Bomoas

Aus Wikipedia
Woppn Deitschlandkoatn
Woppn vom Moakt Bomoas
Bomoas
Deitschlandkoatn, Position vom Moakt Bomoas heavoaghobn

Koordinaten: 49° 4′ N, 13° 6′ O

Basisdotn
Bundesland: Bayern
Regiarungsbeziak: Niedabayern
Landkroas: Landkroas RengVorlage:Infobox Gemeinde in Deutschland/Wartung/Landkreis existiert nicht
Hechn: 689 m ü. NHN
Flächn: 45,26 km2
Eihwohna: 3559 (31. Dez. 2020)[1]
Bevökarungsdichtn: 79 Einwohner je km2
Postleitzoi: 94249
Voawoi: 09924
Autokennzeichn: REG
Gmoaschlissl: 09 2 76 117
Moaktgliedarung: 19 Ortstei
Address vo da
Moaktvawoitung:
Markt Bodenmais
Bahnhofstr. 56
94249 Bomoas
Webseitn: www.bodenmais.de
Buagamoasta: Joachim Haller[2] (CSU)
Log vom Moakt Bomoas im Landkroas Reng
Karte
Karte

Bomoas (amtle: Bodenmais) isa Moakt im nidaboarischn Landkroas Reng und a Heilklimadischa Kuaoat. Kenna mouma sei Beagweak und an Sejwabeag.

Log[Werkeln | Am Gwëntext werkeln]

Bomoas is duif im Boarischn Woid, siidwesdle am Fuas fom Groussn Arba, am hejxdn Beag z Bayern aussahoi fo de Oipm.

Gmoagliedarung[Werkeln | Am Gwëntext werkeln]

De bolitische Gmoa Bomoas hod 19 amtli gnennte Oatstei:[3]

  • Bergwinkl
  • Bomoas
  • Behmhof (Böhmhof)
  • Gloshittn (Glashütte)
  • Harlachberg
  • Karlhamma
  • Klausn (Klause)
  • Kohlplatz
  • Kothinghamma
  • Kreizseign
  • Moas (Mais)
  • Miesleuthen
  • Mooshof
  • Oberlohwies
  • Säiwabeag (Silberberg)
  • Sternhamma
  • Unterlohwies
  • Untastoahaus (Untersteinhaus)
  • Waid

Gschicht[Werkeln | Am Gwëntext werkeln]

Doppegipfe vom Säiwabeag
Lore af an Bremsbeag am Säiwabeag;

Im Urbar fo de boarischn Heazeg gfind se umara 1300, da easchde uakundliche Schriib iwa Bomoas, wou fom „Item das Goldwerch ze Pabenmaiz“, dazäid wiad. In da Midd voum 15. Joohundat homs in de Gruam z Bomoas, („des Allmächtigen Gottes Gabe“ gnennd), no Säiwa grom kod. 1485 hod Bomoas fom boarischn Heazog Albrecht IV. a bsondas Briwileg griagd und schbada, uma 1522 is da Oat za „voikomma gfreitn Beagstod“ woan.

Scho 1542 hodma koa Säiwa nimma gfundn kod und is dano aaf Vitriol umgschdiing. Vitriol isa Oxidazionszeigl wos in suifidischn Eazbeagweagl fiakimd. Des hodma domois zan Fäam fo Stoff fawend kod. 1580 is Bomoas Hofmark woan, s Rechd fo da freia Beagstod homs aafgem miassn. S Vitriol hodse uma 1760 kaam no fokaffa lossn. Zweng an naim Fofaan Poliaroud zmocha, wos zan Schleifa und Polian fo Glasln und Spiagl vawend woan is, hodma Bomoas in da Zeid fo 1870-1914 in da ganzn Wäid kennd kod. Owa boid hod ma des Zeigl kämisch mocha kinna und fia Bomoas hod ses dano nima rendiad. Am 27. Mai 1962 iss damid goa gwen.

