Farchat

Aus Wikipedia
Der Artikl is im Dialekt Werdenfoiserisch gschriem worn.
Woppn Deitschlandkoatn
Woppn vo da Gmoa Farchat
Farchat
Deitschlandkoatn, Position vo da Gmoa Farchat heavoaghobn

Koordinaten: 47° 32′ N, 11° 7′ O

Basisdotn
Bundesland: Bayern
Regiarungsbeziak: Obabayern
Landkroas: Garmisch-Partenkirchen
Hechn: 672 m ü. NHN
Flächn: 25,76 km2
Eihwohna: 3641 (31. Dez. 2020)[1]
Bevökarungsdichtn: 141 Einwohner je km2
Postleitzoi: 82490
Voawoi: 08821
Autokennzeichn: GAP
Gmoaschlissl: 09 1 80 116
Address vo da
Gmoavawoitung:
Am Gern 1
82490 Farchat
Webseitn: www.gemeinde-farchant.de
Burgamoaschta: Martin Wohlketzetter (SPD)
Log vo da Gmoa Farchat im Landkroas
Karte
Karte

Farchat (amtli: Farchant) isch a Gmoa an ouwaboarischn Landkroas Garmasch-Patakurch mit 3.624 Ejwohna (31. Dez. 2014).

Eadkund[Werkeln | Am Gwëntext werkeln]

Farchat lieg a da Luisa a da Regiou Zugspitzland an Werdnfoisa Land. Dej Gmoa lieg zwischn zwoa Gebirg, dejs oane isch as Ammagebirg wou d'Sunn untageat un wou d'Sunn aufgeat, dejs isch as Eschdagebirg. Garmasch-Patakuarch isch südle ebba 4 Kilometa weida un im Nordn kimmscht noch ebba 80 km auf Minchn eje.

Es exischtiern fuignde Marchen: Farchat

Gschicht[Werkeln | Am Gwëntext werkeln]

Um ebba 600 n. Kr. san am Toi a da oidn Rejmastraß, da Via Claudia Auguschta, vou deara ma a bor Sticklan nou ganz guad fohrn hot kenna, nuije Ortschaftn gründat worn. Do dabej war ou Farchat. Dej easchtn Leid, dia wou do gwount hom, hom ihrn Ort noch da Farch, dej wou üwaroi wüd gwachsen isch, Forchheida g'nennt. Dej easchtn Derfla warn wohrscheinle nou Heidn un hom eana Hörwa in Form vou oafache Huizhittna kheid.

Sou umra 750 sen irische un schottische Mönch as Ouwaland kemma und hom dej Ejwohna zum Chrischtentum bekehrt. Ma geat ou davou aus, dass um dej söbe Zeit auf aran oiden heidnischen Blotz dej easchte Huizkurch baut worn isch.

Dejs easchte moi auf an Zejtl aufgschriem hot ma Farchat an Joar 807. Do ischas drum ganga, dass da Graf Irminher ausn druia Inndoi mitn Bischof Atto vou Freising gschtrien kheid hod.

Da Bischof Emicho aus Freising hot 1294 an Luisadoi vui Zuig und Land zamkofft und auf oan Schlog hot dejs Hoachstift Freising as Song kheid und eanane Bsitztüma zua Grafschaft Werdnfois zamgfasst, dejs a nacha nou bis as Joar 1803 gejm hot. Seitn Reichsdeputationshauptschluss vou 1803 g'heat da Ort zu Bayern. Mit dej Vawoitungsreforma im Kinireich Bayern isch mitn Gmoaedikt vou 1818 dej hejntige Gmoa entstanna.

Politik[Werkeln | Am Gwëntext werkeln]

Gmoarot[Werkeln | Am Gwëntext werkeln]

Da Gmoarot vou Farchat setzt si aus 17 Mitgliada zsam, inklusiv am Burgamoaschta.

CSU SPD Freie Woia Gsamt
2008 6 3 7 16 Sitze

(Stand: Kommunalwoi am 2. Mörz 2008)

Burgamoaschta isch da Martin Wohlketzetter (SPD).[2]

Woppn[Werkeln | Am Gwëntext werkeln]

Dejs Woppn schauk a sou aus: Suiba auf an greana Boun dea mit an suiban Woinboiken belejk isch. Auf dejm Boun stean drui greane Farchen.

Vakea[Werkeln | Am Gwëntext werkeln]

  • Am 12. Dezember 2010[3] isch auf da Boustreck Minchn-Garmasch-Patakurch da Bouhoit Farchat wieda aufgmacht worn, do hom nämle seit 1984 koane Zieg mea g'hoiten. Dej Roasndn kenna etza oije zwoa Stunna[4] mim Zug vou und noch Minchn und Garmasch-Patakurch fohn.
  • Da Farchata Dunnl: An Mai 2000 isch da 2,4 Kilometa lange Farchata Dunnl eröffnat worn, dejs Bauwerk g'heat zua Ortsumgehung vou Farchat un hot dazua bejdrong, dass an Ort nimma a sou zuageat.

Buidung[Werkeln | Am Gwëntext werkeln]

An Joar 1999 hot Farchat foigende Einrichtunga kheid:

  • zwoa Kindagartn mit insgesamt 102 Kindergartnblatz
  • oa Vuiksschui mit zejchn Lehra und 215 Schüla
  • dejs Sonderpädagogische Fördazentrum Christophorus-Schui

Galerie[Werkeln | Am Gwëntext werkeln]

Beleg[Werkeln | Am Gwëntext werkeln]

  1. Genesis Online-Datenbank des Bayerischen Landesamtes für Statistik Tabelle 12411-001 Fortschreibung des Bevölkerungsstandes: Gemeinden, Stichtage (letzten 6) (Einwohnerzahlen auf Grundlage des Zensus 2011) (Hilfe dazu).
  2. http://www.wahlen.bayern.de/kw/bgm.php Archivierte Kopie (Memento des Originals [1] vom 25. Septémber 2013 im Internet Archive) i Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/www.wahlen.bayern.de
  3. Wiedereröffnung des Bahnhofs Farchant@1@2Vorlage:Toter Link/www.pro-bahn.de (Seite nicht mehr abrufbar; Suche in Webarchiven) d'Webseitn vou PRO BAHN, Weilheim. Zletscht ougschauk am 23. Dezember 2010.
  4. KB960 (München-Mittenwald-Innsbruck) Kursbuach vou da Deitschn Bou 2011. Zletscht ougschauk am 23. Dezember 2010.

Literatua[Werkeln | Am Gwëntext werkeln]

  • Josef Brandner: Farchanter Drei-Föhren-Chronik, Farchant, Selbstverl., 1979

Im Netz[Werkeln | Am Gwëntext werkeln]

 Commons: Farchat – Sammlung vo Buidl, Videos und Audiodateien