Wassabuag am Inn

Aus Wikipedia
(Weidagloadt vo Wasserburg am Inn)
Der Artikl is im Dialekt Westmiddlboarisch (Bayern) gschriem worn.
Wassabuag am Inn
Wasserburg am Inn

Wappn vo Wassabuag am Inn Wasserburg am Inn
Wassabuag am Inn Wasserburg am Inn
Deitschlandkartn, Position vo Wassabuag am Inn Wasserburg am Inn heavoghom
Basisdatn
Bundesland: Bayern
Regierungsbeziak: Obabayern
Landkroas: Landkroas Rousnam
Koordinatn: Koordinaten: 48° 4′ N, 12° 14′ O 48° 4′ N, 12° 14′ O
Hechn: 427 m ü. NN
Flächn: 18,80 km²
Eihwohna: 12.846 (31. Dez.. 2015)
Dichtn: 683 Eiw. pro km²
Sonstige Datn
Postleitzoi : 83512
Vorwoi: 08071
Kfz-Kennzeichn: RO, AIB, WS
Gmoaschlissl: 09 1 87 182
Adress vo da
Stodvawoitung
:
Marienplatz 2
83512 Wasserburg/Inn
Hoamseitn:
Politik
Buagamoasta: Michael Kölbl (SPD)

Wassabuag am Inn (amtli: Wasserburg a.Inn) is a Stod 55 Kilometa estli vo Minga. Beriahmt iss, wei da Inn se in ana Siem-Ochtl-Schleifn um de Stod umawindt, bis a vo Sidn heakemad wieda noch Noadn weidafliaßt.

De Stod is 1137 vom Hallgrafn Englbert grindt worn, nochdem ea sein Schdammsidz vo Limbuag ins heiddige Wassabuag valegd hod. Friahra woa de Stod a wichdiga Umschlogblodz im Soizhondl. Domois is des Soiz vo Reichahoi mi'm Ochsnkarrn noch Wassabuag brochd und vo do aus mi'm Schiff af'm Inn weidadransbordiad worn. Wia donn de Soleleidung vo Reichahoi noch Rosnheim baud worn is, woas mi'm Soizhondl voabei.

Wassabuag am Inn is da Sitz vo da gleichnamign politischn Stodgmoa Wassabuag am Inn. Zu da politischn Gmoa ghean no de foingdn eingne Orte:

  • Attel
  • Attlerau
  • Au
  • Edgarten
  • Elend
  • Gabersee
  • Gern
  • Heberthal
  • Kobl
  • Kornberg
  • Kroit
  • Langwiederberg
  • Limburg
  • Osterwies
  • Reisach
  • Reitmehring
  • Rottmoos
  • Seewies
  • Staudham
  • Viehhausen
  • Weikertsham

De Stod sejba hod foingde Stodtei, de wo siedlungsorganisch de Stod ausmocha:

  • Altstadt
  • Äußere Lohe
  • Burgau
    • Burgau Nord
    • Burgau Süd
  • Burgafeid
  • Burgstall
  • Kellerberg
  • Neudeck
  • Wuhr
  • Tegernau

De politische Gmoa hod 12.846 Eihwohna (2015). Friaha bis zua Landkroasgebietsreform in Bayern anno 1971 woa Wassabuag da Sitz vom Landkroas Wassabuag. Iatz liegt de Stod im neadlichn Tei vom Landkroas Rousnam.

In Wassabuag san zwoa bekonnte regionaje Muichvaoabata dahoam. Nämli de Firma Meggle, de wo wenga eanam Kraitabutta bekonnt is, und de Firma Bauer, de se mid iahm Joghurt an Nam gmocht hod.

Spoatli is Wassabuag bekonnt, wei de Damen-Basketboimonnschoft aktuej (2007) Deitscha Moasta is und es aa scho de drei Joar dovoa, nämli 2004, 2005 und 2006, woa.

Im Netz[Werkeln | Am Gwëntext werkeln]

 Commons: Wassabuag am Inn – Sammlung vo Buidl, Videos und Audiodateien