Elektrotechnik

Aus Wikipedia
Wexln zua: Navigation, Suach
Elektronische Schoitung

De Elektrotechnik is a Wissenschoft, wo se hauptsächle mim Strom bschäftigt, owa aa mid jeda andan Enagieform und seina Eazeigung, Iwadrogung und Nutzung.

Des Woat "Elektro" kimmt vo de oidn Griachn, de hom de "Elektrona" ois easchde bezeichnet und des hoast eigandlich "Bernstoa". (Vamuatle, wei ma mim Bernstoa oanigs an elektrotechnische Experiment mocha ko, wei se dea wenn ma reibt elektrisch aflodt. Ma ko mid am Bernstoa sogoa an kloana Blitz mocha oda kloane Babiaschnipsl oziang).

Des Elektron is a Bstandtei voum "Atom" (und Atom hoasst ausm griachischn ibasetzt nix andas ois wia: "Ebbs, des ma nimma tein ko"). De Elektrona san a lange Zeid ois de kloanstn Bstandtei de wos gibt ognumma woan. Das ma sowoi as Atom ois wia as Elektron do no moi tei'n ko, hod ma easchd in de dreissga Joa aussegfundn. De Elektrotechnik teit se in de groußn Breiche Enagietechnik, Nachrichtntechnik, Elektronik, Automatisiarungstechnik und Mechatronik.

Beruafe[VE | Weakln]

Da Enagietechnika bschäftigt se mid: Houschpannungs- und Olongtechnik, oiso Stoakstrom, Otriebssyteme, wia Hybridtechnikn im Straßnvakea, Enagiewandlung, Elektromotoan ganz oigmoa vo ganz grouß bis winzig, Enagiewiatschafd und Owendungstechnik - vo regenarativn Enagiequejn bis zan Kraftwerksbau und el. Vasorgungsnetze.

De Ingenieure da Nachrichtntechnik, heid oft Kommunikations- und Informationstechnik gnennt, ham ois Kernpunkt de Iwadrogung und Vaorbatung vo Informationa. Des schliaßt u.a. aa nutzafreindliche Oberflächn finna mid ei. Wichtiga Tei is de Signoivaoabatung: Signoie fuidan, va- und entschlisseln.

Da Eletronika z.B. entwiaft elektronische Schoitunga und wend de no o.

Da Automatisiara steiad und reglt Geräte. Des hoaßt, er ko in d Robotik geh, gnau so guad wia a Fliaßbandl optimian.

Mechatronika stäin de Vabindung zwischn da maschinäin und da elektrisch/elektronischn Wäid hea.

Gschicht vo da Elektrotechnik[VE | Weakln]

Ernst Werner vo Siemens

In da Hauptstod (z'Berlin) hod da Werner vo Siemens glebd und de eigandliche Elektrotechnik de ma heid kennt quasi afundn. (Freile hods a scho Voaläufa gem, im "siadlich'n Bayarn", in Italien, vo'm Herrn Galvani, dea mid a'na Battarie g'arwat hod und Froschschenk'l mim Strom zan zuck'n brochd hod; oda an Herrn Volta, dea ausm Herrn Galvani seine Foaschungan den Akkumulator, a wieda auflodboare Batterie gmochd hot. Da Werner von Siemens hot an Dynamo z'war ned ois easchta afund'n oba ois easchta baud und damid praktisch de bisher am moastn g'nutzte Foam, a Bewegungsenagie in a elektrische Enagie umzumwandln. Gleichzeite hot da Siemens damid a den Elektromotor afundn, dea praktisch des ganze Prinzip umdraht ausnutzt.(Sprich: do werd de elätrische Enagie in a Bewegung um'gwandlt. Damid is zan easchtn Moi megle gwen, elektrische Enagie bliabig zan Erzeugn wann mas braucht. Duach des Prinzip vo der Induktion de da Siemens do ausgnutzt hot, iss a megle woan, vui hähare Strem zan eazeing, ois wia mid ana Batterie. Des wiedarum hot dann de ganze Entwicklung vo da Elektrotechnik unglauble vorodriem.

Elektrotechnik in Bayern[VE | Weakln]

Industria Robota

2005 woan 195.000 Leid in da Branche direkt bschäftigt und ham 52,1 Mrd € umgsezt.

Studian an a Uni ko ma E-Technik z Minga und Erlanga/Niamberg. Voa oim de TU Minga hot wäidweit an rausragendn Ruf, Wäidklasse-Ingenieure auszbuin.

De Siemens-Werke san heid in Bayern, sprich z Minga, mit uma 80 Mrd € Umsatz oana vo de gräßtn elektrotechnischn Betriab wäidweit. De KUKA z Augschburg baut de Robota zan Auto zambaun fia d BMW. Und de Kathrein-Werke z Rousnam san wäidweit fiand im Andennabau.

Literadua[VE | Weakln]

  • Manfred Albach: Grundlagen der Elektrotechnik 1. Erfahrungssätze, Bauelemente, Gleichstromschaltungen. Pearson Studium, Minga 2004, ISBN 3-8273-7106-6.
  • Manfred Albach: Grundlagen der Elektrotechnik 2. Periodische und nicht periodische Signalformen. Pearson Studium, Minga 2005, ISBN 3-8273-7108-2.
  • Gert Hagmann: Grundlagen der Elektrotechnik. 11., durchges. Aufl., Wiebelsheim 2005, ISBN 3-89104-687-1.
  • Winfield Hill, Paul Horowitz: Die hohe Schule der Elektronik, Tl.1, Analogtechnik. Elektor-Verlag 2002 ISBN 3-89576-024-2.
  • Winfield Hill, Paul Horowitz: Die hohe Schule der Elektronik, Tl.2, Digitaltechnik. Elektor-Verlag 1996 ISBN 3-89576-025-0.
  • Helmut Lindner, Harry Brauer, Constanz Lehmann: Taschenbuch der Elektrotechnik und Elektronik. 9. neu bearbeitete Auflage. Fachbuchverlag Leipzig im Carl-Hanser-Verlag 2008, ISBN 978-3-446-41458-7.

Im Netz[VE | Weakln]