Vaeinigts Kinireich

Vaeinigts Kinireich vo Großbritannien und Nordirland

United Kingdom of Great Britain and Northern Ireland

Åmtssproch

Englisch (de facto)

amtlich regional: Irisch, Gälisch(Schottisch-Gälisch), Scots, Kymrisch (Walisisch) und Manx

Hauptstod

London

Stootsform

Konstitutionell-parlamentarische Monarchie

Stootsowahaupt

Kenigin Elizabeth II.

Regiarungsschef

Premierminista David Cameron

Flächn

244.820 (79.)^[1] km²

Eiwohnazoi

60.209.500 (22.)(Mitte 2005)^[2]

Beväikarungsdichtn

246 (48.) Eiwohna pro km²

BIP

2.373 Mrd. US-$ (5.) (2006)

BIP/Eiwohna

39.213 US-$ (13.) (2006)

Währung

Pfund Sterling (£, GBP)

Nazionalhymne

God Save the Queen

Zeidzone

UTC+0

Kfz-Kennzeichn

GB

Internet-TLD

.uk, .gb (ungnutzt)

Telefonvurwoi

+44

Des Vaeinigte Kinireich (engl. United Kingdom, kurz: UK), Langform Vaeinigts Kinireich vo Großbritannien und Nordirland (engl. United Kingdom of Great Britain and Northern Ireland) is a souveräne Nation vor da Nordwestküstn vo Kontinenteieiropa.

Da gresste Inslstoot vo Eiropa is a Union vo ehemois unobhengin Oanzlstootn England, Schottland und Wales sowia Nordirland. Dees Vaeinigte Kinireich hod aa mearane Iwaseegebiete. De Kronbesitima vo da Isle of Man und vo de Kaneiinsln san da britischn Krone untastejt, san owa ois sejbstendige Lenda ned Bstandtei vom Vaeinigtn Kinireich. Ois parlamentarische Monarchie untahoit dees Land aa no Beziahunga zu fuffzehn Commonwealth Stootn, vo dena dees Stootsowahapt da britische Monarch is.

Eadkunde [dro werkln]

Dees Vaeinigte Kinireich bsteht aus da Hauptinsl Großbritannien und eppa am Sextl vo da Insl Irland. Um de Haptinsl liegn mearane Inslgruppm mit iwa 1000 kloanare Insln. De wichtigstn Inslgruppm san Shetland und Orkney in da Nordsee neadlich vo Schottland, de Aissan Hebridn und de Innan Hebridn im Atlantischn Ozean westlich vo Schottland, Anglesey in da Irischn See neadlich vo Wales, des Scilly-Insln in da Kejtischn See sidwestlich vo England sowia de Isle of Wight im Eamekanei vor da englischn Sidkistn. De oanzige Landgrenz bsteht af da Insl zua Republik Irland; de is 360 km lang. Ned zum Vaeinigtn Kinireich ghean (obwois da britischn Krone untastenga) de Isle of Man in da Irischn See de Kaneiinsln im Eamekanei vor da Nordkistn vo Frankreich.

Eiwohna [dro werkln]

Des Land hod ummara 60 Milliona Eiwohna, davo hòt de Hauptstod London zirka 7.400.000 Eiwohna. In Großbritannien lebm a sehr vüü Eiwandara vo de ehemolign Kolonien, wia zum Beispui Inda, Pakistana und Kinesn.

Gschicht [dro werkln]

S Vareinigte Kinireich is 1707 aus am Zsammaschluss vo de Kinireich England und Schottland entstandn, nachdem de Stootn scho länga vum gleichn Kine regiad worn san. Es hod im 19. Joarhundat, damois British Empire gnennt, durch de friare Industrialisiarung de Vormachtstellung in da Wejd erlangt, aa durch de unbrochane Seeherrschaft vun da Englischn Flottn. In da easchtn Hejftn vom 20. Joarhundat is de Mocht vo Großbritannien mit de zwoa Wejdkriag gschwundn, obwoi de zwoa Kriag vo Großbritannien gwunna worn san. In da zwoatn Hejftn vom 20. Joarhundt san nacha de moastn vo de ehemolign Kolonien unabhängig worn.

Wiatschoft [dro werkln]

Dees Vaeinigte Kinireich zejt zu de am steakstn dereguliatn und privatisiatn Voikswiatschoftn vo da Wejt. De britische Wiatschoft is da Ursprung vom sognenntn „angelsaxischn Kapitalismus“, wo af de Prinzipien vo da Liberalisiarung , vom frein Moarkt, vo niadriga Besteiarung und geringa Reguliarung afbaut. Dees Land hod dees wejtweit sextgresste Bruttoinlandsprodukt (BIP), noch Deitschland und Frankreich dees drittgresste in Eiropa.^[3] Mit 28.300 Euro liegt dees BIP pro Kopf im oban eiropejischen Referenzraumen. Im Vagleich mitm BIP vo da EU (ausdruckt in Kaufkraftstandards) eareicht dees Vaeinigte Kinireich an Index vo 116,2 (EU-25 im Joar 2003: 100).