Armenien

Da Titl vum Artikl is meadeitig. Weidare Bedeitungen findt ma unta Armenien (Begriffsklärung).

Հայաստանի Հանրապետություն Hajastani Hanrapetutjun Republik Armenien
(Details) (Details)
Åmtssproch	Armenisch
Hauptstod	Jerewan
Stootsform	semipräsidentielle Republik
Stootsowahaupt	Sersch Sargsjan
Regiarungsschef	Premierminister Tigran Sargsjan
Flächn	29.800 km²
Eiwohnazoi	3.264.500 (Juni 2011)
Beväikarungsdichtn	107,4 Eiwohna pro km²
BIP nominal (2010)	9389 Millionen US$ (126.)
BIP/Eiwohna	2.846 US$ (108.)
HDI	0,798 (84.)
Währung	1 Dram = 100 Luma
Unobhängigkeit	von der Sowjetunion am 21. September 1991
Nazionalhymne	Mer Hayrenik
Zeidzone	UTC+4 / UTC+5 (März bis Oktober)
Kfz-Kennzeichn	ARM
Internet-TLD	.am
Telefonvurwoi	+374

Armenien is a Binnenstod am Kaukasus (Voadaasien). Es ligt am Bergland zwischn Georgien, Aserbaidschan, am Iran und da Diakei.

Eadkunde

Log

Relief vo Armenien

Armenien ligt am Ibagang vo Gloaasien und Transkaukasien, zwischn 38° 51' und 41° 16' vo da neadlichn geografischn Brean sowia 43° 29' und 46° 37' vo da estlichn geografischn Läng. Da heidige Stod umfasst a Gebiet vo 29.800 Quadratkilomeda am Noadostn vom Armenischn Hochland und am Siadrand vom Gloana Kaukasus.

D Landesflächn vo Armenien is eba so grouß wia de vom deitschn Bundesland Brandnburg. Es grenzt am Noadn an Georgien, am Ostn an Aserbaidschan, am Siadostn an Iran, am Sian a d aserbaidschanische Exklavn Nachitschewan und vo Siadwestn bis Westn a Diakei. D heidige Bveikarungszoi ligt bei eba drei Million.

Klima

Blick iban Sewansee

As Territorium vo da Republik Armenien ligt zwoa a de Subtropn, es hod se oba ergem, dass se duach den groussn Hähnundaschied – da Aragaz (4090 Meter) und as Doi vom Aras (guade 380 Meda) grod 80 Kilomeda vorananda entfernd hand – und d gloateilige Landschoft undaschiedliche lokale Klimata hod. Oanaseits wiakand do drauf de a da natt liegadn Meere ausgleichnd, andanaseits oba deand de Hochgebirge vo da Umgebung extreme Schwankungen beginstign. De houa Gipfen vom Kaukasus wiakand stoake Eibrich vo da Käin vo Noadn her zgeng. A de Däia und a de Niadarunga is as Klima kontinental, obwoi, dass d Dembaraduan am Summa am middog scha meistns iba 30 °C lingand, a de Berg insgsamt a wengal käida und a da Grenz zum Iran subdrobisch und gscheid drucka.

Pflanzn und Viecha

Armenische Feisnoadechs

As Gebiet vo da Republik Armenien is gscheid oatnreich; es gibt an Haufa endemische Oatn. A da Arasniadarung gibts fui Soizpflanzn. Bis zu arana Hähn vo 1400 Meda hand Artemisia weid vabroad. Am gebiagign Glände wachsand fui dornige Stauan und andane Pflanzn Stochen, wie eba Distln. Am Hochgebirg gibts a efdas xerophil Pflanzn. Ums Jea 1900 wand um de 25 Prozent vo da Flächn mid Bam oda Stauan bedeckt, 1964 eba 15 %, 2005 grod nu acht bis zehn Brozent.

