Rousnam

Rousnam Rousnham, Rousnhoam, Roasnham, Rosnheim
Basisdatn
Bundesland:	Bayern
Regierungsbeziak:	Obabayern
Landkroas:	Kreisfreie Ståd
Koordinatn:	47° 51′ N, 12° 8′ O
Hechn:	447 m ü. NN
Flächn:	37,22 km²
Eiwohna:	60.295 (30. Sep.. 2006)
Bevejkarungsdichtn:	1620 Eiw. pro km²
Sonstige Datn
Postleitzoi n:	83001-83028
Vorwoi:	08031
Kfz-Kennzeichn:	RO
Gmoaschlissl:	09 1 63 000
Adress vo da Stadtvawoitung:	Königstraße 24 83022 Rosenheim
Hoamseitn:	www.rosenheim.de
Politik
Obaburgamoastarin:	Gabriele Bauer (CSU)

Heilig-Geist-Strass, zum Max-Josef-Blodz hĩ, links d St.&nbsp Nikolaus, rechts d Heilig-Geist-Kircha

Stådansicht (von Krankahaus aus gseng) min Wendlstoa

Rosnheim um 1900

D' Ståd Rousnam oda aa Rosnheim bzw. Roasnham (Hochdeitsch: Rosenheim) is a kroasfreie Stodt und z'gleich Kroasstodt vom Landkroas Rousnam (Oberbayern). Ois oans vo 23 boarische Obazentren werd Rosnheim ois wirtschaftlicha und kuiturella Mittlpunkt vom südostboarischn Raum oogseng. Rosnheim håt mehra wia 60.000 Einwohna und is nåch Minga und Ingolståd de drittgreste Ståd in Obabayern. Rosnheim, d.h. da Bereich um des heitige Langapfunzn und Leonhardspfunzn, war scho in da Römazeit da wichtigste Innübergang zwischn de römischn Provinzn Noricum und Rätien und war zwischn Aying (Isinisca) und Seebruck (Bedaium) an da römischn Militärstraß Via Julia vo Augsburg nach Soizburg gleng, wia de römische Straßenkartn Tabula Peutingeriana ausm 4. Jahrhundat zoagt. Da lateinische Nam war Pons Aeni, des hoaßt nix andas wia "Innbruckn".

Geographie

Geographische Lage

De Ståd is a wichtiger Verkehrsknotenpunkt zwischn Minga (ca. 60 km nordwestlich), Såizburg (ca. 80 km östlich) und Innsbruck (ca. 110 km südwestlich) und aa am Brennerpass nåch Italien (ca. 130 km). Duach Rosnheim führn de Eisenbahnstreckn Minga–Såizburg und Minga–Verona/Italien und aa de östareichische Eisenbahn-Transitstreck Såizburg–Innsbruck. In da Nachan vo da Ståd liegt as Autobahndreieck Inntal, wo d Inntal-Autobahn vo da Autobahn Minga–Såizburg abzweigt (schaug aa Verkehr). Rosnheim håt wenga seina Lage an hochn Freizeitwert; in da Umgebung vo ebba 25 km gibts an Keamsää, an Simsää und a bår weitere Badesäan und aa de Berg vom nördlichen Alpenrand Wendlstoa, Houchries und Kampenwand, de zum Schifahren, Wandern, Mountainbiken und Gleitschirm-/Drachafliang eiladn.

Geologie

De Landschaft unmittelbar um Rosnheim is in ihrer iatzigen Form in da letzten Eiszeit duach des Vorrucka vom Inndåigletscher und spada duach den Rosnheimer See prägt worn. Da See håd se no vor ebba 10.000 Jåhr iba s ganze Inndåi bis in de Gengad vo Wassaburg, guat 25 km neadlich vo Rosnheim, dastreckt. No heit is an vui Stellen rings um de Ståd zu erkennen, wia da friarane flache Säägrund auf oan Schlåg in de relativ gache Uferbeschung iwagäht.

Nachbargmoandn

• Groußkarolinafäid mit 7.200 Eiwohna
• Schecha mit 4.600 Eiwohna
• Kolbermoor mit 19.000 Eiwohna
• Stephanskircha mit 10.000 Eiwohna
• Raubling mit 11.500 Eiwohna
• Rohrdorf mit 5.500 Eiwohna

Stådgliadarung

Ortsteile san

• Westerndorf am Wasen
• Pang
• Oasing
• Oasingerwies
• Oasinger Landstrass
• Heiligbluat
• Habbing
• Endorferau
• Kastnau
• Erlenau
• Westerndorf St. Bäda
• Egarten
• Obawöhr
• Fürstätt

Klima

De Ståd is in da gemäßigten Klimazone. De duachschnittliche Jåhrestemperatur in Rosnheim is 8,3 °C. De ållerwärman Monad san da Juli und da August mit duachschnittlich 17,9 beziehungsweise 17,1 °C und de käidestn da Dezember und da Jenna mit -0,5 beziehungsweise -1,4 °C im Mittel. Da Jåhresniederschlåg liegt mit 1091,2 mm deutlich iwam gsamtdeitschn Duachschnitt vo 700 mm.

Gschicht

De Entwicklung war schon äiwe bestimmt vo da günstign Lage an de wichtigen Verkehrsachsen in Nord-Süd-Richtung (zwischn Passau/Rengschburg und am Brenner/Norditalien) bzw. Ost-West-Richtung (zwischn Augschburg/Minga und Såizburg).

Remisch Reich

Scho in da Remazeit war Pons Aeni (lat. fia „Bruckn iwan Inn“, a Siedlungsbereich um as heitige Langapfunzn und Leonhardspfunzn neadlich vo Rosnheim, Flusskilometa 180,8) da wichtigste Innübergang zwischn de remischen Provinzn Noricum und Rätien. Pons Aeni war zwischn Aying (Isinisca) und Seebruck (Bedaium) an da remischen Militärstrass Via Julia vo Augschburg nåch Såizburg, wia de remische Strassnkarte Tabula Peutingeriana ausm 4. Jåhrhundert zoagt.

Schloß Rosnheim um 1900, Aquarell vom Kotz Michael

Ursprung vom Stådnama

Da Ursprung vom Stådnama is net eindeitig gsichert. Im Jåhr 1234 werd erschtmois de Burg Rosnheim am östlichen Innufa erwähnt, afm heitign Schloßberg, obahalb vo da neia Innbruck. Möglicherweise geht da Nam Rosnheim auf des Rosenwappn vo de Wassaburger Hallgrafen, de Erbauer vo da Burg, zruck. A andere Theorie sagt, daß da Nam ursprünglich Rossenheim gwen is, abgleitet vo de Rooß, de im Mittloita dazua hergnuma worn san, dass ma Transportschiff flussaufwärts zong håd, und fia de's in Rosnheim grousse Stallungen gem håt. No heit vawendte Straßnnama wia Am Esbaum (da Baum, an dem de Rooß äsn) oda Am Roßacka san a möglicher Hinweis drauf. A andane Theorie sagt, daß aar a Wortverwandtschaft bestenga kunnt zu Roas, Roze oda Ried, was friara Sumpf- und Torfgebiete bezeichnet håt, de um Rosnheim herum heit no oozumtreffa san – klar ersichtlich aa duach den Nama vo da Rosnheimer Nåchbarståd Kolbermoor. A Beispui fia oane vo de oidn Bezeichnunga is Riadering in da Nachan vo da Ståd. Möglicherweis is da Name Rosnheim abar aa vom Leitnam Roso/Hrodo abgleitet. De wortwörtlich scheenste Theorie is, daß ma friaras zu schene Deandln a 'Roasn' gsågd håd. Schon de Innschiffer soin gwisst ham, dass s in dera Ståd bsunders vui Schönheitn zum Bewundern gabat. De vo de Schiffer gern oogsteierte Ståd kriagat so de Bezeichnung „Hoamat vo de Roasn“ - oiso Roasnheim. Weniger gern werd de Theorie anerkannt, daß Roasn evtl. aa bezahlbare Schönheitn gwen sei kunntn.

