George V. von Großbritannien

Aus Wikipedia
Da Georg V. auf am Foto vo 1923 Unterschrift vom Kenig George V.

George V. (* 3. Juni 1865 in Marlborough House in London ois Prince George Frederick Ernest Albert of Wales; † 20. Jenna 1936 in Sandringham) ausm Haus Sachsn-Coburg-Gotha woa vu 1910 bis zu seim Tod im Joare 1936 da Kenig vum Vaeinigtn Kenigreich vu Großbritannien und Irland (seit 1927: und Nordirlond) und Kaisa vu Indien.

Aufgrund vo am innenpolitischen Druck währendm Easchtn Wöitkriag hod da George V. am 17. Juli 1917 in anglisierten Namen vo seina Dynastie Saxe-Coburg and Gotha indn bis heid verwendeten Namen Windsor gändert.

Lebn[Werkeln | Am Gwëntext werkeln]

Heakunft und Kindheit[Werkeln | Am Gwëntext werkeln]

George V. ois Kind

Da George V. woa da zwoate Sohn vum Edward VII., dem spatan Kenig vu Großbritannien und da Alexandra vu Dänemark. Ea woa da Cousin vum deitschn Kaisa Wilhelm II., ebenso wia dea vum russischn Tzarn Nikolaus II., mit welchn ea sogor storke Ähnlichkeitn gmeinsom kopt hod. George stommt aus em deitschn Füastnhaus vo Sachsn-Coburg-Gotha und woa, seit 1714, da easchte britische Monarch, dea englisch, ohne an deitschn Akzent, gsprochn hot.

George V. ois Prince of Wales[Werkeln | Am Gwëntext werkeln]

In seina Jugnd hot ea scho da Marine dient und hot vü Teile vum British Empire bereist. Ea hotn Titel Herzog vu York trogn, und woa a a begeistata Jäga. Noch em Tod vu seim ältan Bruada Albert Victor im Joar 1892, is ea offiziella Thronfolga wuan, und domit zum Prince of Wales. Am 6. Juli 1893 hod ea im St. James's Palace die deitsch-englische Prinzessin Maria vu Teck gheiratet, de eigntlich die Valobte vu seim totn Bruada gwesn waa. Die Ehe is sea glücklich valoffn, in da Effntlichkeit hot ea ia oiwai groaße Vaeahrung gegniba brocht und zsommen hobns 6 Kinder kopt:

In die Joar vu 1905 bis 1907 wor George V. Lord Warden of the Cinque Ports.

Regiarung[Werkeln | Am Gwëntext werkeln]

Im Joahr 1910 is da George seim Vota Edward VII. auf en Thron gfoigt. 1911 is ea auf da sogenonntn Durbar in Delhi in Indien zum Kaisa vu Indien gekreent wordn, de gleichzeitig die letzte woa, de in Indien voizoogn woan is.

Easchta Wöitkriag und Onnohme vum Nomen Windsor[Werkeln | Am Gwëntext werkeln]

Da Ausbruch vum Easchtn Wöitkriag hot im Vaeinigtn Kenigreich zu ana massifn antideitschn Stimmung gfiaht. Ois easchts is da Vawondte vum George, Luis vu Battnberg, dea ois easchta Seelord in da Royal Navy dient hot und bei Kriagsausbruch nu dafia gsorgt hod, dass die britische Flottn mobil woa, massif attakkiat wordn. Battenberg hot sei Omt und sein Füastntitl aufgebn miassn und sein Nomen in Mountbatten ändan miassn und danoch hotn da Kenig zum Marquess of Milford-Heaven anonnt. A die deitschn Vawondtn vu sei Frau, Maria Teck hobn donn englische Odlstitl aholtn. Da Kenig selba hod si zwor als vollkommn britisch bezeichnet, is oba trotzdem vu seine Untatanen sea skeptisch betrochtet wordn, voa ollem nochdem ea sein Vetta Albert vu Schleswig-Holstoa vateidigt hod, dea britische Gfongenenloga beaufsichtigt hot. Oamol, ois da Premieeminista David Lloyd George zum Kenig bstellt woan is, soll dea sogor gsogt hobn: "Mecht wissn, wos mia mei kloana deitscha Freind z' sogn hot". Ois George's Cousin, Tzar Nikolaus II. in Russlond zum Obdonkn zwungen woan is, hot George eam es Asylrecht vaweigat, aus Furcht, de Onwesenheit vom in da britischen Bevölkerung verhassten Tzaren kunntat a in Großbritannien in Ausbruch vo ana Revolution fördern. Ea hod seim Cousin gschribn, dass es bessa fia eam waa, wenn ea doch in Frankreich oda Spanien Zuaflucht suachat, wos offnsichtlich bedeitet, dass ea koa Intresse dron kopt hot, eam z' höifn. Nochdem George imma mea unta öffentlichn Druck grotn is, hot ea die deitschn Flaggn, de traditionell, weng da Heakunft vum britischn Kenigshaus, in da St. George's Chapel in Windsor aufkängt woan, obnemmen lossn und mit dem patriotischen Akt seiner Popularität erheblichen Vorschub gleistet. Am 17. Juli 1917 is es Haus Windsor proklamiat woan, benannt nochm Windsor Castle, des de britische Monarchie seit 800 Jahren symbolisiert hod. Da Kenig hott damit fia sich und fia olle Nochkommen vu da Queen Victoria auf deitsche Nomen und Odlstitl vazichtet. Sei Vetta Wilhelm II. hot donn driba in Deitschland gspottet, ea tat sich scho drauf frein die Auffiahrung vum Stickl Die lustign Weiba vu Sachsen-Coburg-Gotha z' sehn. Zu sei Beeadigung hot ea en Herzog vu Sachsn-Coburg-Gotha (a a Vetta vum Georg) gschickt, dea in Nazi-Uniform aschienen is.

