Steiamoak

Aus Wikipedia
Wexln zua: Navigation, Suach
Der Artikl is im Dialekt Ostösterreichisch gschrim worn.
Steiamoak
Štajerska
Österreich Karte (Steiermark)
Laundesflaggn Laundeswobbm
Laundesflaggn Laundeswappm
Basisdatn
Landeshauptstod: Graz
Greßte Stod: Graz
ISO 3166-2: AT-6
Hoamseitn: http://www.steiermark.at/
Politik
Landeshauptmaun: Franz Voves (SPÖ)
Regiarnde Partein: SPÖ, ÖVP und FPÖ
Sitzvateilung im
Laundtog

(56 Sitz):
SPÖ 23
ÖVP 22
KPÖ 2
Grüne 3
letzte Woi: 26. Septemba 2010
näggste Woi: 2015
Beväikarung
Eiwohna: 1.210.971

(Staund: 1. Jenna 2013)

- Rang: 4. von 9
Beväikarungsdichtn: 74 Eiwohna/km²
Sprochn: Deitsch,
regional: Slowenisch
Geografie
Flächn: 16.391,93 km²
- dovo Laund: 16.244,4 km² (99,1 %)
- dovo Wossa: 147,53 km² (0,9 %)
- Raung: 2. von 9
Hechsta Punkt: 2.995 m (Hocha Dochstoa)
Tiefster Punkt: 200 m (Mur beim Austritt aus der Steiermark)
Vawoitungsgliadarung
Bezirke: 1 Statutorstod
12 Bezirke
1 Politische Expositur
Gmoana: 539
- dovo Städt: 34
- dovo
Moaktgmoana:
127

De Steiamoak (slowejnisch Štajerska) is a Bundeslaund vo da Republik Österreich. As is s zwatgresste Bundeslaund, waumma noch da Flächn gehd. As grenzt an Owaestarreich, Niadaestarreich, Soizbuag, Buagnlaund und Karntn, und im Sidn an Slowenien. De Laundeshauptstod vo da Steiamoak is Graz, de zwatgresste Stod vo Estareich.

Gschicht[VE | Weakln]

1180 is de Steiamoak von deran Bindungan zu de Herzogtümer Bayern und Karntn glöst wurn und is söba a Herzogdum woan. Kurz drauf hot mas de Babenberga und späta de Hobsburga als Herzogdum untastöt. Va durd weg is des gaunze Laund sche laungsaum, aba sicher imma klana wurn, wal im 13. Johrhundat hot da Ottokar in Traungau obgebn und Piiten haums a weggnaumman. Nochn Erstn Wödkriag haums daun de Untersteiamork ans daumolige Jugoslawien hergebn miaßn, aba seit daumois is de Steiamork so, wie sie is.

Eadkunde[VE | Weakln]

Des Bundesland Steiamoak hod a Flächn vo 16.391,93 km² und is damit s zwatgresste Bundesland vo Österreich. Se hod a 145 km lange Außngrenz mit Slowenien.

De Steiamoak is in mehrare Regiona gliadat. Noch da Flächn is de Obasteiamoak am greßtn, de wos vo de neadlichn Laundesgrenzn bis zan Steirischen Raundgebiage sidlich vo da Mur-Miaz-Fuachn reicht. De Weststeiamoak liegt sidlich davo und westlich vo da Mur. De Oststeiamoak liegt estlich vo da Mur und siüdlich vom Wechsel und vo de Fischbocha Oipn. Zwischn Ost- und Weststeiamoak liegt de Laundeshauptstod Graz. De regionale Eiteulung vo da Steiamoak is nua vaständlich, waun ma waß, dass friacha no a Untasteiamoak gebm hod. Des woa s gmischtsprochige deitsch-slowenische Gebiet mit da Hauptstod Marburg. Des Gebiet si nochm 1. Wödkriag zu Jugoslawien kumma und gheat heit zu Slowenien.

De Steiamoak wiad aa de „Greane Moak“ oda s „Greane Heaz vo Estareich“ gnennt, weu rund 61 % vo da Bodnflächn bewoidet is und a weidans Viatl vo Wiesn, Weidn sowia Obst- und Weingäatn eignumma wiad. Da Haupfluss vo da Steiamoak is de Mur.

De Steiamoak hod owa aa an Aunteu an de Oipn: s Ennstoi mit dean schroffn Föisn, vom Dochstoa bis zan Nationalpark Gesäuse, und de Gebirgsplateaus zwischn Hochschwab und Rax. De Obasteiamoak und de oststeirische Thermenregion san wichtige Tourismusgebiete.

Statutarstod[VE | Weakln]

  • Landeshauptstod Graz

Beziake[VE | Weakln]

Bezirk Verwaltungssitz Fläche
(km²)
Einwohner
(1.1.2013)
Kfz-Kennzeichen
(auslaufende)
Bruck-Mürzzuschlag Bruck an der Mur 2.155,82 101.245 BM (MZ)
Deutschlandsberg Deutschlandsberg 0863,49 060.437 DL
Graz Graz 0127,58 265.778 G
Graz-Umgebung Graz 1.100,71 144.316 GU
Hartberg-Fürstenfeld Hartberg 1.219,52 089.183 HF (FF, HB)
Leibnitz Leibnitz 0681,50 077.674 LB
Leoben Leoben 1.099,69 062.027 LE, LN
Liezen Liezen, Gröbming 3.270,37 079.040 LI, GB (BA)
Murau Murau 1.384,58 028.939 MU
Murtal Judenburg 1.675,38 073.343 MT (JU, KF)
Südoststeiermark Bad Radkersburg 1.064,22 089.160 SO (FB, RA)
Voitsberg Voitsberg 0678,60 051.778 VO
Weiz Weiz 1.070,48 088.051 WZ

Aungrenzende Gebietskärpaschoften[VE | Weakln]

Owaestareich Niadaestareich
Soizburg Compass card (de).svg Buagnland
Karntn Slowenien
Panorama vo da Nordoststeiamoak vom Ringkogl


Steirische Kuchl[VE | Weakln]

De bekauntaste steirisch-kulinarische Spezialität is woascheinli s Kernöi. Bsundas bekaunt san an no weit iwa s Land ausset: Des Vahockat, de Käfabauln, da Schücha, da Steirische Junka und de Produkte vo da Schokoladenmanufaktur Zotter. De Steiamoak is aa a Laund vo de Biabraua, bekaunt san: s Murauer, s Schladminger, s Puntigamer, s Reininghaus und s Gösser Bia.

Zua den berihmdn typisch steirischn Moizeitn zöht a da Sterz. Dea Sterz wiad auf vaschiedanste Oat gmocht und wiad oft scho in da Fruah mitn Kaffee gessn (voa oim da Polenta) genauso wia ois Hauptmoizeit oda zua Suppn gessn. Im sea bekauntn Voiksliad "Da Steirische Brauch" (in Gstanzlfoam) wiad vom (...) Tiaknsterz mit ana Schwaummsuppn drauf (...)" gsunga.

Fuaßnotn[VE | Weakln]


Literadua[VE | Weakln]

  • Heinz Held: Kärnten und Steiermark. DuMont Kunst-Reiseführer; DuMont Buchverlag, Köln; 2. Auflog 1981; ISBN 3-7701-1097-8

Im Netz[VE | Weakln]

 Commons: Steiamoak – Oibum mit Buidl, Videos und Audiodateien