Hallein

Der Artikl is im Dialekt Sydflochgaurisch gschriem worn.

Hallein

Basisdaaten

Bundeslånd: Soizburg

Politischa Beziak: Hallein (Tennengau) (HA)

Flächen: 26,99 km²

Koordinatn: Koordinaten: 47° 40' N, 13° 5' O 47° 40' N, 13° 5' O

Hächn: 447 m i. A.

Eihwóner: 20.769 (1. Jén. 2016)

Dichten: 770 Eihwohna pro km²

Póstlaatzoi: 5400

Vuawoin: 0 62 45

Gmaandkennziffer: 5 02 05

NUTS-Región: AT323

Gmaandvawoitung: Schöndorferplatz 14
5400 Hallein

Webseiten:

www.hallein.gv.at

Bólitik

Buagamoasta: Gerhard Anzengruber (ÖVP)

Gmaandroot: (04/2014)

13 ÖVP, 6 SPÖ, 2 NEOS, 2 GRÜNE, 2 FPÖ

Loog voh da Stod Hallein

Hallein, im Hintergrund da Unterschberg

Hallein vam Kloaner Barmstoa aus gseeng

D' Oidstod vo Hallein

Hallein is a Stod an Bundeslaund Soizburg in Östareich. Sie is de zwoatgreessde Stod an Soizburga Laund und aso eppan zen Kilomeeter an Sidn vo da Laundeshaptstod. Sie is aa d' Bezirkshaptstod vam Hallein (Tennengau).

Da Naum "Hallein" kimmb vam oidhoudeitschen * hal(a)-^[1] und da Vakleanerrungsform „-lin“ (Neichoudeitsch „-lein“). Launge Zeid is ma vohra kejtischen Wurzel *hal- ‚Salz‘ asgaunger. Nochdems netta an Inselkejitischen a Umwaundlung vo s' auf 'h' gem hod, is ma heidzdog wiader vo derer Theorie mim kejtischen Ursprung okemmer.^[2] Weiders deitt de Betonung vo da easchten Sijm aa dodrauf hih, daas da Naum aus'm Germanischen herkimmb.

A' da Stod is aa schoh za da Zeid vo d' Kejten Soiz oobaud worn. As derer Zeid hod maraa vie oide Socher gfunden. Zweng dem gibs sogor a oagens Kejtenmuseum z' Hallein. Aa noh seer bekaunnt is de Brauerei an Stodtei Koidenhausen. Ausserdem hod z' Hallein laung da Gruawer Fraunz Xaaver gwont, des is da Komponist vam Weihnichtsliadel "Stije Nocht, Heilige Nocht", der glei neem da Kirch a' da Oidstod begroom is.

Leit[Werkeln | Am Gwëntext werkeln]

An Joar 1891 hod Hallein schoh 12.783 Leit ghob, an Joar 2001 bei da Voikszejung sands daunn schoh 18.399 gwen. Hallein woxt oiso schnejer wias restliche Bundeslaund. Bsundeascht ad 1970er Joar sand an Haffer Leit voh da Tyrkei und vam ehemoling Jugoslawien in d' Stod kemmer, weis z' Hallein an Haffer Industrie gibb und dozmois Orweiter a' derer gfejd haum. Da Ausländerauhtei a' da Stod betrogg dessweng heidzdog aso eppa 20 Prozent.

Gliaderrung[Werkeln | Am Gwëntext werkeln]

Hallein bstäht as d' foigernden Katastroigmoana:

Au (Au)
Dirnberg (Dürnberg) - besser bekaunnt ois: Bod Dirrnberg (Bad Dürrnberg), aa Heilbod Dyrrnberg (Heilbad Dürrnberg); INFO: de Katastroigmoa und de Ortschoft wern unterschiadlich gschriem.
Burgfriad (Burgfried)
Gaump (Gamp)
Grias (Gries)
Koidenhausen (Kaltenhausen)
Neioim (Neualm)
Reehof (Rehhof)
Toxoch-Riaf (Taxach-Rif)

Prominenz[Werkeln | Am Gwëntext werkeln]

s Groob vam Gruawer Fraunz-Xaaver und s Museum durt

Fux Herbert, Voiksschauspiejer
Ilsanker Herbert, Fuassboispiejer
Kuljić Sanel, Fuassboi-Nazionoispiejer
Neumayr Toni, Buagermoasta vo da Stod Hallein und vo Soizburg
Primočić Agnes, Politikerrin und Wiaderstaundskämpferrin
Stangassinger Thomas, Schieforer

Beleg[Werkeln | Am Gwëntext werkeln]

↑ Erschlossen aus ahd. hal(a)salz 'Salz aus der Salzquelle' und halhus 'Siedehaus des Salzwerkes, Saline'
↑ Siehe z. B. Etymologisches Wörterbuch des Althochdeutschen. Vandenhoek & Ruprecht, Göttingen 2009. Band 4, S. 754. Stichwort: hal(a)salz 'Salz aus der Salzquelle'