Traunsfoamatoa

Aus Wikipedia
Wexln zua: Navigation, Suach
A Trafo mit zwoa Spuin und ihm Eisnkean
Prinzip vo an Traunsfoamatoa mit da Primärspuin (rod) und da Sekundärspuin (blau)
Des is scho a gressas Drum: 110kV/20kV-Traunsfoamatoan aum Umspaunweak Recklinghausen

A Traunsfoamatoa oda kuaz Trafo (dt.: Transformator) bsteht aus zwoa Spuin, de mit an Eisnkean mitaranaund vabundn san. Des hod den Sinn, dassd de Eigaungsspaunnung auf a aundre Spaunnung traunsfoamian kaunst. Wosd fiara Spaunnung dassd ausse kriagst, hängt vom Vähöötnis vo de Windungan vo de beidn Spuin oh. Waunst zan Beispü a Windungsvahöötnis vo 20 zua 1 hosd, nocha wiad a Eigaungsspaunnung vo 240 Volt in a Ausgaungsspaunnung vo 12 Volt owetraunsfoamiat.

Fia de Iwatrogung iwa launge Streckn traunsfoamiast an Straum auf a Hochspaunnung, wäu de Valustleistung mim Quadrot vom Straum zuanimmt und bei ana hochn Spaunnung reicht aa kloana Straum, und daun hosd a kloane Valuste.

Funktiaunsweis[VE | Weakln]

A Trafo hod a Primärseitn, des is duat, wo de Quöön is, und a Sekundärseitn, des is duat, wo da Vabraucha is. Zwischn de beidn Spuin hauma an magnetischn Kroas. Waunst auf da Primärseitn a Wechslspaunnung aulegst, nocha kriagst nochm Induktiaunsgsetz an wechslndn magnetischn Fluss in Kean eine, dea wos daun wiedarum auf da Sekundärseitn a Spaunnung induziat. Waunst auf da Sekundärwicklung an Wechslstraum aulegst, nocha kriagst nochm Duachflutungsgsetz aa an Wechslstraum auf da Primärseitn. Bei ana Gleichspaunnung is de zeidliche Ohleitung ollawäu nui, des hoaßt, a Trafo funktiauniat ned.

Bei an ideäun Trafo san de Spaunnungan aun de Wicklungan propoationäu zua Ändarungsgschwindigkeit vom magnetischn Fluss und zua Windungszoih vo da Wicklung. Des hoaßt, dass se de Spaunnungen zuaranaund so vahoidn wia de Windungszoihn.

Waunst aun de sekundäre Wicklung an Vabraucha auschliaßt, nocha fliaßt a Straum auf da Sekundärseitn. Im Gegesotz zua de Spaunnungan aun de Wicklungan san de Ströme in de Wicklungan entgegengsetzt gricht': Waun da Primärstraum bezogn aun Kean rechtsherum duach de Spuin fliaßt, nocha fliaßt da Sekundärstraum wengan Duachflutungssotz linksherum und umkeaht.

Des Brumman vo an Trafo is nix aundas, ois dass de Wicklungan a bissl vibrian und gegneinaunda schlogn.

Schau aa[VE | Weakln]

Im Netz[VE | Weakln]

 Commons: Transformatoren – Sammlung vo Buidl, Videos und Audiodateien
Wikibooks: Transformator – eppas zum Lerna und Lehra.