Freilassing

Aus Wikipedia

Freilassing
	47.83333333333312.966666666667Koordinaten: 47° 50′ N, 12° 58′ O
Basisdatn
Bundesland:	Bayern
Regierungsbezirk:	Obabayern
Landkroas:	Berchtsgoaner Land
Hechn:	423 m ü. NN
Flächn:	14,79 km²
Eiwohna:	15.855 (30. Juni 2008)
Beväikerungsdichtn:	1072 Eiw. pro km²
Sonstige Datn
Postleitzoi :	83395
Vorwoi: :	08654
Kfz-Kennzeichn:	BGL
Gmoaschlissl:	09 1 72 118 LOCODE: DE FRL NUTS: DE215
Adress vo da Stadtverwaltung:	Münchener Straß 15 83395 Freilassing
Hoamseitn:	www.freilassing.de
Politik
Buargamoasta:	Josef Flatscher (CSU)
Lage der Stadt Freilassing im Landkreis Berchtsgoaner Land

Freilassing is a Ståd im Regierungsbezirk Oberbayern und ghert zum boarischn Sprachraum. Sie is Teil vom Landkreis Berchtsgoana Land. Sie is da Grenzort zu Såizburg und aa Sitz vo da Euregio Såizburg – Berchtsgoaner Land – Traunstein.

Inhoitsvazeichnis 1 Historie 2 Wirtschaft 3 Vakehr 3.1 Eisenbahn und öffentlicher Nahvakehr 3.2 Flughafen (Såizburg) 3.3 Straße 4 Lokwelt 5 Persönlichkeiten 5.1 in Freilassing geborn 5.2 mit Freilassing vabundn 6 Weblinks 7 Quellen

[dro werkln] Historie

De Gmoa håt vo Haus aus zerscht den Nama vom iatzigen Ortsteil Såizburghofen trang. Sie ghert im friahen Mittloita zum Land Såizburg, des samt dem Såizburggau und den Gebirgsgauen seinerseits zum Herzogtum Bayern ghert håt. Duach den Aufstieg vo Såizburg zum eingständigen Fürsterzbistum Såizburg (1328) löst si aa Freilassing vom oanstign Muattaland Bayern. 1810 kimmt Freilassing zsamma mit Såizburg zu Bayern und is, wia da übrige Rupertiwinkel, aa 1816 bayerisch bliem, ois des übrige Land Såizburg zu Östareich keema is. Erstn Aufschwung erlebt de Gmoa duach den Bau vo da Eisenbahn undde Lage ois Grenz- und spada aa Knotenbahnhof. Daduach kriagt da Ortsteil Freilassing allawei greßere Bedeitung, was si in zwoa Namensänderungen ausdrückt: aus Såizburghofen is so zerscht Freilassing-Såizburghofen und zletzt Freilassing worn. Den zwoaten bedeitenden Zuawachs verzeichnet Freilassing nåch dem zwoaten Weltkriag duach Vertrieme und Flüchtling. 1954 war de Erhebung zua Ståd.

Wappn

In da Wappnbeschreibung hoaßts: In Roat auf greana Boon a golden bewehrtes suibanes Rooß mit goidna Mähne und goldenem Schwoaf, was üba a goidens Såizfassl springt.

[dro werkln] Wirtschaft

De Ståd präsentiert si heit aufgrund da unmittelbaren Nähe zua Ståd Såizburg und da Natur vom Berchtsgoaner Land ois attraktiver Wohn- und Wirtschaftsstandort. Teilweis is de Nähe zu da Ståd Såizburg aba aa problematisch bzw. nåchteilig fia Freilassing. Nåch da Eröffnung vo mehra groaße Eikaffszentren kemman weit weniger Leit, de eikaffa woin, aus Såizburg ins "billige" Freilassing. Da sogenannte "Tanktourismus" veranlasst vei Bayern nåch Östareich zum Tankn zu fahrn. Duach de Eröffnung vo am Markt am Stådrand im November 2006 und aa duach mehra Aktionen in da Innenståd (z.B. Vakaffsoffener Sunnta, Autoshow) werd aba versuacht, da dagengzumsteian. Freilassing is aa Sitz vo Schnitzer Motorsport.

