Zypern

Aus Wikipedia

Züpan
Flächn	9251 km²
Greßte Erhebung	Olympos 1.952 m
Einwohnerzoih	1.043.800[1][2]
Bevökerungsdichtn	113 Einwohner/km²
Hauptstod	Nikosia (gr.: Lefkosía, tr.: Lefkoşa)
Greßte Stod	Nikosia

Züpan (griechisch: Κύπρος, oda Kýpros / türkisch: Kıbrıs) is die drittreaßte Insl im Mittelmeer und liagt im östlichn Bereich; geografisch (Geografie) keat sie zu Asien.

[dro werkln] Geografie

Auf Züpan gibts zwoa Gebirge, da Pentadaktylos (Beşparmak) und es Troodos-Gebirge; dazwischn befindet sich die Mesaoría Ebne (Μεσαορία /„zwischn die Berg“/ Mesarya) mit em Zentrum und da Hauptstodt Nikosia (gr: Lefkosia / tr: Lefkoşa). Die Bevölkerungszohl belafft sich, mit stationiate Soldatn da Britn und Türkn auf insgesomt 1.038.461 Bürga (Februar 2007). 778.000 dea Züpriotn (72%) san griechischn Uasprungs und 220.000 san türkischn Uasprungs, und ungefeah in dem Zohlnvahältnis belafft sich a die Aufteilung da Religionen in Züpan. Da greaßte Toal da Bevölkerung san orthodoxe Christn; de mochn um die 77% aus, wäand die Muslime 21% stelln. Die Züpriotisch-Orthodoxe Kirchn is seit dem Konzil vu Ephesos im Johr 431 autokephal und befindt sich in oa Glaumsgmeinschoft mit die ondan orthodoxn Kirchn. 99% da türkischsprochign Muslime auf Züpan kean em sunnitisch-muslimischn Glaum on. Die wichtigst Bodnschätz auf Zypan san Kupfa und Asbest, olladings hom die Züpriotn a relativ vü Marmoa, Pyrit, Gips, Sålz, und Tohnead - Übrigns wor des Kupfavorkommen auf Züpan so bedeitnd, dass es sein nomen davu hot (lateinisch: cuprum is obgleitet vu cyprium, oiso "züprisches Erz")

[dro werkln] Geschichte

schau aa unta: Züpanfrog

Die easte dauahofte Besiedlung vu Züpan woa in da Jungstoazeit und hot sich vom syrischn Festlond aus vollzogn. Die berühmtestn Ausgrobungen aus dea Zeit san die Städte Khirokitia, Kastros, Shillourokambos, Ais Yiorkis und Tenta. In da Bronzezeit wor Züpan da wichtigste Kupfaliefarant da Region vum öslichn Mittlmea. Ob 1200 v. Christus is die Insl donn unta vaschiednste Einflüss gfolln. Zeast unta griechischn (üba Mykene), donn hom Assyrien, Ägyptn, Persien und es Antike Room in dea Reihenfolge die Insl zu am groaßn Teil kontrolliat. Römisch, beziahungsweis oschtrömisch / büzantinisch, is sie donn vu 58 v.Chr. bis 1148 untam letztn unobhängign Kaisa vu Byzanz, Kaisa Issak Komnenos, bliebn, bis donn die Kreizritta durch die Kreizzüge, und die Familie Lusignan do bis 1489 kerrscht hobn. Danoch keat die Insl bis 1571 zu Venedig, und danoch bis 1914 zum Osmanischn Reich. Noch 1914 is es zua britischn Kronkolonie anonnt wuan, und im Johr 1960 hod Züpan die Unåbhängigkeit alongt, oba seit 1974 übt die Türkei wieda groaße Kontrolln üban nördlichn Toal vu Züpan (inoffiziell: Türkische Republik Nordzüpan) aus. Die Republik Züpan is seit em 1. Mai 2004 a Mitgliedsstaat da Europäischn Union

Referenz-Fehler: <ref>-Tags existieren, jedoch wurde kein <references />-Tag gefunden.