Entstehung vo Rosnheim

In ebba zua Zeit vo da Ersterwähnung vo da Burg im Jåhr 1234 is Rosnheim im 13. Jåhrhundert am westlichen Ufer ois Ansiedlung vo Schiffsleit entstandn. Wei des Gelände an da Innbruckn iwa lange Zeit wengam sumpfign Boon bei da Mangfallmündung net bebaut wern hat kinna, is de Siedlung a baar hundert Meta davo entfernt; drum is as Stådzentrum vo Rosnheim net wia woandas direkt am Wasser.

Markt Rosnheim

Da Ort håd schnäi an Bedeitung gwuna ois Umschlagplatz fia alle Arten vo Giata, de auf dem Inn transportiert worn san (Viecha, Troad, Seide, Waffn, Soiz) und håd 1328 as Marktrecht griagt. De Rosnheimer Schiffsmoasta sand in dera Epochn duach den regen Warentransport, der si zwischn Hall in Tirol an Inn und d Donau åwe bis nåch Wean und Budapest dastreckt, zimle reich worn. Bis in ebba 1600 håt si de Siedlung zu oam vo de gressten und bedeitendsten Märkte vo Bayern entwickelt, aa wenn Rosnheim as Stådrecht erst 1864 vom boarischn Kine Ludwig II. griagd håt. Da wirtschaftliche Niedergang kimmt im Lauf vom 17. Jåhrhundert im Zug vom Ruckgang vo da Innschifffahrt und de Folgen vom Dreißgjahrign Kriag. Dazua kemman a Pestepidemie (1634) und a Marktbrand (1641).

Rosnheim im 19. Jh.

Im 19. Jåhrhundert kånn se Rosnheim zu aram wirtschaftlichen Zentrum im südostboarischen Raum entwickeln: 1810 werd da Ort nåch Reichahåi und Traunstoa zum Standort vo da drittn boarischn Saline. A friare Art vo da Pipeline aus Hoiz bringt Sole vo de Såizbergwerk im Raum Reichahåi bis zua Rosnheimer Saline. Duach des Sieden vom Såiz werd de Innståd zu aram Zentrum vo da boarischen Såizproduktion, bis de Saline 1958 geschlossn werd. An weitern Aufschwung bringt da friare Anschluss an d Eisenbahn. 1858 werd da Rosnheimer Bahnhof eigweiht, der si aba boid åis z kloa und fia de weitere Stådentwicklung hinderlich erweisn soi; scho 1876 ziagt er an sein iatzigen Platz um. De åide Bahnlinie is zua schnurgeraden Duachgangsstrass (heit Rathaus- und Prinzregentenstrass, wichtigste Rosnheimer Verkehrsachsn, vom Nordwestn zum Südosten vo da Ståd) worn, da Lokschuppen vom erstn Bahnhof dient heit åis Ausstellungszentrum, da åide Bahnhof direkt visavi is seit 1878 as Rathaus - und dient in da ZDF-Vorabendserie „De Rosnheim-Cops“ åis Kulisse vom Polizeipräsidium. De wirtschaftliche Blüte vom Schluss vom 19. und am Afang vom 20. Jåhrhundert macht an Gründerzeit- und Jugendstil (und sei regionale Ausprägung, an Heimatstil) zum wichtigsten Baustil, der heit no as Stådbuidl bestimmt. So is im Behördenviertel um as heitige Rathaus aa de evangelische Erlöserkirch im neogotischn Klinkerstui fia d Evangelisch-lutherische Pfarrei baut worn, und dea Stui is in Rosnheim säiddn. Zum Anfang vom 20. Jåhrhundert warn in Rosnheim no nein Brauereien, de heit im Nama vo Gaststätten dahåitn san (Duschl-, Hof-, Mail-, Pernloher-, Stern-, Weißbräu). Bis heit überlebt ham nur da AuerBräu und da Flötzinger Bräu, de u. a. as Märzenbier fias Rosnheimer Herbstfest liefern, und aar as Bierbichler-Weißbräu.

Geschichtstafel

15 Militärstation Pons Aeni (Brücke, Gräberfeld, Töpfereien) 1234 Erste Nåchricht vom „Schloß Rosnheim“ 1276 Erste Nåchricht vo da Bruck iwan Inn und an Såiztransport 1328 Rosnheim werd „Gefreiter Markt“ 1602 Erste Marktordnung 1641 Da grousse Brand vo 1641 1700 Gründung vo am Bades 1719 As Schloß werd im Spanischen Erbfoige-Kriag zasteat 1745 As Schloß dafeit ganz 1810 In da Keniglichen Saline werd Såiz gesotten 1811 Erste Bogenbruckn iwan Inn 1864 Da Markt Rosnheim werd Ståd 1870 Rosnheim werd unmittelbare Ståd 1925 Gründung Hoiztechnikum Rosnheim 1971 Gründung vo da Fachhochschui 1982 Eröffnung da Stådhalle (iatz Kultur- und Kongress-Zentrum KU’KO) 1984 Errichtung vo da Fuaßgängerzone 1988 Eröffnung vom Ausstellungszentrum Lokschuppen 2006 Renovierung vo da Nikolauskirch 2007 Umbau vom Ludwigplåtz 2010 Landesgartenschau in Rosnheim

Eigmeindungen

Im Jåhr 1978 is des Stådgebiet im Zug vo de Gmoareform um wesentliche Teile vo da Gmoan Aising, Pang und Westerndorf St. Peter erweitert worn. Habbing ghead scho seit 1967 zua Ståd.

Eiwohnaentwicklung

As Bevölkerungswachstum betragt in de letzten 10 Jåhr ca. 3 Prozent.

Eiwohnaentwicklung Jåhr Eiwohna 1900 14.000 1950 ¹ 36.193 1961 ¹ 39.760 1970 ¹ 46.018 31. Dezember 1980 51.604 31. Dezember 1990 56.340 31. Dezember 2000 58.908 30. Juni 2003 59.820 30. September 2005 60.137 30. September 2006 60.295 30. September 2007 60.640

Detaillierte Angaben (Stand: 30. September 2007): „Art“ Anzoi in Prozent Eiwohna 60640 100 davo Weibads 31057 51,2 davo Mandln 29583 48,8 davo Deitsche 51014 84,1 davo Ausländer 9626 15,9

¹ Voikszählungsergebnis

Politik

Stådrat

Da Stådrat mit insgesamt 44 Sitzn setzt si wia foigt zsamm:

Ergebnisse da Stådratswahlen vo 2002 Partei Stimmen Prozent Sitz CSU 379393 46,76 20 SPD 186724 23,02 8 GRÜNE 56526 6,97 5 FW/UP 54146 6,67 4 REP 49617 6,12 3 WIR 50183 6,19 2 FDP 15030 1,85 1 ÖDP 19674 2,43 1

42.311 Biarga warn wahlberechtigt und de Wåibeteiligung war bei 50,11 %. S gibt 76 Stimmbezirke. Stand: 2. März 2008, 08:58:03 Uhr.