Vawoidung

Vawoidungsoaheitn

Armenien noch de Vawoidungsoaheitn gliedat

Armenien gliedat se a eif Provinzn (= Marser; Singular Mars)

Lage-#	Provinz		Hauptstod
1	Aragazotn	Արագածոտնի մարզ	Aschtarak	Աշտարակ
2	Ararat	Արարատի մարզ	Artaschat	Արտաշատ
3	Armawir	Արմավիրի մարզ	Armawir	Արմավիր
4	Gegharkunik	Գեղարքունիքի մարզ	Gawar	Գավառ
5	Kotajk	Կոտայքի մարզ	Hrasdan	Հրազդան
6	Lori	Լոռու մարզ	Wanadsor	Վանաձոր
7	Schirak	Շիրակի մարզ	Gjumri	Գյումրի
8	Sjunik	Սյունիքի մարզ	Kapan	Կապան
9	Tawusch	Թավուշի մարզ	Idschewan	Իջևան
10	Wajoz Dsor	Վայոց Ձորի մարզ	Jeghegnadsor	Եղեգնաձոր
11	Jerewan	Երևան	seit am Referendum am Joa 2005 Status ois Stodgmoa

Städt

De gresstn Städt und de Eiwohnazoin (Januar 2005) hand:

1. Jerewan: 1.312.956
2. Gjumri: 148.383
3. Wanadsor: 107.394
4. Etschmiadsin: 49.514
5. Hrasdan: 40.796

Bväikarung

Vo de drei Million Eiwohna vom Land hand laut da 2001 duachgfiadn Voikszäiung 97,9 % Armenier, 1,3 % Kurdn, 0,5 % Russn (davo a Molokanen), andane hand Assyrer, Pontos-Griechen und Kaukasiendeitsche (1941–44 meisnts deboadiad). Bis 1990 (voaram Berg-Karabach-Konflikt) hamd a fei Aserbaidschana z Armenien glebt. Z Armenien is d Bväikarungsendwicklung rickleifig (–0,4 % pro Jea). Zwischn 1991 bis 1998 hand eba 750.000 Armenier voa oim noch Russland und andane Staatn vo da GUS zong.

Buidung

Seit langa steind d Anoiphabetn a ganz gloane Mindaheit do. Obwoi da Buidung traditionell grousse Bedeitung beigmessn wiad, feind teilweise d Mittl fia Lehrmatrialien, Gebeide oda fia d Heizung. As Land hod mehrane Universitätn.

Gsundheid

Anno 2006 hod d Lemsdawoadung vo de Mana 70 und de vo de Fraun 76 Jea ghod. 2004 hand de Gsundheitsausgom bei 5,6 % vom BIP gleng. Se woand ibawiegnd aussahoib vom privatn Sektor. 2006 wand de Gsundheitsausgom vo da Regiarung bei 112 US-Dollar pro Person.

Sprochn

D armenische Sproch steid an eingna Zweig a da indogermanischn Sprochfamilie. Armenisch (Eignbezeichnung Hajeren) wiad auf da ganzn weid vo eba sim Million Leid gschmatzt, z Armenien vo eba drei Million, des hand iba 95 Prozent vo da Bväikarung. As armenische Alphabet is am Anfang vom 5. Joahund duach an Mesrop Maschtoz fia as Oidarmenische entwickld won. Seitdem is des Alphabet de feste Grundlog fia da nationale Sproch und Kuidua won.

