Lindberg

Aus Wikipedia
Zur Navigation springen Zur Suche springen
Woppn Koartn
Wappen vo da Gmoa Lindberg
Lindberg
Deutschlandkarte, Position vo da Gmoa Lindberg hervorgehoben
49.03333333333313.25665Koordinaten: 49° 2′ N, 13° 15′ O
Basisdatn
Bundesland: Bayern
Regiarungsbeziak: Niedabayern
Landkroas: Landkroas RengVorlage:Infobox Gemeinde in Deutschland/Wartung/Landkreis existiert nicht
Häh: 665 m ü. NHN
Fläch: 108,85 km²
Eihwohna: 2318 (31. Dez. 2016)[1]
Dichtn: 21 Eihwohna je km²
Postloatzoi: 94227
Voawoi: 09922
Kfz-Kennzoachn: REG
Gmoaschlissl: 09 2 76 130
Gmoagliedarung: 22 Ortstei
Adress vo da
Gmoavawoitung:
Zwieselauer Str. 1
94227 Lindberg
Hoamseitn: www.gemeinde-lindberg.de
Buagamoastarin: Gerti Menigat (Bürgerliste Lindberg)
Log vo da Gmoa Lindberg im Landkroas Reng
Karte


Lindberg is a Gmoa im niderboarischn Landkroas Reng direkt am Nationalpark Boarischa Woid.

Log[VE | Weakln]

Lindberg ligt in da Doana - Woid Regjon mittn im Boarischn Woid an da Glosstraß. Am Fuaß voum Foikastoa nua 4 km vo Zwiesl weg und 14 km noadestli vo da Kroasstod Reng. 30 km noadwestli is Grafnau und 14 km sans zua Grenz in d Tschechei in Boarisch Eisnstoa .

Im estlichn Tei vo da Gmoa, in da Nat vo da tschechischn Grenz, do is s Houmoor Schluttagassn midm Latschnsää.

Gmoagliedarung[VE | Weakln]

De politische Gmoa Lindberg hod 22 amtli benannte Oatstei[2]:

Es gibt de Gemarkunga Lindberg und Zwieslawoidhaus.

Gschicht[VE | Weakln]

D Pfoakircha vo Lindberg

Lindberg hod zan Rentamt Straubing und zan Landgricht Zwiesl im Kurfürstentum Bayern kead. De Grindung da Oatschaft geht ins Joa 1345 zruck und 1356 soin scho 19 Bauanhef in Lindberg gwen sa. Noch und noch san no 21 Oatstei dazua kemma, de olle mitanand de heidige Gmoa (bstäd seit 1821) buidn.

1997 san zwoa Drittl da Gmoaflech zan Gebiat voum Nationalpark Boarischa Woid dazua kumma und san untan strenga Schutz gstejd.

Zan Brauchtuam kead de Glosmocharei, vo alm im Oatstei Ludwigsthoi.

Gloshittn Ludwigsthoi[VE | Weakln]

De Oatschaft Ludwigsthoi in da Gmoa Lindberg, is aus a sea bedeidatn Gloshittn mid Hittnsiedlung fiara ganga. De is 1826 voum Gloshittnmoasta Georg Christoph Abele vo Hurknthoi im Behmawoid grind und nochm Kene Ludwig I. gnennt. Zam mid Schwarzenthoi bei Philippsreit, worns de bedeidatstn Spiaglgloshittn im domaligen Baiern. 1833 is da Hittngrinda gstoam und sei Bruada Ferdinand hods ibanumma. D Frau voum G. Ch. Abeles Sohn Wilhelm, a geborne Hafnbrädl, hod de Hittn vo 1844 bis zan Konkuas im Joa 1861 gleit. Da Josef Pauli, Metzgamoasta vo Zwiesl hod den Bsitz dasteigad und hod noch zwoa Brand, 1871 und 1873 af Hoiglos umgstejd. 1901 hods da Anton Röck aus Zwiesl pacht und hod zama mid da Renghittn und da Hittn in Schliersee a Aktiengsaischaft grind. Im Erschtn Wejdgriag homs de AG afglest und 1928 is d Brodugtijon eigstejd worn. 1948 is de Hittn wida afgmocht und 1955 an Rudolf Angerer vapacht worn. In dera Zeid hom 200 Leid in da Gloshittn Ludwigsthoi Oawat kobt. 1981 woas goa.

Schloss Ludwigsthoi

Heid ainnan no s Schloss vo de Hittnherrn, d Wohnheisl vo de Glosmocha und d Ruin vo da Gloshittn sejm, an de Ludwigsthoia Glanszeid. A Schaugloshittn in Ludwigsthoi knipft an de "glosane" Tradition voum Oat an da Glosstraß o.

Partnagmoa[VE | Weakln]

Lindberg hod sait 1987 a Partnaschoft mid da Gmoa Puchanau vo Owaestareich. Da Olass fia de Partnaschoft war, wei Puchenau und da Oatstoi Buchenau(Lindberg) fast den sejm Nama hom.[3]

Wappm[VE | Weakln]

In Goid aus schwoazn Dreiberg woxnd, a greana Lindnzwoag mid drei Bladln.

Sengswiadigkeidn[VE | Weakln]

S Bauanhausmusäum
  • D Pfoakiacha St. Josef da Oawata z Lindberg is a schlichda moderna Bau von A. Hornsteiner aum Joa 1958
  • D Pfoakiacha Hl. Herz Jesu in Ludwigsthoi kead zu de kinstlarisch bedeidatsn Sagralbautn aus da Joahundatwend . Da Johann Baptist Schott hods 1893/94 dabaut und da renomiade Jugndstilkinstla Franz Hofstötter hods mid Glosmosaikn und gmoidn Fenstan, sowia mid Freskn im byzantianischn Stil ausgstatt.
  • Schaugloshittn in Ludwigsthoi
  • Bauanhausmusäum Lindberg: 1975 hod da Franz Handlos zam mid seina Frau Helga an oidn, in Blockbauweis bauds Bauanheisl ois Musäum hergricht. Aussam Bauanheisl gibds no a Ausdrogsheisl, wos ois Wiatshaus gnudzt wiad und a 1885 dabaude Hoizkapein. Vo Oustan bis Oktoba kama se des oschaugn.
  • Höibochgspreng: is oane voum Höiboch gformde schdeile Schlucht, de voum Höiboch in merare Wossafoin und an gloan Sää duachflossn wiad. A Weg fiat fia Wandara duach de Höibochspreng afe zan Gipfe voum Foikastoa.

Berihmtheidn[VE | Weakln]

  • Klaus Fischer (* 27. Dezemba 1949), Fuaßbolla

Lidaradua[VE | Weakln]

  • Seyfert, Ingeborg: Lindberg – Aus der Geschichte eines Dorfes im Zwieseler Winkel. August Dreesbach Verlag: München 2006.

Beleg[VE | Weakln]

  1. Bayerisches Landesamt für Statistik – Tabelle 12411-001: Fortschreibung des Bevölkerungsstandes: Bevölkerung: Gemeinden, Stichtage (letzten 6) vom Januar 2018 (Einwohnerzahlen auf Grundlage des Zensus 2011) (Hilfe dazu).
  2. http://www.bayerische-landesbibliothek-online.de/orte/ortssuche_action.html?anzeige=voll&modus=automat&tempus=+20111211/161359&attr=OBJ&val=783
  3. Homepage Gemeinde Lindberg. Archiviert vom Original am 4. Meaz 2016, obgruafa am 28. Septemba 2013.

Im Netz[VE | Weakln]

 Commons: Lindberg – Sammlung vo Buidl, Videos und Audiodateien