Südossetien

Республикæ Хуссар Ирыстон, umstritten Республика Южная Осетия, umstritten Südossetien
Flagge Wappen
De‑facto‑Regime, Gebiet ist völkerrechtlich Teil von	Georgien
Amtssprache	Ossetisch, Russisch, Georgisch
Hauptstadt	Zchinwali
Regierungsform	Republik
Oberhaupt	Präsident Eduard Kokoity
Regierungschef	Premierminister Aslanbek Bulazew
Fläche	3885 km²
Einwohnerzahl	75.000
Bevölkerungsdichte	19 Einwohner pro km²
Währung	1 Rubel = 100 Kopeken 1 € = 36,168 RUB 100 RUB = 2,7649 € (Stand: 8. September 2008)
Gründung	20. September 1990
Zeitzone	MEZ +2

Südossetien is a seit em Kaukasus-Konflikt zwischn Russlond und Georgien 2008 vu bishea Russlond,Nicaragua,Venezuela und Nauru on-akonnte Republik.

Gschicht

Politisch offiziell existent is die heitige Republik east seit dem 20. April 1922, weil an dem Tog hot die Region an administrativen Status vo da Sowjetunion aholtn. Bis dohin wor Südossetien Tei vo da demokratischn Republik Georgien. Scho zu dea Zeit hobn die Osseten vasuacht, ia Unobhängigkeit z' alongen. Oamol voa 2008 hot Ossetien scho sei Unobhängigkeit akläat. Des is am 10. Novemba 1989 passiat, is oba vo das Sowjetunion fia nichtig akläat woan und damit woa Kriag. Da Konflikt hot sich fortgsetzt bis 1992, ois UNO-Truppen in da Region stationiat woan san. In weitara Folge hot sich Südossetien Georgien angschlossn, während Nordossetien bei Russlond bliebn is. Faktisch olladings is Südossetien unobhängig bliebn; a Zuastond den Saakaschwili in am 3-Stufen-Plan beenden woit. 2006 hots a Referendum üba die Unobhängigkeit vo Ossetien gebn, bei dem sich 99% da Bevölkerung fia die Unobhängigkeit ausgsprochn hobn, wobei die Georgier, de in Südossetien lebn net mitstimmn hobn derfen. 2008 is die ongesponnte Lage zwischn Russn, Ossetn und Georgier donn in am Kriag eskaliert. Nochdem is oba bold a Waffenstillstond vaeinboat woan und zugleich hot da russische Präsident Medwedew Südossetien und Abchasien als unobhängige Stootn onakonnt. Spata is dea Stoot donn a vo Nicaragua onakonnt woan.

Volk

Die ethnische Zuagehörigkeit spielt in da Südossetien-Frog a wichtge Rolln. Voam Südossetien-Konflikt 1989 woan zwoa Drittl da Bevölkarung ethnische Osseten, ungefeah 25-30% woan Georgier. Des is noch da letztn Volkszählung 1989, de no in da Sowjetunion durchgfüaht woan is. Die zwoa Omtssprochn im Stoot san Russisch und Ossetisch. 95% da Osseten besitzn a russische Stootsbürgaschoft, womit de a Rechte eingräumt sen, de Georgier net hobn.

Politik

Die Republik Südossetien hot a eigene Vafossung (siehe ossetische Verfassung). Die Politik weat vo da kommunistischen Partei dominiat, dabei woa da Stootschef da Ludwig Tschibirow von 1993 bis 2001 und seitdem isses da Eduard Kokoity. Ondare Partein san Vaterland und Volkspartei. Am 31. Mai 2009 findn die nächstn Wohln stott.

Wirtschaft

Die Wirtschoft vo Südossetien basiat auf da Landwirtschoft, aufm Onbau vo Getreide, Wein und Obst oba a aufm Gütatransport in die Russische Föderation. Förderungen hot Südossetien zwischen 1998 und 2008 vu da Europäischn Union aholtn. Kurz voa da Wohl hot Kokoity angekündigt, dass ma 11,5 Milliarden Rubel Hilfe vo Russlond aholtn weat. Dabei sen eastmols noch dem Kriag 1 Milliardn fia private Hilfn eingeplant. Außadem plant Russlond Straßn, Gasleitungen und an Flughofn fia Südossetien z' baun, de olladings bis auf Weiteres in Hond vo am russischn Stootsuntanehmen bleibn solln. Zudem hot die Inflation, Zeugnberichte noch, massiv zuagnommen.

Quejn

• de:wikipedia.org/wiki/Südossetien
• Spiegel Online

Externe Links

 Commons: Südossetien – Sammlung vo Buidl, Videos und Audiodateien

 Wikimedia-Atlas: Südossetien – geografische und historische Koartn

Stootn in Asien

Afghanistan | Armenien | Aserbaidschan | Bahrain | Bangladesch | Bhutan | Brunei | Egyptn | China, Voiksrepublik | Georgien | Indien | Indonesien | Irak | Iran | Israel | Japan | Jemen | Jordanien | Kambodscha | Kasachstan¹ | Katar | Kirgisistan | Kuwait | Laos | Libanon | Malaysia | Maledivn | Mongolei | Myanmar | Nepal | Nordkorea | Oman | Osttimor | Pakistan | Philippinen | Russland¹ | Saudi-Arabien | Singapur | Sri Lanka | Südkorea | Syrien | Tadschikistan | Thailand | Turkmenistan | Tiakei¹ | Usbekistan | Vaeinigte Arabische Emirate | Vietnam | Zypern, Republik
Åndane und umstrittane Gebiete:
Abchasien | Bergkarabach, Republik | Britischs Territorium im Indischn Ozean (Britische Ibaseegebiete) China, Republik (Taiwan) | Hongkong (SVZ vo da VR China) | Macao (SVZ vo da VR China) | Palästina | Südossetien | Tiakische Republik Nordzypern
¹ Liegt zan Tei aa in Eiropa.