Main
Aus Wikipedia
 |
Da Titl vum Artikl is meadeitig. Weidare Bedeitungen findt ma unta Main (Begriffsklärung). |
| Main | |
|---|---|
 Da Main ba Kitzingen |
|
| Datn | |
| Log | Bayern, Deutschland |
| Läng | 524 km |
| Quäin | Fichtelgebirge (Weißer Main), Fränkische Alb (Rota Main) |
| Häh vo da Quäin | 887 (Weißer M.), 580 (Roter M.) |
| Mindung | ba Mainz-Kostheim in an Rhein |
| Häh vo da Mindung | ca. 82 m |
| Hähnuntaschied | ca. 805 m |
| Eizugsgebiet | 27.292 km² |
| Abflussmenge | 225 m³/s |
| Grossstädt | Wiazburg, Offenbach, Frankfurt, Wiesbaden |
| Mittlstädt | Bayreuth, Kulmbach, Lichtenfels, Bamberg, Schweinfurt, Aschaffenburg, Seligenstadt, Hanau, Maintal, Rüsselsheim |
| Rechte Neemfliss | Fränkische Saale, Kinzig, Nidda |
| Linke Neemfliss | Regnitz, Tauber |
| Häfn | In oin grässan und mittlan Städtn ab Bamberg. |
| Schiffbor | 388 km[1] (ab Bamberg) |
Da Main is mit 524 km da längste rechte Nemfluss vum Rhein und da längste Fluss, dea af seina gsamtn Läng innahoib vo Deitschland verlafft.
Da Main fliasst vo Ostn noch Westn, wo fia Mittleiropa ungwehnlich is. Ea fiaht duachs fränkische Mittlgebirg, duach historische Kloanstädt, duach Wiazburg und duachs fränkische Weinbaugebiet. Zwischn Mainz und Wiesbaden fliasst a in an Rhein. Davor valafft a no duach de Innenstodt vo Frankfurt.
Inhoitsvazeichnis |
[dro werkln] Datn
Da Main lafft durch de Bundeslända Bayern und Hessen. Im Bereich vo da Stodt Wertheim buidt a af rund 25 Kilometa Läng de Grenz zwischn Bayern und Baden-Württemberg. Er mindt ban Wiesbadener Stodttei Mainz-Kostheim in an Rhein. Rechnet mn de Regnitz mit da Pegnitz ois Quejfluss, hod ma a Gsamtläng vo 567 km Fliaßstreckn.
[dro werkln] Nama
Da Nama Main is vom indogermanischn Wortstamm *mein-/*moin-/*min- obgleitet, vawandt mit idg. *meu- "feicht, netzn, unreine Flissigkeit; waschn".[2] De Kejtn hom an Fluss Moin oder Mogin gnennt. Wia de Räma im 1. Joahundat v. Chr. in des Gebiet kema san, homs den Nama in Moenus, latinisiat so z. B. bei Plinius (naturalis historia) oda Tacitus (Germania). Im Mittloida is da Fluss moastns ois Moyn oda Moyne iwaliefat. Da Nam Meyn is zan easchtn Moi im 14. Jahrhundert aftaucht.
In de Mundortn, de wo entlang vom Main gsprocha wean, hoasst a:
- Maa in Obafrankn,
- Mee im estlichen Untafrankn,
- Maa (lokal teis nasalisiat, teis verdumpft) am Bayrischn Untamain
- Mää in da Aschaffenburger Gegend,
- Maa (nasalisiat) im Raum Frankfurt.
[dro werkln] Nebmfliss
De längstn Nebenfliss vom Main is de Fränkische Saale (rechts, 125 km), de Tauba (links, 114 km), de Nidda (rechts, 90 km), de Kinzig (rechts, 86 km) und de Regnitz (links, 59 km).
Zamma mit iam Quejfluss Pegnitz is de Regnitz olladings 162 km lang und damit da längste Nebmfluss. Aussadem fiat de Regnitz an da Mindung deitlich mehr Wossa (51,2 m³/s) ois da Main (42,1 m³/s), so dass se hydrographisch sogor ois da Haptfluss vom Mainsystems gejtn ko [3]. An da Pegnitz liegt außadem de mit Abstand grässte Stodt an am Main-Zuafluss, Niamberg.
[dro werkln] Grafik der Quell- und Nebenflüsse mit über 40 Kilometer Länge
(je mit Quellflüssen) 
[dro werkln] Oanzlnochweis
- ↑ Laut Hoamseitn vo da Wasser- und Schifffahrtsdirektion Süd san vo 524 km Mainlänge 388 km Wossastrossn http://www.wsd-sued.wsv.de/wasserstrassen/bundeswasserstrassen/main/index.html
- ↑ Albrech Greule, Wolfgang Janka, Michael Prinz (Hrsg.): Gewässernamen in Bayern und Österreich. edition vulpes, Regensburg 2005. ISBN 3-939112-00-3
- ↑ Gerlach, Renate: Flußdynamik des Mains unter dem Einfluß des Menschen seit dem Spätmittelalter. Trier 1990 (Forschungen zur deutschen Landeskunde 234), S. 23 f.
[dro werkln] Externe Links
| Commons: Main – Buidl, Videos und/oda Audiodatein |
| Wiktionary: Main – Bedeitungserklärunga, Wortherkunft, Synonyme und Iabasetzunga |