Rathaus

Buargamoasta

Obabuargamoastarin: Gabriele Bauer (CSU) 2. Buargamoasta: Anton Heindl (CSU) 3. Buargamoasta: Prof. Dr. Anton Kathrein (Freie Wähler/UP)

Wappn

Des Wappn vo da Ståd Rosnheim zoagt a weiße Rosn auf rotem Untergrund. Des ko auf des ehemalige Wappn vo Wassaburg am Inn zruckgeführt wern, wei Wassaburg Rosnheim bis 1247 regiert håd. Des äideste bekannte Siegel vo da Ståd Rosnheim stammt ausm Jåhr 1374 und zoagt bereits de Rosn, de bis heit net verändert worn is. Oanzige Ausnahm is a Bild vom Apian, was um as Jåhr 1568 entstandn is und a Bordüre um de Rosn zoagt. Zudem gibt's jetz scho länga a Logo vo da Ståd Rosnheim. Darauf is wiedarum de Rosn, de aa aufm Wappn is, zum findn.

Städtepartnerschaftn

Rosnheim untahoit de foigendn Städtepartnerschaftn:
	Lazise am italienischen Gardasee, seit 1974
	Briasåå (Frankreich), seit 1979
	Greiz (Thüringen), seit 1991
	Ichikawa (Japan), seit 2004
Rosnheim is befreundet mit:
	Kufstoa (Östareich)

Kultur und Sengaswürdigkeitn

Kultur- und Kongress-Zentrum

Theater

• as Kultur- und Kongress-Zentrum (KU'KO) is auf dem Areal, auf dem 1967 de Salinengebäude abtrang worn san. Es is a wichtige Einrichtung fia ålle meglichn Veranstaltunga und is 1997 eröffnet worn. De Veranstaltungen reichen vom Moastakonzert bis zum Kindertheater, vom Schauspui bis zum Musical. Ausstellungen, Messen und Präsentationen san im KU'KO ållawei Publikumsmagnet. As KU'KO håd iwa 3000 m²fia mehr wia 2000 Gäste.

Museen

• Seit 1885 gibts im Mittertor as Städtische Museum mit arana umfangreichn Sammlung (ca. 5000 Exponate) zua Kulturgschicht vo da Ståd und vom Landkreis Rosnheim vo da Vor- und Friahgschicht und da Remerzeit bis in de jüngste Stådgschicht im 20. Jåhrhundert. Es is oane vo de bedeitendsten regionalgeschichtlichen Sammlungen vo Südostoberbayern.
• As Inn-Museum beherbergt de wasserbau- und schifffahrtstechnische Sammlung vom Wassawirtschaftsamt Rosnheim und is im historischen Flussmeister-Bruckbaustadel an da Innbruck. Mit vui Originalobjekte zoagt des Museum d Innschifffahrt, de Quelln vom Woistand im Mittloita, in de vergangana Jåhrhunderte. Aussadem vermittelts Wissenswerts iwa d Flusslandschaft und an Flussbau, d Geologie, d Besiedlungsgschichte, d Schiffbautechnik, an Brucknbau und de Entwicklung vo de Wassaweg.
• As Hoiztechnische Museum is im Jåhr 1990 im denkmalgeschützten Ellmaierhaus eigricht worn. Es is im erschtn Stockwerk untabracht, zu dem ma iwa de sogenannte Himmesloata kimmd. Auf mehr wia 400 Quadratmeter Ausstellungsfläche zoagt des oamalige Museum, des in enga Zusammenhang mit der Hoizståd Rosnheim und de Ausbildungsstätten fia Hoizberufe steht, Hoiz ois Werkstoff, sei Bedeitung und Vaarbatung friara und heit. Zoagt wern net nur de Endprodukte, sondern aa eana Herstellung und de Werkzeig, de wos dazua braucht. Regelmäßige Sonderausstellungen rundn as Angebot vom Hoiztechnischen Museum ab.
• De Städtische Galerie is vo 1935–1937 vom Bestelmeyer German erbaut worn. Jährlich findn da sechs Kunstausstellungen statt. Nem zeitgenössischer Kunst wern aa Ausstellungen mit Werke ausm 19. und 20. Jåhrhundert zoagt. A thematischer Schwerpunkt is dabei de Kunst aus da Region und de Mingara Schui.
• Da Lokschuppen is a international renommierts Ausstellungszentrum mit Ausstellunga, de wo åi Jåhr wechseln.
• As Solepumpenhaus is oans vo de wenign Baudenkmäler in da Ståd, de an de Rosnheimer Salinenzeit vo 1810 bis 1958 erinnern. Im Rahmen vo da Landesausstellung Såiz Macht Gschichte håt de Ståd des Haus, des wås unta Denkmalschutz stäht, renoviern låssn und an Ausstellungsraum zua Rosnheimer Salinengschichte eigricht. Da Zuatritt is nur im Rahmen vo Stådführungen bzw. nåch Vereinbarung mitm Städtischen Museum möglich.
• Des Klepper-Museum beherbergt verschiedene Exponate, de net nur de Gschicht vo de Klepper-Boote, -Mäntel und -Zelte zoang, sondern aar an Werdegang vo da Firma Klepper, de friara da gresste Arbatgeba in da Ståd gwen is.

Fuaßgängazone mit Mittertor

Fuaßgängazone Münchner Str. mit Gillitzerblock

Bauwerk

• As Mittertor (das oanzige vo friara finf Markttore, wås s no gibt) war vor 1350 as Osttor vom Markt, wås dortmåis mit am doppelten Gråm geschützt worn is. Seitm 15. Jåhrhundert trennts an Inneren Markt vom Aissarn Markt und dient åis Zoistäi. Außerdem enthåit s bis zum 19. Jåhrhundert mehra städtische Einrichtungen wia as Stådschreiberzimmer. Nåch'm groussn Rosnheimer Stådbrand 1641 is da Zwiebelturm oobracht, spada da Langbau verlängert worn. Im Kern is as Mittertor des äideste Gebäude vo da Ståd. An da Fassadn zua Seitn vom Ludwigsplatz is des Wappn vo Rosnheim, de weiße Rosn auf rotem Grund. Danem is as boarische Wappn zum seng.
• Entlang vom Gillitzerblock führt de Münchner Straße, aa „gloane Fuaßgängerzone“ ghoaßn. Sofort ersichtlich san de prachtvoll restaurierten Gründerzeitfassaden. Den Nama Gillitzerblock verdankt des Ensemble seim Erbauer Thomas Gillitzer. Der håd am End vom 19. Jåhrhundert auf am fia damalige Verhoitnisse riesigen Areal 15 Häuser baun låssn, drunta des Hotel Deitscher Kaiser. Ab de 1960er-Jåhr is des friara in si geschlossene Gründerzeitensemble duach Neu- und Umbaun verändert worn. Lediglich de Fassaden in da Münchener Straß san erhåitn bliem und san in de letzten Jåhr originalgetreu restauriert worn.
• De Quest-Kunstmühle is vo 1855 bis 1916 in mehra Bauabschnitten ois Industriekomplex. Sie is in de 1990er-Jahren renoviert und dient heit ois Gastronomie- bzw. Büroraum. Des Kraftwerk zua Quest-Kunstmühle liegt am Mangfallkanal.
• De Kunstmühle beherbegt de Ausstellungsräume vom Kunstverein Rosnheim. Im oberen Stockwerk vo da ehemalign Kunstmuih findn auf ca. 200 m² Ausstellungsfläche wechselnde Ausstellungen vo zeitgenössische Künstla, Austausch-Ausstellungen mit anderne Kunstvareine und aa ausstellungsbegleitende Aktionen statt.
• Des Ballhaus Rosnheim is im ehemaligen Gebäudekomplex vom Hofbräi Rosnheim untabracht. Da Saalbau mit Festsaal und Gewölbekeller is 1878 entstandn. Es is ab 1994 renoviert worn und steht seit 2001 wieda ois Veranstaltungsraum zua Verfügung und buidt mit seine vein Nutzungsmöglichkeitn a Zentrum vo da östlichen Oidståd vo Rosnheim.