Scho im 15. Joohundad hom se um Bomoas umma, Gloshittn oogsidld kod. Ab 1945 hod se Bomoas in de nexdn 30 Joo zan Glosvaedlungszändrum gmausad und hod heid de grässd Bleikristoiauswoi z Deitschland. Z Bomoas hodma friazeite aaf Fremdnvakea gsezd kod, wai se aussa da Glosmocharei koa andas Weagl im hintasdn Winkl fom Boarisch Woid oogsiedld hod. Scho im Joa 1883 is z Bomoas da Boarische Woid Vorein grind woan und nom Griag is da Fremdnvakea weida ausbaud woan. Bomoas is heid da bekanndasde und da moasd bsuachde Kuaoat im Boarischn Woid.

1945 homs Bomoas zan Lufdkuaoat gmochd und 1958 iss Moakt woan. 1962 hod ma oogfangt a khaizds Freibad zum ban, 1967 isa Kuahaus baud und 1972 iss Hallnbad in Betriab ganga. 1989 foigd a nais Rathaus mid Kuavawoitung, a Diafgarasch und a Kuapark. Zlezt im Dezemba 1992, griagt Bomoas des Prädikat „Heilklimadischa Kuaoat“.

Eihwona iwad Joo[Werkeln | Am Gwëntext werkeln]

  • 1970: 3288 Eihwohna
  • 1987: 3331 Eihwohna
  • 2000: 3466 Eihwohna
  • 2008: 3338 Eihwohna
  • 2014: 3285 Eihwohna
  • 2015: 3397 Eihwohna

Wappm[Werkeln | Am Gwëntext werkeln]

Bschriib: Teit duachn Umries fom Säiwabeag in Blau und Säiwa; oom da goidane Kuahuad midan säiwan Heamelinbsaz, unt greizd a schwoaza Schlegl und a schwoaza Beagmohamma.

Kuitua und Sengswiadekeitn[Werkeln | Am Gwëntext werkeln]

  • Katholische Pfoakiacha: De Bomoasa Kiacha is 1804/1805 in da Midd fom Moaktblooz baud, in Richdung Säiwabeag. 1955/1956 homs a Oktogon drobaud. Am Oidar isa Nochbuidung fom Gnadnbuidl vo Loreto, a Gschenk fom Kuafiaschtn, des scho am 16. Juni 1705 in a feialichn Brozession fo Moasriad no Bomoas kemma gwen is.
  • Hisdorischs Bsuachabeagweak am Sejwabeag: Seit 1962 deaf jeda Bsuacha ins Sejwabeagweak (Schaubeagweak). 1998 hom sex Leid, wou säimamoi im Beagweak goawad hom, des ganz Weagl kaffd kod und s Hisdorische Bsuachabeagweak im Säiwabeag aafgmochd.
  • a boo Glosblosarän: De grejssde und bekanndasde is de Joska Kristoi Glosblosarei, de a Pokoin fian Wintaschboat mochd.
  • Oids Rathaus: mida Sondaausstejung iwad Gschichd fom Beagbau und da Vitriolhittn am Sejwabeag z Bomoas.

Beleg[Werkeln | Am Gwëntext werkeln]

  1. Genesis Online-Datenbank des Bayerischen Landesamtes für Statistik Tabelle 12411-001 Fortschreibung des Bevölkerungsstandes: Gemeinden, Stichtage (letzten 6) (Einwohnerzahlen auf Grundlage des Zensus 2011) (Hilfe dazu).
  2. Der Bayerwald-Bote: Bodenmais: Joachim Haller (CSU) ist neuer Bürgermeister
  3. http://www.bayerische-landesbibliothek-online.de/orte/ortssuche_action.html?anzeige=voll&modus=automat&tempus=+20111211/012253&attr=OBJ&val=773

Schau aa[Werkeln | Am Gwëntext werkeln]

Im Netz[Werkeln | Am Gwëntext werkeln]