Werfm

Aus Wikipedia
Wexln zua: Navigation, Suach
Der Artikl is im Dialekt Pongaurisch gschrim worn.
Werfm
Bild
Wappen von Werfm
Werfm
Östareichkartn, Position vo Werfm hervorghoben
Baasisdaaten
Bundeslaund: Soizburg
Politischer Bezirk: Sainig Houns (JO)
Flächen: 154 km²
Koordinaten: Erioll world.svg Koordinaten: 47° 29' N, 13° 11' O 47° 29' N, 13° 11' O
Heechen: 548 m y. A.
Eihwoner: 3085 (15. Mai 2001)
Bevökerrungsdichten: 20 Eihwoner pro km²
Postlaatzoi: 5450
Vurwoi: 06468
Gmoandvawoitung: Markt 24, 5450 Werfen
Netzseiten:
Politik
Burgermaaster: Franz Meißl (SPÖ)
Gmoandroot: (2004)
11 SPÖ, 6 ÖVP, 2 FPÖ,
Bild
Werfm vo da Burg Hohnwerfm aus gsächn

D' Morktgmoa Werfm (Hochdeitsch: Werfen) lig so ebbas 40 km sidlich vo Soizburg in Esterraich. Si houd za. 3.100 Aiwoner.

Geografi[VE | Weakln]

D' Gmoa lig im Pongau im Soizburger Lound zwischn Tennen-, Honggebirg und Hochkenig im Soizachtoi.

Zan 154 km² umfossatn Gmoagebit vo Werfm ghern aa d' Ortschoftn:

  • Tennegg (Tenneck)
  • s Bleabouchtoi (Blühnbachtal)
  • Imlau (Imlau)
  • Raitsam (Reitsam)
  • Schortn (Scharten)
  • Suizau (Sulzau)
  • d' Wimm (Wimm)

Gschicht[VE | Weakln]

Werfm is oana vo d' äitastn Morkt im Soizburger Lound. Er is zwischn 1190 und 1242 grindt woun. Werfm is da Sitz vo an soizburgerischn Pfleggricht gwen. In d' Bauernkriag 1525/26 is Werfm koumpflos vo d' Aufständischn aignumma woun. 1731/32 is za na grossn Protestantnvatraiwung kemman. Aufgrund vo eanana Zuagherigkait zan protestantischn Glam sand 20.000 Laid per Dekret vom Firschterzbischof vom Lound ausgwisn woun. Da Kinig Friedrich Wilhelm I. vo Praissn houd d' Flichting in Ostpraissn a noichs Lound zuagwisn.

Am 25. Juli 1928 is nouch nur na oajaring Bauzaid auf 'm 1630 m houchn Rettnbouchriadl zan Odenkn an d' Vurforn d' Ostpraissnhittn aigwaicht woun.[1]

Noch da Aufläsung vom gaistlichn Firschtntum Soizburg is Werfm mid 'm grässtn Toae vom soizburgerischn Gebit 1816 z' Esterraich kemma. 1939 is d' Ortschoft Konkordiahittn (Konkordiahütte) in Tennegg (Tenneck) umbnounnt woun. Da Ortstoae Tennegg is vom Aisnwerk Suizau-Werfm sear stork prägt.

Werfm lig unterhoib vo da Burg Houchnwerfm, de ois Burg vo d' Soizburger Erzbischef auf s 11. Jouhundascht zrucke get. D' Festung Houchnwerfm is 1931 durch an Groussbround toaewais zastärt woun und nochand wider aufbaut und am 6. August 1938 da NSDAP iwagem, um unterm Loundrot Karl Springenschmied zur Gauschulungsburg umgwoundlscht z' wern. Am 6. Mai 1945 houd da Genarallaitnount Bark (6. US-Armee) um 13:30 Uhr 'n Woffmstijstound bekounnt gem. Nochm zwoatn Wäitkriag is d' Burg bis 1987 vo da esterraichischn Bundesgendarmerie ois Ausbijdungsstättn gnitzt woun.

Kuitur & Sechnswirdigkaitn[VE | Weakln]

Wopm[VE | Weakln]

s Wopm vo da Gmoa is: „Im toaetn Schijdl om in Goid d' woggsnde vurwärtskherte Gstoit vo an Pijger mid rodm Klaidl, schwouschzn Mountl und emsoichan barettorting Huat, in da Rechtn an Pijgastoub hoitad, d' Linke in d' Saitn gstitzt, untn in Blau an aufrecht rechtsgwendatn schwouschzn Hund.“

Politik[VE | Weakln]

Birgermoaster is said 2005 da Meißl Franz vo da SPÖ.

Beleg[VE | Weakln]

  1. http://www.alponline.com/Wandern/Ostpreussenhuette-Salzburger-L/ostpreussenhuette-salzburger-l.htm