Skulpturen des Salingartens

Name	Künstler
Wassarad	Josef Hamberger
Stehende	Rolf Märkl
Liegende	Marianne Lüdicke
Mensch und Pferd	Prof. Heinrich Kirchner
Norne	Louise Stomps
Passantengruppn	Erika Maria Lankes
Stele	Alfred Regnat

Parks

• Auf da Kunstwiese san ganzjährig zeitgenössische dreidimensionale Kunstwerke da Künstlergmoaschaft Rosnheim zum seng.
• Da Riedergarten is 1729 ois privater Kräutergarten des Rosnheimer Stådapothekers Johann Rieder. Er is 1925 vom Mediziner Dr. Hermann Rieder da Ståd ois Sommergarten verkauft. 2002 is da Riedergarten nei gestaltet und kriagt duach de Öffnung des vormals unterirdisch glengen Stådbaches a modernes Gepräge.
• Da Salingarten is seit 1987 vor dem Kultur- und Kongresszentrum Ku'Ko zu am Skulpturenpark worn, in dem Großplastiken bedeitender Buidhaua aus Rosnheim und Umgebung zum seng san.

Plätze

• Da Max-Josefs-Platz – friara da Innere Markt und Schranne – is 1984 zua Fuaßgängerzone worn. Da historische Marktplatz is umgem vo Biargahäusa im typischen Inn-Salzach-Stil (hoachzonge, horizontal abgschlossene Fassaden; Arkadengäng; Erker). De Häuser entstengan nåch dem groaßn Brand vo 1641. Im Kern stamman sie teilweis aus'm 14. Jåhrhundert. Vormois schmale Hoizhäuser san zu stattliche Patrizierhäusa zsammagefasst. Des Wirtshausschuid am Haus Stockhammer zoagt an Schiffszug. Des Weinhaus Fortner „Zum Santa“ is 1642 gotisch umgestaltet und 1745 mit a Frührokoko-Stuckatur verseng worn. In da Weinstubn is a gotisches Gewölbe enthalten. Des Haus Nr. 22 war vo 1641 bis 1878 des Rathaus vo Rosnheim. Vor'm Bergmeister-Haus, mit a sehenswerten Rokoko-Eingangstür, is a Brunnen mit der Spätrokoko-Statue vom Hl. Nepomuk, Schutzpatron da Schiffsleit.
• Da Ludwigsplatz werd vom Max-Josefs-Platz duach des Mittertor trennt. Er war Teil vom sogenannten äußeren Markt, der infolge da Erweiterung vo Rosnheim nåch 1500 entstandn is. Gesäumt werd da Platz vo Biargahäusa im Inn-Salzach-Stil. Da Fischbrunna, a Werk vo Georg Albertshofer aus'm Jåhr 1928, erinnert dro, daß da friara lebendiger Fisch verkafft worn is. Am Schuahhaus Reindl legt a Kugel aus napoleonischer Zeit Zeignis vo am kriagrischen Ereignis im Jåhr 1810 ab. Auf am Teilbereich vom Platz findt regelmäßig da Greane Markt statt mit am reichen Angebot an frischm Obst, Gmias und Blumen. Momentan werd da Ludwigsplatz im Zug vo da Umgstoitung wenga da Landesgartenschau 2010 umbaut.
• De Loretowiese dient de mehra Zeit vom Jåhr ois kostenlosa, innenstådnaher Groaßparkplatz (P5). Alle zwoa Jåhr (gerade Zahl) findt dort de überregionale Handels- und Warenschau SOM (Südostmesse) statt. Jeweils am letzten Samstag im August start' auf da Loretowiese de sogenannte „Fünfte Jåhreszeit“, des Rosnheimer Herbstfest.
• Auf dem Salzstadel warn seit 1559 de Salzstadel, de zua Lagerung der duach de Samer herbeigeführten Salzes dient ham. Sie san duach an Brand 1889 vernichtet worn.
• Jüngeren Datums is da Salinplatz. Nåch'm Abbruch da Saline in de 1960er-Jahren is a ganz neis Wohn- und Geschäftsviertel mit Wohnblöck und Hochhäusa unweit vom neien Bahnhof entstandn. In de 1980er Jåhr is auf dem Gelände u.a. aa de heitige Stådhalle (KUKO) errichtet worn. Mit a Planungszeit vo acht Jåhr is vo 1985 und 1987 in nur 18 Monaten da Salinplatz auf a Flächn vo 12.000 m² mit sein Wohn- und Geschäftshäusa und aa am groaße unterirdischen Parkhaus (P6) entstandn. Da Salinplatz is Fuaßgängerzone und lockt duach seine vein Gschäfte und aa dank da Nähe zum Bahnhof allawei vei Bsuachr oo. Zur Weihnachtszeit findt dort aa a kloana Christkindlmarkt statt.

