Schliersee (Gmoa)

Basisdotn
Bundesland:	Bayern
Regiarungsbeziak:	Obabayern
Landkroas:	Miaschboch
Hechn:	784 m ü. NHN
Flächn:	79,16 km2
Eihwohna:	6959 (31. Dez. 2020)
Bevökarungsdichtn:	88 Einwohner je km2
Postleitzoi:	83727
Voawoi:	08026
Autokennzeichn:	MB
Gmoaschlissl:	09 1 82 131
Address vo da; Gmoavawoitung:	Rathausstraße 1; 83727 Schliersee
Webseitn:	www.schliersee.de
Buagamoasta:	Franz Schnitzenbaumer (CSU)
Log vo da Gmoa Schliersee im Miaschboch
	Karte

Der Artikl is im Dialekt Obaboarisch gschriem worn.

Schliersee is a Moaktgmeind im obaboarischn Landkroas Miaschboch mit de Ortstei Schliersee, Neihaus, Fischhausen und Spitzingsee.

De Gmoa Schliersee liagt am Nordostufer vom Schliersee (See) und is a bekannta Urlaubsort in de Bayrischn Oipn, mit rund 520.000 Ibanachtunga im Joar. Da Ortstei Spitzingsee liegt 1.090 Meta hoch und is a bekannts Wintasport und Bergwandazentrum.

Schliersee liegt rund 7 km sidli vo Miaschboch, 32 km vo Rousnam und 53 km vo Minga entfernt.

Gschicht

In de Urkundn vom Hochstift Freising wead de Grindung vom Klosta "Schliersee" am 21. Jenna 779 erwähnt. 1808 is Schliersee a politische Gmoa worn. Nacha hod se da Ruaf vo Schliersee ois idyllischa Urlaubsort vabroadd.

Kuitua und Sehnswiadigkeitn

Theata

Des Schlierseer Bauerntheater (Grindung 1892) is des ejteste Theata vo dea Oart.

Museen

S Schlierseer Hoamatmuseum is in am ejtastn Haisln (um 1500 baut) vom Ort untabrocht. Es werd des baialiche Lebm und Arbatn in de letztn 500 Joar dorgstejt. Nebm oana Rauchkuchl und oana Gfängniszejn san u. a. Glosworn vo da Gloshittn Schliersee ausgstejt.

As Markus Wasmeier Bauernhof- und Wintersportmuseum am Sidufa vom See is a Freilichtmuseum, des wo oide Bauanhef aus da Zeit um 1800 zoagt. De Bauanhef san im bayrischn Obaland obbaut, restauriert und im Freilichtmuseum wieda aufbaut worn.

Literatua

Da bayerische Schriftstella Manfred Böckl hod an Roman iba an berihmtestn Schlierseer gschriebm: an Wuidschitzn Georg Jennerwein. Des Buach trogt an Titl Jennerwein.

Fuim

Im Septemba 2007 is z Schliersee da Fuim vom Joseph Vilsmaier Die Geschichte vom Brandner Kasper mit Franz Xaver Kroetz ois Brandna Koschba und Michael Bully Herbig ois Boandlkramer draat worn.^[2]

Berihmtheitn

Theodor Hummel - (* 15. Novemba 1864 z Schliersee; † Juli 1939 z Minga) - Bayrischa Mola
Gerhard Polt - (* 7. Mai 1942 z Minga) - Bayerischa Kabarettist, lebt z Schliersee
Rolf Singer (* 23. Juni 1906 z Schliersee; † 18. Jenna 1994 z Chicago) - Hochschuiprofessor und bedeitenda Forscher vo da Mykologie
Xaver Terofal - (* 20. Jenna 1862 z Dorfen; † 4. Aprui 1940 z Schliersee) - Voikssänga, Schauspuia, Grinda vom Schlierseer Bauerntheater
Markus Wasmeier - (* 9. Septemba 1963 z Schliersee) - zwoafocha Olympiasiega z Lillehammer (Norwegen) im Super-G und Riesenslalom

Joaresvaonstoitunga

Schifasching auf da Firstoim (Faschingssunndog)
Oipn-Triathlon (Juni/Juli)
Schlierseer Seefest (Juli/August)
Oid-Schlierseer Kirtog (August)
Bergseefest am Spitzingsee (August)
Leonhardi-Foart (Novemba)
Schlierseer-Advent mit bayerischa Adventsmusik und Hiatenspui (1. und 2. Advent-Samstog)