Roabouch

Der Artikl is im Dialekt Pongaurisch gschriem worn.

Roabouch Reinbach Stoudgmoa Seiger Hons an Pongau
D A A T E N
Bundeslond:	Soizburg
Bezirk:	Pongau (JO)
Orschtstoaé vah:	Seiger Hons i. Pg.
Heechen:	560 m y. A.
Eihwohna:	2135 (15. Mai 2001)
Póstloatzoi :	5600
Vurwoi :	06412
Gmoavawoitung:	Gemeindeamt Hauptstraße 18 5600 St. Johann i. Pg.
Netzseitn:	www.stjohannimpongau.at
P O L I T I K
Byrgermoaster:	Mitterer Gynther (Mitterer Günther) (ÖVP)

Roabouch (iwaregionoi ehernter: Roaboch, Reiboch oder Reinboch, Deitsch: Reinbach) is a Katastraalgmoa va da Stoud Seiger Hons i. Pg. und houd 2.135 Eiwoner. Sij lijgg an Pongau, im Soizburga Lond, za. 60 km vo da Stoud Soizburg wegg, an da Pinzgauer Bundesstrouss, ba Seiger Hons.

Oigmoas

Im oideeglichen Sprouchgebrauch va dia Eiwoner va Seiger Hons weascht ower netta da Westtoae va da KG (oiso Noi-, Ower-, Hinterroabouch, d' Roabouchsiadlung und Frooschau) ois Ortstoae „Roabouch“ bzeichnet, da Osttoae um d'Buachstoanersiadlung weascht moast ois „Poifnerderfe“ bzeichnet obwoi sejg weider an Osten drym lijgg und scho za da KG Oaeeden gheascht, dia Boohofsgeegand und de Gorschtensiadlung wern za Seiger Hons grechnet.

Roabouch is dia am schnejst woxande Katastraalgmoa va Seiger Hons. In d'80er und 90er Jour sand zoireiche Wonungsbleck (an Westen va da KG) baud wourn und da Toae Noiroabouch is entstonden. Zan Beginn va dia 80er Jour houds an Westen va da KG groud amoi a pour Oafamilienheiser in da Roabouchsiadlung, Ower- und Hinterroabouch gem. Weideaschts befinden se in da KG zwee Campingbleetz, a Kindergorschten, as Rode Kreiz va Seiger Hons, da ÖAMTC-Seiger Hons, da Boohof vo Seiger Hons, dia Postvateilungsstej vo Seiger Hons, zoireiche Betriawe, zwee kloane Kapejn und a pour Gostheiser.

Gliaderrung

De Katastraalgmoa Roabouch untertoaet se nuamoi in d'Toae Noiroabouch (Neureinbach), Owerroabouch (Oberreinbach) und Hinterroabouch (Hinterreinbach), da Roabouchsiadlung, sowia in dia Ortschouften Maurach (Maurach), Hoidorf (Halldorf) und Steeg (Steg). Weiderne Toae und Siadlungan sand Stoin (Stalln), Nogler (Nagler), d'Frooschau (Froschau), d'Unterwerkssiadlung (Unterwerkssiedlung), d'Buachstoanersiadlung (Buchsteinersiedlung), d'Gorschtensiadlung (Gartensiedlung) und d'Boohofsgegand.

D'KG-Grenz za da KG Oaeeden (Einöden) - Richtung Norn - bijdt da Oaeedbouch, za da KG Seiger Hons - an Westen - bijdt de Soizach d'Grenz, im Sidn dia Gmoagrenz va Seiger Veit und an Osten dia Gmoagrenz vo Mijbouch.

Weiderne Informaziona findst aa noh unter: Portoi Pongau