Kirchen

• De Stådpfarrkira St. Nikolaus is 1450 ois spätgotischer Bau mit Spitzhelmturm baut worn. Nåch'm Stådbrand vo 1641 is da Neibau mit Zwiebeturm (65 m) - dem heitign Wahrzeichn vo Rosnheim - entstandn. De Inneneinrichtung is dem Zeitgeschmack entsprechend mehrmois verändert, d.h. de Kira håt a barocke bzw. neigotische Einrichtung. 1880 is des Kirchenschiff um drei Joch in Richtung Ludwigsplatz verlängert worn. Ab 1960 kriagt des Kircheninnere sei heitigs Ausseng. Äidestes Kunstwerk is des Schutzmantelmadonnenbuidl vo am unbekannten Moasta aus'm Jåhr 1514. De Kira is am 10. Dezember 2006 mit a Altarweihe nåch mehrjähriger Renovierung wiedaeröffnet worn.
• De Hl.-Geist-Kirche is geng 1449 vom Biarga und Brauereibesitzer Hans Stier erbaut (Spitalstiftung). Da gotische Bau is ab 1684 barockisiert und da Turm, der ursprünglich an gotischen Spitzhelm trang håt, kriagt a barocke Zwiebe. Innerhalb da Wolfgangskapelle is des Lucca-Bild, a Seccomalerei aus'm 15. Jåhrhundert.
• De Filialkira St. Johann Baptist und Heiligkreuz in Westerndorf is 1668 vermutlich nåch Pläne des Münchener Baumoasta Konstantin Bader erbaut worn. A weithin sichtbares Zwiebedach sitzt auf'm kreisrunden Kirabau. Im Inneren werd da vierpassförmige Grundriss vo am griechischen Kreiz mit gleich lange Kreuzarmen buidt. Wänd und Decken san verziert mit friahbarockem Stuck Miasbacha Herkunft.
• De Pfarr- und Woifahrtskirche Hl. Blut, de am südlichen Stådrand vo Rosnheim liegt, is in da iatzigen Form geng End vom 17. Jåhrhundert entstandn, da spätgotische Chor um 1508. 1686/87 is de Kira duach Hanns Mayr aus Hausstatt barock umbaut worn. Im Chor findt si üppige Hochbarockstukkatur, de Stukkatur im Langhaus is wesentlich sparsamer. Kernstück da Kira is de spätgotische Schnitzgruppn vom himmlischen Gnadenstui, a Hauptwerk vom Moasta vo Rabenden aus da Zeit um 1510. Nem da Kira is de Brunnenkapelln, de End vom 17. Jåhrhundert anstelle da äidan vo Hanns Mayr errichtet worn is.
• De Kapelln am Roßacker laßt da Rosnheimer Bierbrauer Martin Schmetterer 1737 unta dem Nama Zu de siem Zuafluchtn auf Grund vo am Gelübde unmittelbar nem seim Bierkeller errichten. Er stiftet dazua a Eremitnbenefizium mit oam an de Kapelln anschliaßnden Haus. Baumoasta war Abraham Millauer aus Hausstatt. Da Moasta vom Naturstoa-Hochaltar is unbekannt, des Altarbuidl stammt vo Johann Zick und stellt de Heilign siem Zufluchten dar. Des kirchliche Kloaod is da oanzige in si geschlossene barocke Kirchenbau vo Rosnheim. Da Ortsteil „Roßacker“ is äida ois Rosnheim. Da Name reicht bis ins Jåhr 1160 zruck.
• De Evangelische Erlöserkirche is 1886 nem dem Rathaus im neogotischen Klinkerstil erbaut worn. De Ausstattung is zum Teil neogotisch und is in de 1970er-Jahren umgstaltet worn. De Kreuzwegbilder san vo Petra Winterkamp.
• De Spitalkirche St. Josef besitzt a Rokoko-Kanzel mit üppigem Schnitzdekor. Des Altarbild, und aa de übrigen Gemälde, de des Lem vom Hl. Josef darstelln, stamman vo dem Rosnheimer Maler Joseph Anton Höttinger. Sengaswert is des groaße Votivgemälde, des den Pandureneinfall und de Beschiaßung vo Rosnheim im Oktober 1744 zoagt.
• De Loretokapelle auf da Loretowiesn håt de Casa santa in Loreto in Italien ois architektonisches und aa namentliches Vorbild. Sie is 1636 eigweicht worn. Loretokapellen wern im deitschn Sprachraum ab dem 16. Jåhrhundert erbaut – oft ois Stiftungen adeliger Pilger nåch ihrer Rückkehr vo a Loretowoifahrt.

• 

  Pfarr- und Woifahrtskira Hl. Bluat

• 

  links: Stådpfarrkira St. Nikolaus, rechts: Heilig-Geist-Kira, im Hintergrund de Kampenwand

• 

  Kapelln am Roßacker

• 

  Evang.-Luth. Erlöserkirch

Einrichtungen

• De Stådbibliothek Rosnheim (am Salzstadel) is 1996 im Gebäude a ehemaligen Mälzerei eröffnet worn. Auf ca. 1200 m² findt da Bsuach'r a modernes und umfassendes Angebot an Biachan, Zeitschriften, CDs, CD-ROMs und vieles mehr. In da Kategorie Mittelstådbibliotheken (50.000 – 100.000 Eiwohna) erreicht de Stådbibliothek Rosnheim - Wia aa in de Vorjahren - den erschtn Platz vom Bibliotheksindex.
• Des Stådarchiv is seit 1937 in am Seitnbau da Städtischen Galerie. Nåch umfassender Aktualisierung beherbergt es derzeit ca. 2500 Regalmeter Akten, Pläne, Urkunden, Landkarten und vieles mehr. Des Archivgut und de wissenschaftliche Regionalbibliothek ko vo jedermann kostenfrei benutzt wern. Ois bayerisches Pilotprojekt Archivpädagogik bietet des Stådarchiv nem Sonderausstellungen, Vorträgen, Lesungen, Führungen fia Schulklassen und interessierte Gruppen aa Betreuung vo Facharbeiten oo. A modern gestalteter Leseraum bietet Platz fia 30 Leit und aa PC-Arbatsplätze mit Internetanschluss.

Landesgartenschau 2010

De Ståd Rosnheim is Ausrichter vo da Landesgartenschau 2010. In Vorbereitung vo dera Veranstaltung wern groaße Umbaumaßnahmen in Innenståd und an Mangfall und Inn as Stådbuidl nei prägn und auf d Landesgartenschau 2010 ausrichten. So werd da Bahnhof seit Mai 2008 aufwendig barrierefrei umbaut.

Sport

Rosnheim håt a lange Eishockeytradition. De Anfänge vom Eishockey-Sport reichn zruck bis ins Jåhr 1928. Somit ghert Rosnheim zsamma mit Füssen, Garmisch-Partnkira und Bad Däiz zu de äidestn Eishockey-Standort in Bayern. Da Sportbund DJK Rosnheim (SBR) is 1982, 1985 und 1989 deitscha Moasta worn und erreicht 1988, 1990 und 1992 des Finale um de deitsche Moastaschaft. 1993 foigt da freiwillige Abstieg in de zwoate Bundesliga. Mit a aus dem eigna nåchwuchs buidten Mannschaft gelingt da sofortige Wiederaufstieg in de erste Bundesliga. 1994 is de erste Bundesliga in de DEL umgewandelt worn, zu de Gründungsmitgliadan zäit da SBR. De Eishockeyabteilung is vom Stammverein Sportbund DJK Rosnheim abgespaltn und in de Starbulls Rosnheim GmbH umgewandelt worn. Nåch mehra Jåhr in da DEL is de Lizenz nåch Iserlohn verkafft worn. Da Verein muaß ois Starbulls Rosnheim e. V. in da untersten bayerischen Liga wieda vo vorn oofanga, schafft aba in da Saison 2003/2004 den Aufstieg in de Oberliga (dritthechste Liga). Groaßa Wert werd bei den Starbulls Rosnheim auf de Eishockey-Nachwuchsarbeit gelegt. Aushängeschuidl is dabei de DNL-Mannschaft, de in da Saison 2005/2006 de Deitsche Vizemoastachaft erringt. Da greßte vo insgesamt acht Fuaßboivereine is da TSV 1860 Rosnheim. De erste Mannschaft håt scho mehrmois in da Bayernliga gspuit und ghert momentan (2007) da Landesliga Süd oo. Mit insgesamt 11 Mannschaften werd beim TSV 1860 Rosnheim a sehr intensive Jugendarbeit betrieben. In da Saison 2006/2007 schafft aa da Sportbund Rosnheim den Aufstieg in de Landesliga Süd. De Mitglieda vom Kajak-Klub Rosnheim (KKR) erzieln internationale Erfolge. Sogar Welt- und Europamoasta (zum Beispui Claudia Brokof) gengan aus den Reihen vom Verein hervor und aa aktuell ghern Athleten vom KKR zua internationalen Spitze. Da deitschn und teilweis internationalen Spitze ghern aa Sportlerinnen und Sportler in de Disziplinen Badminton (PTSV Rosnheim), Boxen (ASV Happing), Leichtathletik (TSV 1860 Rosnheim), Faustball (MTV Rosnheim), Rock'n'-Roll-Tanzsport (Rock'n'-Roll-Club Rosnheim) und aa Schi-/Snowboardfahrer und Kampfsportler mehrar Vereine oo. De vier mitgliedstärksten Breitensportvereine vo Rosnheim san de Sektion Rosnheim vom Deitschen Alpenverein, SB/DJK Rosnheim, da Schiclub Aising-Pang und aa da TSV 1860 Rosnheim. De greßten Sportstätten vo Rosnheim san des städtische Eisstadion (Kathrein-Stadion), des fia 6300 Zuschauer Platz bietet, de Gabor-Halle (1200 Plätze) und no des Jahnstadion vom TSV 1860 Rosnheim und da Campus des SB/DJK Rosnheim.

