Katar

Aus Wikipedia
Wexln zua: Navigation, Suach
Disambig-dark.svg Fia andane Bedeitunga schau: Katar (Begriffsklearung).
دولة قطر

Daulat Qatar
Staat Katar

Flagge Katars
Wappen Katars
Fahna Woppn
Amtssproch Arabisch
Haptstod Doha
Stootsform Emirat
Stootsobahapt Scheich Hamad ibn Chalifa Al Thani
Regiarungschef Scheich Hamad ibn Dschasim ibn Dschabir Al Thani
Fläch 11.606 km²
Eiwohna 1.699.435 (2010)
Dichtn 146 Eiwohna pro km²
Bruttoinlandsprodukt nominal (2009)[1] 83.910 Mio. US$ (61.)
Bruttoinlandsprodukt pro Eiwohna 68.872 US$ (3.)
Human Development Index 0,803(38.) [2]
Währung 1 Katar-Riyal (QR) = 100 Dirham
Unobhängigkeit 18. Dezember 1878, 3. September 1971 (vom Vereinigten Königreich)
Nationalhymne as-Salam al-amiri
Zeitzone UTC+3
Kfz-Kennzoachn Q
Internet-TLD .qa
Telefonvoawoi +974
Qatar in its region.svg
Qatar rel95.jpg
Wüstenlandschaft in Katar

Katar (arabisch قطر‎ Qatar, Umschrift: Qaṭar) is a Emirat am Noadostn vo da arabischn Hoibinsl am Persischn Goif.

Da Stoot Katar ligt auf arana recht schmoin, ovaln Hoibinsl und duad am Sian an Saudi-Arabien grenzn. Vom Sian an Noadn auffe, dehnt se as Land um de 180 km, vom Westn an Ostn 80 km aus. Zum Gebiet gheand a nu oi Insln.

Eadkunde[VE | Weakln]

Soizsimpf und Wüstenstroafan grenzand Katar vom Rest vo da arabischn Hoibinsl o. D Soizpfandln – sognennde Sabkhas – auf da Hähn vom Meer hand Relikte ausarana Zeit, wo Katar nu a Insl wa. Erscht duach a leichte Hebung vom Lands id d Vabindung zum arabischn Festland entstandn. Aus dene Simpf steigt an Noadn as sanft gwäide Higelland empor, de wos Katar prägt. Am Westn, a da Natt vo da Stod al-Kirana, kimmd as Gelände am Dschabal Duchan mid 106 m zu seim hächstn Punkt. An Ostn hi foid s Land sanft zum Meer obe. As ibawiegnd flache Land is vo Stoandl- und Kieswüstn prägt. Sanddünen kemmand grod vaoanzld fia, meistns a da Kistn am eißastn Siadostn. D Kistn wiad vo mehrane langgstreckte Buchtn gliadad. Bsundas a da Ostseitn hand an Haufa Korallenrief voaglogad.

S Grundwossa hod as gscheid houa Soizghoid; a Wossa zum Dringa wiad aus Meerwossaentsoizungs-Anlagn gwunga. Am Siadostn ligt d Meereslagune Khawr al Udayd.

Klima[VE | Weakln]

Mid de gringa Niadaschlag vo unda 100 mm ghead Katar zu de druckastn Landschaftn vo da Wäid. Weis so nouad am Persischn Goif ligt, is a Klima s ganze Jea iba schwäi, subtropisch und hoaß. D Luftfeichtigkeit ligt bei eba 85 %. Am Summa hand Tembaraduan vo um de 45 °C ned Säitn, am Winda singands am Schnied auf 17 °C. Es kinnand oba Tembaraduan vo unda 10 Grod fiakemma agrad de letztn Winda is eftas fiakemma. Oft wachld da drucka-staubige Noadwestwind Schamal.

Flora und Fauna[VE | Weakln]

Katar ist zum Groußteil recht unfruchtboa und a Ed, nu fäi unwirtlicher ois de ganzn andan arabischn Wüstnlända. Grod am Noadn, wo d Niadaschlag nu a wengal efdas fia kemmand, wochsand Wüstenhyazinthn, Poimn und Dornstauan. Noch dem säitna Reng kemmand Grasa und Greida fiara, Bliatn und Fricht dreimd, dadiand oba glei wieda. A de Soizpfandl wochsand a Gros und oi Stauan wos as Soiz vadrongand (Halophyten).

Ned fäi Viecha – Wüstenspringmäuse, Igel, Geckos und Warane – kinnand do unda de extrema Lemsbedingunga vo da Wüstn Lem. Zugvegl rastn am Winda a da neadlichn Kistn. Gem duads eba 30 Vogloatn wos heimisch hand. Fia de gfährdetn Oryxantilopen is siadle vo Doha a Wuidpark baud won. D Gwassa vom Persischn Goif hand recht fieschreich. Manchmoi hand a Pottwale, Delfine und d vagleichweis rech säitna Säkia zum findn. A da Noadkistn hand westle vo Ras Laffan Oaoblagestände vo Meeresschildkrötn.

Am Wuidpark al-Wabra gibts 50 vo de 80 Spix-Aras wos unda da Obhut vo de Menschn lemand.

Vawoidungsgliadarung[VE | Weakln]

D Vawoidungsgliadarung vo Katar bestehd seit 2004 aus sim Gmoan (arabisch: baladiyya):

  1. Doha
  2. al-Chaur
  3. al-Wakra
  4. ar-Rayyan
  5. asch-Schamal
  6. Umm Salal
  7. ad-Daʿayan

Lidaradua[VE | Weakln]

  • Erich Follath: Wie Dubai, nur exklusiver. In: Der Spiegel. Nr. 28, 2006, S. 100 ff (Online).

Im Netz[VE | Weakln]

Boarisches Weatabuach: Katar – Bedeitungserklärunga, Woatheakunft, Synonyme und Ibasetzunga
 Commons: Katar – Oibum mit Buidl, Videos und Audiodateien

Beleg[VE | Weakln]

  1. International Monetary Fund, World Economic Outlook Database, Oktober 2010
  2. Human Development Index


25.26944444444451.212777777778Koordinaten: 25° N, 51° O