Ulrich Karger

Aus Wikipedia
Zur Navigation springen Zur Suche springen
Der Artikl is im Dialekt Westmittlboarisch gschrim worn.
Ulrich Karger

Ulrich Karger (* 3. Feba 1957 in Berchtsgoan, Bayern) is Schriftstella unn Religionslehra.

Lem unn Wiakn[VE | Weakln]

Ulrich Karger woa eascht Eazieja in Kinda- unn Jungdfreizeideihrichtunga, donn hod ea se zuam Religionslehra weitabuidt unn untaricht seit 1984 on a Sprochheilschui.

Seine Vaeffntlichunga richtn se on Kinda unn Eawochsene. Oans vo sei eafoigreichstn Weake is de voistendige Nocheazejung vom Homer sei Odyssee ois Jungdbuach, des im gsomtn deitschn Sprochraum aa vo da Kritik vui lobendn Zuaspruch kriagt hod. Obwoi ea seit 1976 in Berlin lebt, schreibt ea aba aa no monche Stickal af boarisch wia z. B. oan lengan Dialog in seina Noveijn Kindskopf – Eine Heimsuchung [1] oda glei a gonze Gemeinderotssitzung in seim „Gedonknspui“ Herr Wolf kam nie nach Berchtesgaden.

Nem sei Buachvaeffentlichunga schreibt Ulrich Karger seit 1985 Rezensiona ois Freia Mitoabeita fia vaschiedane Zeidunga (unta ondam fia de Berliner Zeitung[2] unn an Tagesspiegel[3]) sowia Stodmagazin. 1999 hod ea de Biachanochles bzw. des frei zuagängliche Online-Rezensiona-Archiv Büchernachlese eihgricht. Hiarunta san iwa 1500 vo sei Buachbsprechunga unn Kuazhinweis zua Belletristik, Sochbuach sowia Kinda- unn Jungdlitaradua obzruafa.

2010 hod ea de Edition Gegenwind[4] begrindt, unta dea ea zsamma mid ondane bekonnte Schriftstella wia Gabriele Beyerlein, Thomas Fuchs, Manfred Schlüter und Christa Zeuch nem a boa Originoiausgom voa oim eanane „vagriffene“ Biacha wiada nei aussabringt.

Ulrich Karger is Mitgliad im Vaband deitscha Schriftstella und Schriftstellarinna.

Bibliografie[VE | Weakln]

Lyrik / Prosa[VE | Weakln]

Kinda- unn Jungdbiacha[VE | Weakln]

Englisch (J. Alison James): The Scary Sleepover, 2002 ISBN 0-7358-1712-X
Französisch (Anne Ruck-Sultan): Halloween à l'école, 2002 ISBN 3-314-21536-3
Italienisch (Alessandra Valtieri): Halloween all'asilo, 2002 ISBN 88-8203-504-2
Niederländisch (Sander Hendriks): Spoken in de speelzaal, 2002 ISBN 90-5579-684-0
Slowenisch (Andreja Sabati-Suster): Ples duhov v otroškem vrtcu, 2002 ISBN 86-7823-284-6

Rundfunk[VE | Weakln]

  • Familie Habakuk und der Ordumok. Sechsteilige Foijgn in da Reih "Ohrenbär", SFB (heit: rbb) 1991

Sochbiacha[VE | Weakln]

  • Büchernachlese – Rezensionen 1985-1989. Edition Gegenwind - neobooks, Berlin 2019. E-Book-Originalausgabe. ISBN 978-3-7485-8899-3.

ois Herausgeba[VE | Weakln]

Kinda- unn Jungdbiacha[VE | Weakln]

  • Bücherwurm trifft Leseratte – Geschichten, Bilder und Reime für Kinder. Autoan: Gabriele Beyerlein, Thomas Fuchs, Ulrich Karger, Manfred Schlüter, Christa Zeuch. Buida: Manfred Schlüter. TB-Ausgob 2013, ISBN 978-3-7322-4393-8 (E-Bok: EAN/ISBN 978-3-8423-5333-6).
  • Bücherwurm trifft Leseratte 2 – Neue Geschichten und Gedichte für Kinder. Autoan: Gabriele Beyerlein, Dagmar Chidolue, Thomas Fuchs, Uschi Flacke, Ulrich Karger, Manfred Schlüter, Sylvia Schopf, Pete Smith, Christa Zeuch. Buida: Manfred Schlüter. TB-Ausgob 2016, ISBN 978-3-8423-8326-5.

Sochbiacha[VE | Weakln]

Schau aa[VE | Weakln]

Beleg[VE | Weakln]

  1. Textpromn af boarisch sieg de Homepage-Seitn zu Kindskopf unn Mitlesebuch Nr. 26 - in da Noveijn Kindskopf (2002) gibts gonze Dialog-Obsätz in boarisch, wei ses dodrin um oan draht, dea ons End vo da Wejd in Bayern foahn muass, domid ea endli sei Ruah hod voam Kindawunsch vo seina Frau.
  2. Berliner Zeitung - a boa gratis obruafboare Rezensiona vo Ulrich Karger in dera Berliner Tageszeitung
  3. Der Tagesspiegel - ejtane unn aktueje, gratis obruafboare Rezensiona vo Ulrich Karger in dera Berliner Tageszeitung
  4. Stoatseitn vo da Edition Gegenwind
  5. Zeitlese in da Deitschn Nationoibibliothek

Im Netz[VE | Weakln]