Regelmäßige Veranstaltungen

• Rosnheimer Starkbierfest (Mitte März)
• Rosnheimer Stådfest (zwischn Juni und August; alle zwoa Jåhr)
• Rosnheimer Herbstfest (Beginn: Letzter Samstag im August, Dauer: 16 Tage) Es is des greßte Voiksfest in Südostoberbayern. Mit oi Jahr üba a Million Bsuachan is' nåch dem Münchner Oktoberfest und dem Straubinger Gäubodenfest des drittgreßte Voiksfest in Bayern.
• Messe Friahling Rosnheim (alle zwoa Jåhr im Friahling)
• City-Lauf (Mitte Juni)
• Christkindlmarkt Fuaßgängerzone (ab Freitag vor dem 1. Advent bis 24. 12.)
• Faschingstreim (jedn Faschingsdienstag)
• Rosnheim in Bewegung (Mai), mit groaßem Autosalon, Themenpark Freizeit, Fun & Fitness, Shopping-Sonntag u. v. m.
• Lange Nåcht da Kunst, Kultur und Unterhaltung (alle zwoa Jåhr im Herbst, abwechselnd mit'm Stådfest)
• Kloakunsttag (Mitte Oktober)

Wirtschaft und Infrastruktur

Innenståd mit Stådcenter, Raiffeisenbank, Sparkasse und Karståd im Hintergrund

Rosnheim is ois Zentrum vo am Ballungsraum vo in ebba 150.000 Eiwohna de wichtigste Einkaufsståd im gesamten südostoberbayerischen Raum. Sie bietet a umfassendes Angebot in de Bereichen Bekleidung, Einrichtung (drei groaße Möbelhäuser), Unterhaltungselektronik, Schmuck, Dienstleistungen und Gastronomie. Da überwiegend vo mittelständischer Wirtschaft geprägten Ståd is' gelungen, vor oim im traditionellen Rosnheimer Bereich Hoiz a eigenes Profil zu entwickeln. Rosnheim is da Sitz vo mehra, teilweis international agierende hoizverarbeitenda Unternehma. De Bandbreite reicht vo da Herstellung vo Parkettböden bis zua Fenstertechnik. Den Betrieben da Hoizbranche steht dabei des Wissen mehrar Ausbildungsstätten vor Ort zua Verfügung (schaug unta „Schui und Buidung“). De Ståd Rosnheim fördert de Hoiztechnik duach den Ausbau vom Holz-, Informations- und Technologiezentrums (HIT). No a wirtschaftlicher Schwerpunkt liegt in da Informations- und Kommunikationstechnik. Rosnheimer Unternehma san aa international vor oim in de Bereichen Antennen-, Funk- und Telekommunikationstechnik, Softwareentwicklung, IT-Dienstleistungen und Consulting tätig. Weltweit bekannte Unternehma aus Rosnheim san Gabor shoes, de Hamberger Industriewerke GmbH (Parkettmarke HARO), Kathrein (Antennen, Elektronik), Schattdecor (Dekordruck) oda Klepper (Faltboote).

Arbatsmarkt

Zum 30.6 2005 håt de Ståd Rosnheim 27.600 sozialvasicherungspflichtige Beschäftigte.

Beschäftigtigungsverteilung (1. Quartal 2006)

Branche	Anteil (in %)
Land- und Forstwirtschaft, Fischerei	0,3
Produzierendes Gwerbe	28,4
Handel, Gastgewerbe und Vakehr	25,0
Sonstige Dienstleistungen	46,3

Pendler

Innerhalb des grenzüberschreitenden Raumes Rosnheim–Kufstein–Såizburg gibt's enge Beziehungen. Viele Arbater, aba aa Schuikinda und Studenten pendeln zwischn Östareich und Bayern, und a baar Unternehma ham Standorte in de drei Zentren.

Pendlerstruktur (06/2005)

Art	Anzahl
Einpendler	17.691
Auspendler	9.170

Arbatslosenquote

De rechte Statistik zeigt, daß de Arbatslosenquote des Arbatsamtbezirk Rosnheim in de Jåhr 2002–2006 permanent unta dem Bundes- und dem Landesduachschnitt lag. Des is unta andam drauf zruckzuführen, daß Rosnheim in da „Super-Region-Alpin-Arc“ liegt. De Europäische Kommission beurteilt den Raum, da des gesamte deutsche, östareichische und italienische Alpengebiet umfasst, ois wirtschaftlich stärkste Super-Region da EU.

Erfassungsraum	Arbatslosenquotn (in %)
Ståd Rosnheim	6,6
Arbatsamtbezirk Rosnheim	3,7
Bayern	4,5
Deitschland	8,1

(Stand: Oktober 2007)

Vakehr

Straßnvakehr

Ans überregionale Strassnnetz is Rosnheim üba de Autobahnan A8 Minga–Såizburg und A93 Rosnheim–Kufstein und aa d B 15 oobundn. De B 15 is im Summa 2005 zwischn da Autobahn und da „Panorama-Greizung“ auf vier Spuren ausbaut worn. Langfristig is a autobahnähnlicher Neibau vo da B 15, de B 15neu, zwischn Rengschburg, Landshut und Rosnheim plant. Seit etla Jåhr werd aa üba a Reihe vo Umgehungsstrassn nåchdacht, damid d Innenståd vom Vakehr entlast werd. Nåch langer Planung is 2005 mitn Bau vo da südlichen Umgehung Panorama-Schwoag oogfanga worn. Des Vorhaben war umstritten, wei de Straß de Koitnauen, a Landschaftsschutzgebiet, duachquert. A Voiksentscheid im Jåhr 2003 is aba zugunsten vo da Strass ausganga. Sie is im Mai 2007 fertiggstellt worn. Weitere Projekte san d Westtangente Rosnheim, fia de 2006 da Planfeststellungsbeschluss erfoigt is, und de dritte Innbruck, de an Inn beim Ortsteil Langapfunzn überquern soll.

Schienenverkehr

Mit aram Volumen vo täglich rund 20.000 Fahrgäst is da Bahnhof Rosnheim da siebtgreßte Bahnhof in Bayern. Rosnheim is a Eisenbahnknotenpunkt und werd vo den Bahnstreckn Minga–Kufstoa (Kursbuachstreck 950), Minga–Såizburg (Kursbuachstreck 951), Rosnheim–Muidorf (Kursbuachstreck 944) und Rosnheim–Hoizkircha (Mangfåtåibahn, Kursbuachstreck 958) berührt. De Östareichischen Bundesbahna fahrn auf da Verbindung Såizburg–Landl/Rosnheim (– Kufstoa) im Zweistundentakt ohne Halt mit Fernzig vo Wien und Såizburg nåch Innschbruck und Vorarlberg üba de Rosnheimer Kurvn. In Vorbereitung auf de Landesgartenschau 2010 werd seit Mai 2008 da Bahnhof aufwendig barrierefrei ausbaut und mit aram Tunell a elegante Verbindung zwischn am Stådzentrum und den südlichen Stådgebiete hergstellt. Dabei werd de ganz Zeit allierter Luftaufnahmen ausgwert und Munitionsreste gsuacht, damit des Tunell zwischn am Hammerbåch (der wo unterm Bahnhof durchfliasst) und am Empfangsgebäude baut wern ko. Des ziagt aa Veränderungen vo da Oberleitungsgeometrie nåch se.