Schuin

Freilassing besitzt finf Schuin: A Grundschui, a Hauptschui, zwoa Realschuin, oiwei a fia Deandl bzw. Buben und a Berufsschui.

[dro werkln] Vakehr

[dro werkln] Eisenbahn und öffentlicher Nahvakehr

Da traditionelle Ruf vo Freilassing ois Eisenbahner- und Grenzståd is im Wandel. De Deitsche Bahn håt im Zug vo Rationalisierunga den Standort vakloanert (z.B. Schliaßung vom Bahnbetriebswerk) und seit'm Beitritt vo Östareich zua Eiropäischn Union kriagt Freilassing a neie Lage. Derzeit is zwischn Såizburg und Freilassing oans vo de greßten Nahvakehrsprojekte vo Östareich im Entstenga. De Bahnstreckn zwischn de zwoa Städt werd dreigleisig ausbaut und a baar neie Stationen auf Såizburger Stådgebiet wern eigricht. Ab Dezember 2009 soi de S-Bahn Såizburg mit zwoa S-Bahnlinien im 15 Minutntakt Freilassing no besser und schnella an Såizburg oobindn. Ois ersta Schritt is am 17. Juni 2006 de oi Stund vakehrende Linie S3 vo Schwarzach St. Veit üba Såizburg Hauptbahnhof und Freilassing nåch Berchtsgoan bei am groaßn Bahnhofsfest mit Zugdaff vo am Talent-Zug feierlich eröffnet worn. Nem am örtlichen Nahvakehr is Freilassing aa glei ans öffentliche Busnetz vo da Ståd Såizburg oogschloßn (Såizburger Verkehrsverbund).

[dro werkln] Flughafen (Såizburg)

De Ståd Freilassing liegt in da Haupteinflugschneisn vom Flughafens Såizburg und is daher in besonderem Maße vom Lärm vo de Fliaga betroffen, sie profitiert aba aa vo da Nähe zum Flughafen.

[dro werkln] Straße

Dicht am Ort vorbei führn de Bundesstraßn B 20 und B 304. In ebba in 10 Kilometa Entfernung liegt de Ooschlußstäi Bad Reichahoi zua Bundesautobahn A 8, de Westautobahn A1 in Östareich ( gebührnpflichtig ) is ungefähr 5 Kilometa entfernt.

[dro werkln] Lokwelt

Am 2. September 2006 eröffnet des Eisenbahnmuseum „Lokwelt Freilassing“ ois Außenstelle vom Deitschen Museum im ehemaligem Rundlokschuppn, der da dafia renoviert worn is.

[dro werkln] Persönlichkeiten

[dro werkln] in Freilassing geborn

• Heinz Putzhammer (1941–2006), Mitglied vom DGB-Bundesvorstand und vom Nationalen Ethikrat
• Hans Schaidinger (*1949), Obabuargamoasta vo Rengschburg
• Bärbel Kofler (* 1967), Politikarin
• Florian Grassl (* 1980), Skeletonpilot
• Christiane Singhammer (* 1981), Monoski-Rennsportlarin

[dro werkln] mit Freilassing vabundn

• Hans Theodor Soergel (1867-1943), Jurist; lebt vo 1900 an bis zum Doad in Freilassing
• Josef Brendle (1888–1954), Kunstmala; stirbt in Freilassing
• Alois Irlmaier (1894–1959), Rutengänga und Hellseha („Seher vo Freilassing“)
• Georg Öllerer (1907–1991), gründt 1948 a Reparaturwerkstatt fia Ziachan in Freilassing
• Wolfgang Johannes Bekh (* 1925), Schriftstella; håt „Da Brunnenbauer vo Freilassing“ gschriem

Freilassing is aa Hoamat vo Fuaßboiweltmeister Paul Breitner

[dro werkln] Weblinks

• Homepage da Ståd Freilassing
• Freilassing: Wappengeschichte vom Haus der Bayerischen Geschichte

[dro werkln] Quellen