Haptstod
| Der Artikl is im Dialekt Obaboarisch gschrim worn. |
De Haptstod is da Sitz vo de wichtigstn politischn Eirichtunga vo am souvaräna Stoot. In ana Demokratie is do da Standort vom jeweilign Parlament, ba ana Monarchie is do de Residenz vom Monarchn. In vui Stootn is gleizeitig Wirtschafts-, Vakeas-, Industrie-, Wissnschafts- und Kuiturzentrum. In Bayern is des Minga, in Österreich Wean und in Deitschland Berlin.
Inhoitsvazeichnis |
[drå werkln] De Haptstod ois wichtigstes Zentrum
Sea oft hod si de Haptstod iwa an langen Zeitraum wegga zan unumschränktn Heaz vo oana Nation entwicket. Se is dann ned nua politisches Zentrum, sondan aa Mittlpunk vo da Idustrie, Wissnschoft, Kunst und Kuitua vo am Stoot. In stoark zentralistisch ausgrichtetn Stootn wia Frankreich is des in bsondan Ausmoß da Foi. Paris is ned nua s Zentrum vo Kuitua und Politik, de Stod is a gressta Vakeasknotnpunkt und gressta Wiatschoftsraum in Frankreich. Wos Änlichs guit fia London.
[drå werkln] Stootn ohne Haptstod
Stootn de wo de jure koa Haptstod ham san Monaco, Nauru, de Schweiz, Liachtnstoa und de Vatikanstod. Ba Monaco und Vatikanstod is des dewegn weis reine Stodstootn san. In Nauru wead da Ort, wo de Regiarung sitzt (Yaren) ois inoffizielle Haptstod afgfosst. In da Schweiz hod Bern de facto de Haptstodfunktion. In Liechtnstoa gibts koa oanzige Stod. Vaduz hod nia s Stodrecht eahoidn und is deshoib nua da Haptort vom kloan Fiaschtntum.
[drå werkln] Stootn mit zwoa Haptstädd
| Land | Haptstod | Regiarungssitz/Parlamentssitz |
| Benin | Porto Novo | Cotonou |
| Bolivien | Sucre | La Paz |
| Chile | Santiago de Chile | Valparaíso |
| Elfenbeinküste | Yamoussoukro | Abidjan |
| Malaysia | Kuala Lumpur | Putrajaya |
| Holland | Amsterdam | Den Haag |
| Tansania | Dodoma | Daressalam |
| Sri Lanka | Colombo | Sri Jayawardenepura |
| Südafrika | Pretoria | Kapstadt |
[drå werkln] Biacha
- Jens Kirsch: Hauptstadt - Zum Wesen und Wandel eines nationalen Symbols. Münster: LIT-Verlag 2005, ISBN 3-8258-8593-3