Öffentlicher Busverkehr

Da Regionalverkehr Oberbayern biett Anbindunga vo de Gmoandn vom Landkreis mit der Ståd Rosnheim und den benachbarten Landkreise. Da Stådbusverkehr werd vo aram privaten Busunternehma eigenwirtschaftlich, d.h. ohne kommunale Beteiligung und fast ganz ohne Zuaschüss vo da öffentlichen Hand, betriem. Des Unternehma betreibt 12 Stådbuslinien und aa 4 Nåchtvakehrslinien, de montags und dienstags vo 5 bis 21 Uhr verkehrn, mittwochs und donnerstags vo 5 bis 23 Uhr, freitags vo 5 bis 2 Uhr und samstags vo 8 bis 2 Uhr. De kleanan Stådteile am Stådrand (Westerndorf am Wasen, Unterfürstätt, Langapfunzn, Happing, Kastenau) san im Stundentakt oobunden, de Haupt-Wohngebiete und -Eirichtunga (Pang, Oasing, Oasingerwies, Aicherpark, Fachhochschui, Traberhof) im 15-Minuten-Takt. De Linien 8 und 9 bindn de Nåchbarståd Kolbermoor im 30-Minuten-Takt oo. Da Nåchtverkehr fahrt in vier Ringlinien fast alle Stådteile oo, ausgenommen Egarten, Unterfürstätt und Oberwöhr. De zentrale Bushaltestelle Stådmitte dient ois Verknüpfungspunkt mit Info-Center im Ticketzentrum. Üba 4 Mio. Fahrgäste nutzen an Rosnheimer Stådbusverkehr im Jåhr 2006. An Sunn- und Feiertag findt koa Stådbusverkehr statt, im Gengsatz zu ähnlich groaße Städt wia beispuisweis Landshuat.

Medien

Seit 1989 gibt's in Rosnheim des Lokalradio Charivari und seit 2001 den Jugendsender Radio Galaxy. De Sendefrequenzen san 92,3 MHz und 96,7 MHz fia Radio Charivari, 106,6 MHz fia Radio Galaxy. Bereits 1987 geht des Regionalfernsehen Rosenheim (RFR) im Kabelnetz an den Start. Anfang 2004 is des Sendegebiet um de Landkreise Mühldorf, Oidäding, Traunstein und Berchtesgadener Land erweitert und des RFR in RFO (Regionalfernsehen Oberbayern) umbenannt; es erreicht inzwischn in ebba a halbe Million potenzieller Zuschauer. De Verbreitung erfoigt üba diverse Kabelnetze in Südostbayern, üba DVB-T, üba Antenne und aa digital üba Satellit (DVB-S) auf Astra 19,2° Ost. Des Oberbayerische Voiksblatt (OVB) is de Regionalzeitung in Ståd und Landkreis Rosnheim und im Landkreis Mühldorf und aa im westlichen Teil vom Landkreis Traunstein. Sie erreicht mit de Regionalausgaben a Druckauflage vo knapp 80.000 Exemplaren und rund 220.000 Leser in da Region. Seit Beginn 2007 erscheint de pressewoche nei auf dem Rosnheimer Zeitungsmarkt. Des kostenpflichtige Wochenblattl werd in Rosnheim verlegt. Außerdem decken den Landkreis Rosnheim foigende Anzeigenblätter ab: Des kostenlose Anzeigenblattl Rosnheimer Nåchrichten werd herausgem vo da INNdependent Media GmbH, a Tochter da östareichischen Verlagsgruppe Såizburger Nåchrichten. Des Blatt erreicht in ebba 175.000 Haushalte in de Landkreisen Rosnheim, Traunstein und Berchtsgoan und is somit de auflagenstärkste Wochenzeitung zwischn Minga und Såizburg. De Rosnheimer Nåchrichten erscheinan seit dem 9.8 2007 im kompakten Halbberliner Format. Seit 1986 erscheint in Rosnheim, Cheamgau, Mangfalltal und aa Wassaburg de Wochenzeitung blick, und werd vo da Blickpunkt Verlags-GmbH & Co. KG herausgem. Des kostenlose Anzeigenblattl erscheint im halbrheinischen Format und berichtet üba lokale Veranstaltungen und Nåchrichten. De Auflage belafft si derzeit auf in ebba 82.000 Exemplare. Des echo erscheint ebenso oi Woch und werd vo da Pons Aeni Verlag GmbH in Rosnheim herausgem. Des kostenlose Anzeigenblattl erreicht im Landkreis Rosnheim in ebba 78.000 Haushalt. . blick und echo san Mitglied in da Anzeigenblattgruppn Südbayern.

Buidung

In Rosnheim bestengan 15 Schuin mit 8500 Schuikinda unta da Trägaschaft da Ståd Rosnheim. Darunter san zehn Grund- und Hauptschuin, a Sonderpädagogisches Förderzentrum, zwoa Realschuin und drei Gymnasien. Zudem gibt's a private Wirtschaftsschui, a Fachoberschui und aa a damit vabundne Berufsoberschui, zwoa Berufsschuin, finf Berufsfachschuin fia verschiedene Ausbildungsberufe und de Hoachschui Rosnheim. Duach den Fachbereich Hoiztechnik da Fachhochschui mit seim Lehrinstitut da Hoizwirtschaft und Kunststofftechnik und aa de Staatliche Fachschui fia Hoiztechnik, de in Rosnheim Hoizingenieure, -wirte und -techniker ausbilden, knüpft Rosnheim an sei jahrhundertelange Tradition ois Zentrum vom obaboarischen Hoizhandl, da Hoizgewinnung und -bearbeitung oo.

Persönlichkeitn

Ehrnbiarga

Rosnheim håt derzeit zwoa Ehrnbiarga:

• Dr. Michael Stöcker, ehemaliga Obabuargamoasta
• Dr. Albert Steinbeißer († 1991), ehemaliga Obabuargamoasta

Buam und Dechta vo da Ståd

Johann Adlzreiter vo Tettenweis	(1596–1662)	Hofkanzler vom Kurfiarst Maximilian I.
Sebastian Finsterwalder	(1862–1951)	Landvermesser und Mathematiker
Johann Klepper	(1868–1949)	Gründer vo de Klepperwerke, Herstellung da Klepper-Mäntel und Klepper-Faltboote, 1948 Ehrnbiarga da Ståd Rosnheim
Josef Enzensperger	(1873–1903)	Bergsteiga, Naturwissenschaftla, Meteorologe
Hermann Göring	(1893–1946)	Oberbefehlshaba da Luftwaffe im Dritten Reich
Hans Ritter vo Lex	(1893–1970)	1949–1960 Staatssekretär im Bundesinnenministerium, 1961–1967 Präsident vom Deitschen Roadn Kreiz
Willy Rösner	(1893–1966)	Schauspuia
Franz Maierhofer	(1897-1943)	Gauleiter da NSDAP fia Niedabayern-Obapfoiz
Fritz Fend	(1920–2000)	Autobauer
Bernhard Müller-Hülsebusch	(* 1937)	Journalist und Autor
Siegfried Fischbacher	(* 1939)	Zaubakünstla „Siegfried & Roy“
Klaus Schimmöller	(* 1941)	Domdekan im Bistum Eichstätt, Diözesanrichter am Bischöflichen Offizialat Eichstätt
Günther Maria Halmer	(* 1943)	Schauspuia
George Dzundza	(* 1945)	US-amerikanischer Schauspuia
Sylvia Nasar	(* 1947)	Autorin vo A Beautiful Mind
Günter Gobmeier	(* 1949)	Leichtathlet
Ludwig Baumann	(* 1950)	Bass-Bariton
Wolfgang Binder	(* 1957)	Moderator beim Bayerischen Rundfunk, friara im Bobsport und in da Leichtathletik aktiv
Tatjana Mittermayer	(* 1964)	Freestyle-Schisportlerin, olympische Silbermedaille 1998
Raimond Hilger	(* 1965)	Eishockeyspuia
Rainer Krug	(* 1968)	Snowboarder, Vizeweltmeister Paralellslalom 1996
Mark Benecke	(*1970)	Kriminalbiologe
Mathias Behounek	(* 1975)	Snowboarder, Olympiateilnehmer Salt Lake City 2002, Gesamtweltcup 2. im Parallelslalom 1995
Katharina Offel	(* 1976)	Springreiterin
Robert Müller	(* 1980)	Eishockeyspuia
Rupert Wagner	(* 1980)	Kanurennsportler
Martin Tomczyk	(* 1981)	Rennfahrer
Andrea Diewald	(* 1981)	Eiskunstläuferin