Spatare Regiarungsjoa[Werkeln | Am Gwëntext werkeln]

Die nächstn 20 Joa hot da George ruhig und ohne groaße Skandale vabrocht. Ea is fia de gewissnhofte Afüllung vu seine Pflichtn bekonnt gwesn. Nua zwoa Zwischnfäll san awähnensweat: 1927 hot ea sein Titl, duach die Unobhängigkeit vu Irland, in Kenig vum Vaeinigtn Kenigreich vu Großbritannien und Nordirlond ändan miaßn und die Weltwiatschoftskrisn ob 1929. Außadem woa ea im Joahr 1932 da easchte Monarch, dea die, inzwischn traditionell gwoane, Weihnochtsonsproch ans Volk koitn hot. Zu seim ältestn Sohn hot ea a ziemlich zwiaspältigs Vahältnis ghobt. Dessn Vabindung mit ana 2-mol gschiednen Amerikanarin hot ea ois a Sakrileg betrochtet. George hot si oiwei gweigat Wallis Simpson z' empfongen und ea hot a sei Frau schwöan lossn des nia z' toan, wenn ea a mol tot waa. Üba sein Sohn hot ea mit vü Weitblick sogn kenna: "Wenn I tot bi, donn weat sich dea Bua innaholb vu 12 Monat ruinian".

Peasönlichket[Werkeln | Am Gwëntext werkeln]

Goldsovereign George V. vu 1927

Da Kenig woa eigntlich nua mäßig gebildet und recht wenig b'lesen, sei Freizeit hot ea ois begeistata Philatelist, oiso mitm Sammln vo Briefmorkn, zuabrocht. Er hot die Briefmorknsammlung vum englischn Kenigshaus aufbaut (Royal Philatelic Collection), de heit oane da weatvoistn ibahaupt is und noch George's Tod is sie in Stootsbsitz ibagongan. Ea hod Raritätn vo Briafmarkn aus olla Welt kafft, und nua oa oanzigs Moi soi ea ibabotn woan sein, und des woa bei da Vasteigarung da British Guiana 1¢ magenta, de da Arthur Hind griagt hot. De Begeistarung fia des Hobby hot zum Schluss sogoa zua Ausbreitung vu dem Hobby in Großbritannien gfiaht.

Im Gegnsotz zu sein Vota, dea ois weltgewondt goitn hot, woa ea eha phantasielos und pedantisch, oba genau wia sei Vota woa a ea a extrema Raucha, wos eam long schware gsundheitliche Probleme bereitet hot. Sogor noch seina Lungenoperation hot ea stork weita gracht, sodass sich sei Zuastond imma weita vaschlechtat hot, bis sei Leiborzt Lord Dawson, mit da Zuastimmung vu da Queen Mary, sei Leidn vakürzt hot, idem ea erm a Übadosis Morphin gebn hot. Sei Sorg is in da keniglichen Gruft da St. Georges-Chapel in Windsor beigsetzt woan. Spata is dea no in a Hochgrob ibafüaht woan, in dem donn 1953 a Queen Mary beigsetzt woan is.

Im Netz[Werkeln | Am Gwëntext werkeln]

 Commons: Georg V. – Oibum mit Buidl, Videos und Audiodateien