Lidaradua

• Bertold Spuler (Hrsg.): Handbuch der Orientalistik; Teil 1: Wolfgang Schramm: Einleitung in die assyrischen Königsinschriften; Teil 2: Wolfgang Schramm: 934–722 v. Chr.. Brill, Leiden 1973. ISBN 90-04-03783-7.
• Museum Bochum, Stiftung für Armenische Studien (Hrsg.): Armenien. 5000 Jahre Kunst und Kultur. Wasmuth, Tübingen 1995; ISBN 3-8030-3066-8
• Tessa Hofmann: Annäherung an Armenien. Geschichte und Gegenwart. Beck, München 1997; ISBN 3-406-42023-0
• Jakob Künzler: Im Lande des Blutes und der Tränen. Erlebnisse in Mesopotamien während des Weltkrieges (1914–1918). Reihe ZeitZeugnisse. Tempel-Verlag, Potsdam 1921; Nachdruck: Chronos, Zürich 1999. ISBN 3-905313-06-5
• Adriano Alpago Novello: Die Armenier. Brücke zwischen Abendland und Orient. Belser, Stuttgart und Zürich 1986. ISBN 3-7630-2335-6
• Henri Stierlin: Von Konstantinopel bis Armenien und von Syrien bis Äthiopien. Belser, Stuttgart und Zürich 1986. ISBN 3-7630-1747-X
• Jean M. Thierry: Armenien im Mittelalter. Schnell und Steiner, Regensburg 2001; ISBN 3-7954-1435-0
• Huberta von Voss: Portrait einer Hoffnung: Die Armenier. Lebensbilder aus aller Welt.Schiler, Berlin 2004. ISBN 3-89930-087-4
• Christopher J. Walker: Armenia: the Survival of a Nation. Saint Martin’s Press, London 1980 (1990²). ISBN 978-0-312-04230-1. : online Version
• Wilhelm Baum: Die Türkei und ihre christlichen Minderheiten. Geschichte – Völkermord – Gegenwart. Kitab-Verlag, Klagenfurt und Wien 2005. ISBN 3-902005-56-4. auch en: The Christian Minorities in Turkey. Kitab-Verlag, Klagenfurt und Wien: 2005. ISBN 3-902005-62-9.
• Literatua iwa Armenien in Bibliothekskatalogn: DNB, GBV
• Haig E. Asenbauer: Zum Selbstbestimmungsrecht des armenischen Volkes von Berg-Karabach. Ethnos 41. Braumüller, Wien 1993. ISBN 3-7003-0978-3
• Burchard Brentjes: Drei Jahrtausende Armenien. Koehler und Amelang, Leipzig 1984³. Schroll, Wien München 1984. ISBN 3-7031-0594-1
• Johannes Lepsius: Armenien und Europa, eine Anklageschrift. Berlin 1897.
• Johannes Lepsius: Der Todesgang des armenischen Volkes. Bericht über das Schicksal des armenischen Volkes in der Türkei während des Weltkrieges. Missionshandlung und Verlag Roon-Straße, Potsdam 1930⁴
• Artem Ohandjanian: Armenien, der verschwiegene Völkermord. Böhlau, Wien Köln Graz: 1989. ISBN 3-205-05213-7.
• Erwin M. Ruprechtsberger (Hrsg.): Armenien. Anlässlich der Armenien-Ausstellung im Stadtmuseum Linz – Nordico, 7. September – 22. Oktober 1989. Linzer Archäologische Forschungen 18. Stadtmuseum, Linz 1990. Band 1: Kunst und Geschichte im 1. Jahrtausend 1989. Band 2: Beiträge zur Sprache, Geschichte und Archäologie. 1990
• Editha Wolf Crome (Hrsg.): Aufbruch nach Armenien. Reise- und Forschungsberichte aus dem Lande Urartu – Armenien. Reimer, Berlin 1985; ISBN 3-496-00810-5

Im Netz

Wiktionary: Armenien – Bedeitungserklärunga, Wortherkunft, Synonyme und Ibasetzunga

Commons: Armenien – Buidl, Videos und/oda Audiodatein

 Wikimedia-Atlas: Armenien – geografische und historische Koartn

Wikiquote: Armenische Sprichwörter – Zitate

Wikibooks: Wikijunior Europa/ Armenien – eppas zum Lerna und Lehra.

• Website der armenischen Regierung
• Armenica.org: Informationen über Armenien
• Alles über Armenien
• Aktuelle informationen für Armenier und Deutsche in Deutscher Sprache

Beleg

40.38333333333344.957

Stoot in Asien

Afghanistan | Ägypten | Armenien | Aserbaidschan | Bahrain | Bangladesch | Bhutan | Brunei | China, Voiksrepublik | Georgien | Indien | Indonesien | Irak | Iran | Israel | Japan | Jemen | Jordanien | Kambodscha | Kasachstan¹ | Katar | Kirgisistan | Kuwait | Laos | Libanon | Malaysia | Maledivn | Mongolei | Myanmar | Nepal | Nordkorea | Oman | Osttimor | Pakistan | Philippinen | Russland¹ | Saudi-Arabien | Singapur | Sri Lanka | Südkorea | Syrien | Tadschikistan | Thailand | Turkmenistan | Tiakei¹ | Usbekistan | Vaeinigte Arabische Emirate | Vietnam | Zypern, Republik
Åndane und umstrittane Gebiete:
Abchasien | Bergkarabach, Republik | Britischs Territorium im Indischn Ozean (Britische Iwaseegebiete) China, Republik (Taiwan) | Hongkong (SVZ vo da VR China) | Macao (SVZ vo da VR China) | Palästina | Südossetien | Tiakische Republik Nordzypern
¹ Liegt zan Tei aa in Eiropa.