Persönlichkeitn mit Bezug zu Rosnheim

Michael Schmaus	(1897-1993)	katholischer Dogmatiker, absolviert des Gymnasium in Rosnheim
Alois Hundhammer	(1900–1974)	bayerischer Politika, 1945–1948 Vorsitzender da CSU, 1946–1950 Staatsminister fia Unterricht und Kultus, 1946–1970 MdL fia den Stimmbezirk Rosnheim
Waldemar vo Knoeringen	(1906–1971)	Politika (SPD), 1946–1971 MdL, 1949–1951 MdB, 1958–1962 Stellv. Vorsitzender da SPD in Bayern, lebt in Rosnheim (Aisingerwies)
Otfried Preußler	(* 1923)	Kinderbuchautor (Hauptwerke: Räuber Hotzenplotz, De kloane Hexe, Krabat), ehemaliger Rektor an da ev. Voiksschui Rosnheim, lebt in Haidholzen (Gde. Stephanskirchen)
Franz Neubauer	(* 1930)	Politika, 1977–1978 Staatssekretär im Justiz- und 1978–1984 im Innenministerium, 1970–1986 MdL fia Rosnheim, 1984–1987 Minister fia Arbat und Sozialordnung, 1982–2000 Sprecher da Sudetendeitschn Landsmannschaft, kimmt ois Vertriemer 1946 nåch Rosnheim
Horst Rankl	(* 1940)	Schriftsteller, Rosnheim is sei Heimatståd
Edmund Stoiber	(* 1941)	Ministerpräsident vo Bayern, bsuacht in Rosnheim des Ignaz-Günther-Gymnasium.
Franz Xaver Gernstl	(* 1951)	Dokumentarfilmer, lebt bis Mitte da 1970er Jåhr in Rosnheim und sammelte im Filmclub Lokschuppen erste Erfahrungen.
Eisi Gulp alias Werner Eisenrieder	(* 1955)	is a bayerischer Schauspuia, Kabarettist, Fernsehmoderator und -reporter und Comedy-Star. Eisi Gulp wohnt seit einiger Zeit in Rosnheim.
Armin Kratzert	(* 1957)	Schriftsteller, wachst in Stephanskirchen auf und bsuacht in Rosnheim des Gymnasium
Bastian Schweinsteiger	(* 1984)	Fuaßboi-Nationalspuia, gspuit håt vo 1992 bis 1998 beim TSV 1860 Rosnheim.
Tobias Schweinsteiger	(* 1982)	Fuaßboispuia, gspuit håt vo 1992 bis 1996 beim TSV 1860 Rosnheim.

Drucksocha

• Otto Titan vo Hefner: De Chronik von Rosenheim, Rosnheim, 1860
• Carl O. Renner: Rosenheim, Rosnheimer Verlagshaus, 1998
• Carl O. Renner: Da Rosenheimer Salzkriag, Rosnheimer Verlagshaus, 1995
• Karl Mair, Michael Pilz: Rosenheimer Stådbilder: Ansichten aus finf Jåhrhunderten, Historischer Verlag Rosnheim, 2001
• Hans Heyn: Rosenheim, Ståd und Land am Inn, Rosnheimer Verlagshaus, 1985
• Alois Willi: De Ståd Rosenheim – Ihre Erscheinung und Raumbeziehung, In: Forschungen zua deitschn Landeskunde. Bd. 51., 1951
• Armin Furtner: Da Gillitzerblock – de Gschichte a Stådteilzerstörung, In: Rosenheim – unsere Umwelt, de Ståd – unsere Ståd, Herausgegeben vom Rosnheimer Forum fia Städtebau und Umweltfragen e.V., 1993

Externe Links

 Commons: Rousnam – Sammlung vo Buidl, Videos und Audiodateien

• Hoamseitn vo da Stodt Rousnhoam

Landkroas und kroasfreie Städt vo Bayern

Aichach-Friedberg | Amberg (Stod) | Amberg-Suizbåch | Ansbach | Ansbach (Stod) | Aschaffenburg | Aschaffenburg (Stod) | Augschburg | Augschburg (Stod) | Bad Däiz-Woifradshausn | Bad Kissingen | Bamberg | Bamberg (Stod) | Båssa | Båssa (Stod) | Bayreith | Bayreith (Stod) | Berchtsgoana Land | Cham | Coburg | Coburg (Stodt) | Dachau | Deggendorf | Dillingen a.d.Donau | Dingolfing-Landau | Donau-Rias | Ebersberg | Eichstätt | Erding | Erlanga (Stodt) | Erlanga-Hächstadt | Landkreis Fiarstnfoidbruck | Forchheim | Freising | Freyung-Grafenau | Fürth | Fürth (Stodt) | Garmisch-Partnkira | Günzburg | Haßberge | Hof | Hof (Stod) | Inglstod (Stod) | Kaufbeiren (Stod) | Kelheim | Kempten (Stodt) | Kitzingen | Kronach | Kulmbach | Landsberg am Lech | Landshuad | Landshuad (Stod) | Lichtenfels | Lindau | Main-Spessart | Memmingen (Stod) | Miasboch | Miltenberg | Minga | Minga (Stod) | Muihdorf a.Inn | Nei-Ulm | Neiburg-Schroomhausn | Neimarkt i.d.OPf. | Neistodt a.d.Aisch-Bad Windsheim | Naistadl | Niamberg (Stod) | Niamberga Land | Obaallgai | Oidäding | Ostallgai | Pfahofa a.d.Uim | Reng | Rengschburg | Rengschburg (Stod) | Rhön-Grabfeld | Rosnheim | Rosnheim (Stod) | Roth | Rottal-Inn | Schwabach (Stod) | Schwandorf | Schweinfurt | Schweinfurt (Stod) | Starnberg | Straubing (Stod) | Straubing-Boong | Tirschenreith | Traunstoa | Untaallgai | Weidn (Stod) | Weilheim-Schogau | Weißenburg-Gunzenhausen | Wunsiedel i.Fichtelgebirge | Wiazburg | Wiazburg (Stod)

 

Dea Artikl basiat auf ara frein Ibasetzung vom söim Artike in da Wikipedia auf deitsch. A Listn mid de Autorn vo drentn konst da do aa oschaugn.