Poimkatzal
| Der Artikl is im Dialekt Obaboarisch gschrim worn. |
Poimkatzal oda Poimkatzl nennt ma de Bliatnständ an Weidnzweigal, de im Friajoar fia de Vawendung in Poimbuschn gschnittn wern. Andanorts sogt ma oafach Weidnkatzal dazua. Da Vagleich mid gloane Katzal ligt nah zwengs dem woachn graun "Fej", wo's vorm Aufbliahn hom.
[drå werkln] Poimkatzal im Brauchtum
In vuin Gegandn schneidt ma am Greanpfinzda oda am Poimsunnda Poimkatzalzweig ob. De wean na dahoam in a Vasn gstejt und am Karsamsta mit ausblosane und bunt ogmoide Oar gschmickt.
Um s Haus und de Bewohna vor Ungmoch z schitzn, wean a heit no Poimzweigal am Kruzifix im Herrgodswinkl afgstejt und an Spiagln oda Heilignbuidln obrocht. Friara hom manche Bauan de viar Eckn vo anjedn Ocka mit Poimzweigal markiat, damit s Fejd vor Vawiastunga vom Korngeist bewoat wuan is.
Bliahande Poimkatzal san a heit no - oft nem Stechpoim- und Wachoidazweigal, bliahandn Haslruatn und Buchszweigal, Immagrean und Oachnzweigal mit vorjaarigm Laab - Bestandtoal vom Poimbuschn. An am langan koin Poimsteckn wean nacheinanda jeweis drei Zweigal vo ana Oat mit buntd Bandln festgmocht. Des werd dann in oana Prozession - moast vo Kindan - am Poimsunnda zur Kira trong und duatn gweiht.
[drå werkln] Drucksocha
- Sybil Gräfin Schönfeldt: Feste und Bräuche durch das Jahr, Urania, 1999, ISBN 3-332-01026-3
