Middloita

Aus Wikipedia
(Weidagloadt vo Mittloiter)
Wexln zua: Navigation, Suach
A middloitaliche Variantn vom Fenstaln, bei dera s'Schmoiz vo de Madln gfrogt war

Unda'm Middloita fastäd ma a Epoch fu da eiropäischn Gschichtschreimung un moand domid de Zeid} fu uma 500 n. Kr. bis uma 1500 n. Kr. S´Middloita is de Zeid zwischn da Antikn und da Neizeid

Mo undascheidt groub no in drei faschine Eiteilunga:

  • Friae Middloita | 500 n. Kr. bis 1000 n. Kr.
  • Houe Middloita 1000 n. Kr. bis 1250 n. Kr.
  • Spaade Middloita 1250 n. Kr. bis 1500 n. Kr.

De gsejschoftlichn Grundziag aus dera Zeid woan brägt fum Kristntum, da Ständ und am Feudalismus. De Buidungssproch woa Latein.

D´zeidliche Eioadnung[VE | Weakln]

Historisch gseng liagt da Beginn fum Middloita zwischn dem Eifoi vo de Hunnen ins Remische Reich 375 n. Kr., dem Untagong fom [[[Westremisches Reich|Westremischn Reich]] 476 n. Kr. und da Kristianisierung bis 600 n. Kr. und s`End umara 1500 n. Kr. mi'm Ofang vo da Friaen Neizeid.

s´Friae Middloita'

D´Hunnen, a asiatischs Reitafoik, ham mim Iwatritt iwa d´Woiga 375 n. Kr. de Alanen westwarts fadrängt und aso de Veikawanderung ausglöst. Des eh scho bolidisch ogschlonge Rämische Reich hod de Auswiakunga vo dera Wanderung ned iwastandn. So san mid da Zeid fui germanische Veika ins Westremische Reich eigfoin, wia de Godn, de Wandaln, de Franggn, de Buagunda, de Saxn de Bajuwarn und de Langobarn und hom doat eigne Reiche gmocht. Umara 600 n. Kr. hod se des ois a wengal beruhigt. Um de Zeid is dan de Bveikarung aa wieada gwogsn.

Ob 650 n. Kr. san donn de Araba iwa d´Strass fu Gibraltar un ham des Westgotische Reich in Spanien bis 720 n. Kr. untawoafa. Des woa des End fum gmoasama Hondlsraum fun Middlmeea. S´oanzige Voik, des sei Reich af'm Kontinent dahoidn hod kinna, woan de Franggn. Se ham se, bsondas duach am Koal on Groussn, weide Tei fu Westeiropa eifaleibt.

So is's Franggnreich zu seina Zeid fo de Pyrinäen im Westn bis zum Donauknia im Ostn, bis zua da Elbe im Norn und bis af Obaitalien gonga. Da Karl is nahat 800 n. Kr. zum remischn n. Kr. in Rom kränt woan. Des Reich is oba scho mit seine Enken ausanandagfoin. Aus dene Teilreiche is des friae Franggnreich und des Heilige Rämische Reich deitschter Nation worn.

In de Zeid foin no de Raubziag da Winkinga unda denen de Bwohna fu die britischn Inseln zum Leidn ghobt hom, sowia da Aifoi fu de Magyaren, de heitigen Ungarn.

Wirtschafdlich woa in frian Middloida da Naturalienhondl foaheschnd.

Füa d´Kuitua woa des a diafa Rückfoi, so san grod aus dera Zeid nua de Kiachbautn wos gwesen, wos ma heid no siagt. Lesn un Schreim hom zu dera Zeid nua de Klosterleit kennt, desweng is Latein a de Sproch bliam, mid dera se olle hom fastäning kenna.

Houe Middloita

Ois da Otto fu de Soxn in Rom zum Kaiser krent woan is und sou die Zeit des deitschn Kaiserreich ogonga is do begints s´houe Middloida. In dera Zeit hod se de Wiatschaftsfoam fum Feudalismus duachgsetzt und es woa de Houe Zeid da Ritta und da Minnesänga.

D´Kreizziag zua Befreiung fo de heiling Städ in Palästina foin genauso in de Zeid wia de Gründung fo de meistn Bettloadn fu de Priasta, de uns vom Noma noch guad bekönnt sei, wei fui Bia noch denen benannt is. A des krichliche Schisma, des hoast de Drennung fu da remischn Kiach und da Ostkiach is in dera Zeid gwen.

Duach de Christanisierung hom se in Noad und Osteiropa neie Reiche buit, wia Änglond, Noaweng, Ungarn, Bähmen und mid da Hiuf fo Byzanz duach de Wikinga da Kiewer Rus, da Foagänga fu Russland.

Um 1000 n. Kr. fonga de Christn a o, Spanien wiada zum Eaoban.

In dera Zeit fongt´s langsam wieda o, da Kultua gibt. So wean de groussn Kathedraln ogfonga zum baun, d´Minnesänga singa in da eingen Sproch un da filosofischä Zweig da Scholastik hod do sein Häepunkt.

Spaade Middeloita

Ob 1250 n. Kr. schbrichd ma dann fum spaadn Middeloata. Duach den Eifoi da Mongoin umra 1223 wead da Ostn fu da Entwciklung im Westn zruckgwoafa. Mid Akkon foid 1291 de letzt Kreizfoarafestung an da Levante un um 1350 brichd de Pest aus. Weil da so fui Menschn dro gstoam san, hod ma fuid Oabat mera Geid griagt. Sou hod d´Stoodt od de Leit fu da Stoodt s´Wirtschaftslem in Hand gnumma. Oba da Üwagong zua Geidwiatschoft is an zwoa Oatn bassiat. Oamoi in Idalien, wou de Stodstoon den Handl mim Orient in Hand gnumma hom und in Noadeiroba de Hanse.

S´End[VE | Weakln]

S´End vom Middeloita gehd fliassnd in de Friae Neizeit üwa. So san de seibn Uasochn füa auschlogemnd.

  • 1453 Foit Byzanz an de Tüakn
  • D´Rennisance beginnt
  • 1450 werd da Buachdrugg afundn
  • 1492 endeggt da Columbus Amerika, obwoi a Inden gschuacht hod
  • 1492 De Iberische Hoibinsel is fo de Christn zruckeobat