (ZE)
Fläch:	55,12 km²
Koordinaatìn:	47° 19' N, 12° 48' O
Hejch:	757 m i. A.
Eihwoner:	9764 (1. Jén. 2016)
Bevejkarungsdichtìn:	177 Eihwoner pro km²
Bostloatzåin:	5700, 5702, 5705
Vurwåi:	06542
NUTS-Region:	AT322
Gmoahvawåiting:	Brucker Bundesstraße 2 5700 Zell am See
Webseitìn:	www.zellamsee.salzburg.at
Bólitik
Birgermoaster/rin:	Peter Padourek (ÖVP)
Gmoahråut: (2014)	13 ÖVP, 8 SPÖ, 2 GRÜNE, 2 FPÖ
Láug vah da Stoud Zej am See

Da Kurooscht Zej am See oder aa Zöi am See (Standarddeitsch: Zell am See) is da Hauptooscht vam gleichnoming Bezirk im esterraichischn Bundesland Soizburg. D' Stoud is nouch Soifejn am Stoanern Meer d' zwoatbevejkarungsraichste Gmoan vam Pinzgau (umgongssprouchlich firn Bezirk) mid 9764 Aiwoner (2016).

D' Wuuschzln vo da Stoud raichnd bis a dia Brossezeid zrucke. Haid is Zej internazionoi ois oaner vo d' bedeitendstn Wintersporteeschter va Esterraich, sowia a wichtiger Vakersknotnbunkt va da Region.

Siadwestlich vam See lig a unter in- und ausländische Sport- und Seeglfliagern ser bliaber Flugbloutz.

Geografie

Loug

As Zejer Beckn is d' Vabindung zwischn am Soiach- und an Soizachtoi. s Zentrum bijdt da etwoa knopp vir Kilometer longe, guad oan Kilometer broade und bis za 68 Meter tiafe Zejer See. Doudro grenzt da Oidstoudkern an Westn, sowia d' Katastralgmoan Toamerschbouch an Ostn, Erlberg an Siadostn und Schittdorf an Siadn.

Londschouft

Wai da urspringliche Zejer See waider an Noadn sowia an Siadn oiche bis hi za da Soizach ausglaaffm is, befindn se heid vuaoim siadlich davo grosse Supfgebiate, de sei'm End vom 18. Jourhundeascht oiwai waider trockn gleeg wernd. Da See houd d' karaktarischtische Form vo ner Erdnuss und sei Flächn betroug eppa 4,7 km². Da grässt Zuafluss is da Toamerschbouch, d' onnern Zuafliss sand oie recht kloane Bachai.

Da Hausberg vo Zej is d' Schmittnheech, a bekonnter Berg vo da Grauwocknzone (aa Pinzgauer Grousberg gnonnt), der wous heidzdoug vuaoim firn Wintersport gnitzt weascht. Da Hundstoa (Hausberg vo Toamerschbouch), is mid seine 2.117 Metern d' heechste Dahewung vo d' Soizburga Schiferoipm. D' Berg sand vuaoim bewoidet oder waisnd londschoftlich gnitzte Wisn auf.

Stoudgliedarung

Zej gliadeascht se in foigeaschte Katastralgmoana:

• Bruckberg (Bruckberg)
• Erlberg (Erlberg)
• Limberg (Limberg)
• Schittdorf (Schüttdorf)
• Schmittn (Schmitten)
• Toamerschbouch (Thumersbach)
• Zej am See (Zell am See)